ಸುವರ್ಣದಲ್ಲಿ ಮೂರು ಹೊಸ ಮೆಗಾ ಧಾರಾವಾಹಿಗಳು

ಪ್ರೀತಿ, ದ್ವೇಷಗಳ ಸುತ್ತ ಹೆಣೆದಿರುವ ಕಥೆ ಅರಗಿಣಿ

'ಅರಗಿಣಿ' ಧಾರಾವಾಹಿಯು ಪ್ರೀತಿ, ದ್ವೇಷಗಳ ಸುತ್ತ ಹೆಣೆದಿರುವ ಒಂದು ಭಾವನಾತ್ಮಕ ಕಥೆಯಾಗಿದೆ. ಸಿದ್ಧಾರ್ಥ್ ಮತ್ತು ಖುಷಿ ಎಂಬ ಎರಡು ಮುಖ್ಯ ಪಾತ್ರಧಾರಿಗಳು ಒಟ್ಟಿಗೆ ಸಹಬಾಳ್ವೆ ನಡೆಸಲು ತಾವಿಬ್ಬರು ಸರಿಯೋ ತಪ್ಪೋ ಎಂದು ತೊಳಲಾಡುತ್ತಿರುತ್ತಾರೆ.

ರವಿ ಆರ್ ಗರಣಿ ನಿರ್ದೇಶನದ ಧಾರಾವಾಹಿ

ಆದರೆ ಮುಂದೆ ಅವರಿಬ್ಬರು ಒಬ್ಬರಿಗೊಬ್ಬರು ಅರಿತು ನಡೆಯಬಲ್ಲರೇ? ಎಂದು ಪ್ರಶ್ನೆ ಹುಟ್ಟುಹಾಕುತ್ತಲೇ ಸಾಗುವ ಕಥೆ 'ಅರಗಿಣಿ'. ಈ ಧಾರಾವಾಹಿಯನ್ನು ರವಿ ಆರ್ ಗರಣಿಯವರು ನಿರ್ದೇಶಿಸಿ ನಿರ್ಮಿಸಿದ್ದಾರೆ. ಈ ಧಾರವಾಹಿಯು ಪ್ರತಿ ಸೋಮವಾರದಿಂದ ಶನಿವಾರ ರಾತ್ರಿ 9:00 ಗಂಟೆಗೆ ಪ್ರಸಾರವಾಗಲಿದೆ.

ಈ ಧಾರಾವಾಹಿಗಳಿಗೆ ಉತ್ತಮ ಪ್ರತಿಕ್ರಿಯೆ ನಿರೀಕ್ಷೆ

ವಾಹಿನಿಯ ಬಿಸಿನೆಸ್ ಹೆಡ್ ಆದ ಅನುಪ್ ಚಂದ್ರಶೇಖರನ್ ಹೇಳುವ ಹಾಗೆ, "ಈ 3 ಧಾರಾವಾಹಿಗಳು ವಿಭಿನ್ನವಾದ ಮತ್ತು ಅತ್ಯುತ್ತಮ ಕಥಾವಸ್ತುವನ್ನು ಹೊಂದಿದ್ದು ವೀಕ್ಷಕರ ಮನದಾಳಕ್ಕಿಳಿಯುವುದರಲ್ಲಿ ಯಾವುದೇ ಸಂದೇಹವಿಲ್ಲ" ಎಂಬ ವಿಶ್ವಾಸ ಅವರದು.

ಧಾರಾವಾಹಿಗಳು ವೀಕ್ ಡೇ ಪ್ರೈಮ್ ಟೈಮ್ ಲೀಡರ್

ಪ್ರಸ್ತುತವಿರುವ ಧಾರಾವಾಹಿಗಳು ವೀಕ್ ಡೇ ಪ್ರೈಮ್ ಟೈಮ್ ಲೀಡರ್ ಆಗಿದ್ದು ಈಗ ಪ್ರಾರಂಭಿಸುತ್ತಿರುವ ಧಾರಾವಾಹಿಗಳಿಂದ ಇನ್ನಷ್ಟು ಉತ್ತಮ ಸ್ಥಾನವನ್ನು ಪಡೆಯಲಿದ್ದೇವೆ ಎಂಬ ವಿಶ್ವಾಸ ನಮ್ಮದು" ಎಂದಿದ್ದಾರೆ ಅನೂಪ್.

ಜನಪ್ರಿಯ ಕಾರ್ಯಕ್ರಮಗಳ ಪಟ್ಟಿಗೆ ಧಾರಾವಾಹಿಗಳು

ಈಗ 'ಪ್ರಿಯದರ್ಶಿನಿ', 'ಮಿಲನ' ಮತ್ತು 'ಅರಗಿಣಿ' ಸುವರ್ಣವಾಹಿನಿಯ ಜನಪ್ರಿಯ ಕಾರ್ಯಕ್ರಮಗಳಾದ ಕನ್ನಡದ ಕೋಟ್ಯಾಧಿಪತಿ, ಕೃಷ್ಣ ರುಕ್ಮಿಣಿ, ಪ್ರೀತಿಯಿಂದ, ಅಮೃತವರ್ಷಿಣಿ, ಚುಕ್ಕಿ, ಆಕಾಶದೀಪ, ಪಲ್ಲವಿ ಅನುಪಲ್ಲವಿ, ಪಂಚರಂಗಿ ಪೊಂ,ಪೊಂ, ಸರಸ್ವತಿ, ಕರ್ಪೂರದ ಗೊಂಬೆ ಮೊದಲಾದವುಗಳ ಸಾಲಿಗೆ ಸೇರುತ್ತಿವೆ.