ಎಂದೂ ಕಂಡರಿಯದ ಅಮಿತಾಬ್ ಬಚ್ಚನ್ ಚಿತ್ರ!

By Staff

Published: Friday, June 5, 2009, 17:14 [IST]

ಚಿತ್ರದಲ್ಲಿರುವ ವ್ಯಕ್ತಿ ಮೆಜಿಸ್ಟಿಕ್ ನಂತಹ ಜನನಿಬಿಡ ಪ್ರದೇಶಕ್ಕೆ ಬಂದರೂ ಜನ ಗುರುತಿಸುವುದಿರಲಿ ಅವನನ್ನು ಕಂಡು ದೂರ ಸರಿಯುತ್ತಾರೆ! ಅದೇ ಈ ವ್ಯಕ್ತಿ ಬಾಲಿವುಡ್ ಖ್ಯಾತ ನಟ ಅಮಿತಾಬ್ ಬಚ್ಚನ್ ಎಂದರೆ ಮುಗಿ ಬೀಳಲೇ ಬೇಕು. ಎಲ್ಲಾ ಮೇಕಪ್ ಮಹಾತ್ಮೆ!

ಬಿಗ್ ಬಿ ಅಮಿತಾಬ್ ಬಚ್ಚನ್ ಸದ್ಯ ' ಪಾ' ಎಂಬ ಚಿತ್ರದಲ್ಲಿ ನಟಿಸುತ್ತಿದ್ದು. ಆ ಚಿತ್ರದ ಪಾತ್ರಕ್ಕಾಗಿ ಈ ಅವತಾರ ಎತ್ತಿದ್ದಾರೆ. ಲಂಡನ್ ನ ಮೇಕಪ್ ಕಲಾವಿದ ಹೀಗೆ ತನ್ನ ಅದ್ಭುತ ಕಲಾ ನೈಪುಣ್ಯತೆಯನ್ನು ಮೆರೆದಿದ್ದಾನೆ. ಈ ಚಿತ್ರದಲ್ಲಿ ಅಮಿತಾಬ್ ರದ್ದು ಬೌದ್ಧಿಕ ವಿಕಲಚೇತನ ಪಾತ್ರ.

ಈ ಚಿತ್ರದ ಮತ್ತೊಂದು ವಿಶೇಷವೆಂದರೆ, ಅಮಿತಾಬ್ ಗೆ ತಂದೆ ತಾಯಿಯಾಗಿ ಅಭಿಷೇಕ್ ಮತ್ತು ವಿದ್ಯಾ ಬಾಲನ್ ಕಾಣಿಸಲಿದ್ದಾರೆ. ಆದರೆ ಚಿತ್ರಕ್ಕೆ ಹೆಚ್ಚಿನ ಪ್ರಚಾರ ಕೊಡದೆ ರಹಸ್ಯವಾಗಿ ಚಿತ್ರೀಕರಿಸಲಾಗುತ್ತಿದೆ. ದೆಹಲಿಯಲ್ಲಿ ಚಿತ್ರೀಕರಣ ಮುಗಿಸಿಕೊಂಡು ಈಗ ಮುಂಬೈಗೆ ಮರಳಿದ್ದಾರೆ ಬಿಗ್ ಬಿ.

ಈ ರೀತಿ ಮೇಕಪ್ ಮಾಡಲು ಕನಿಷ್ಠ ಐದು ಗಂಟೆಗಳಾದರೂ ಬೇಕು. ತುಂಬಾ ನಾಜೂಕಾಗಿ ಮಾಡಬೇಕಾಗುತ್ತದೆ. ಹಾಗಾಗಿ ನಾನು ಮೇಕಪ್ ಮುಗಿಯುವವರೆಗೂ ಒಂದು ತೊಟ್ಟು ನೀರು ಕುಡಿಯುವುದಿಲ್ಲ ಎನ್ನುತ್ತಾರೆ ಲಂಡನ್ ನ ಮೇಕಪ್ ಕಲಾವಿದ.

(ದಟ್ಸ್ ಕನ್ನಡ ಚಿತ್ರವಾರ್ತೆ)

More from Filmibeat