ಎಯಿಟ್ ಪ್ಯಾಕ್ ದೇಹಾಕೃತಿಗಾಗಿ ಶಾರುಖ್ ಶ್ರಮ

By Staff

Published: Wednesday, June 10, 2009, 14:19 [IST]

ಬಾಲಿವುಡ್ ಬಾದ್ ಷಾ ಶಾರುಖ್ ಖಾನ್ ಎಯಿಟ್ ಪ್ಯಾಕ್ ದೇಹಾಕೃತಿಗಾಗಿ ಶ್ರಮಿಸುತ್ತಿದ್ದಾರೆ. ಈ ಹಿಂದೆ ಅವರು 'ಓಂ ಶಾಂತಿ ಓಂ' ಚಿತ್ರದಲ್ಲಿ ಸಿಕ್ಸ್ ಪ್ಯಾಕ್ ದೇಹಾಕೃತಿಯಲ್ಲಿ ಕಾಣಿಸಿ ಪ್ರೇಕ್ಷಕರನ್ನು ಆಕರ್ಷಿಸಿದ್ದರು. ಎಯಿಟ್ ಪ್ಯಾಕ್ ದೇಹಾಕೃತಿಗಾಗಿ ಈ ಇಳಿವಯಸ್ಸಿನಲ್ಲಿ ಬಹಳಷ್ಟು ಕಷ್ಟಪಟ್ಟಿರುವುದಾಗಿಯೂ ಅವರು ತಿಳಿಸಿದ್ದಾರೆ.

ಇಷ್ಟಕ್ಕೂ ಶಾರುಖ್ ಎಯಿಟ್ ಪ್ಯಾಕ್ ಗಾಗಿ ಶ್ರಮಿಸುತ್ತಿರುವ ಹಿಂದಿನ ಮರ್ಮವಾದರೂ ಏನು? 'ಗಜನಿ'ಚಿತ್ರಕ್ಕಾಗಿ ಅಮೀರ್ ಖಾನ್ ಎಯಿಟ್ ಪ್ಯಾಕ್ ದೇಹಾಕೃತಿಯನ್ನು ಸಾಧಿಸಿದ್ದ. ಶಾರುಖ್ ರ ಸಿಕ್ಸ್ ಪ್ಯಾಕ್ ದೇಹಾಕೃತಿಯನ್ನು ಎಲ್ಲರೂ ಮರೆತರು. ಹಾಗಾಗಿಯೇ ಈ ಹಾರಾಟ ಹೋರಾಟ ಎಲ್ಲಾ ಎಯಿಟ್ ಪ್ಯಾಕ್ ಗಾಗಿ. ಕೇವಲ ಇದೊಂದೆ ಕಾರಣಕ್ಕೆ ಶಾರುಖ್ ಪ್ರಯತ್ನಿಸುತ್ತಿದ್ದಾರೆ ಎಂದರೆ ತಪ್ಪಾಗುತ್ತದೆ.

ಓಂ ಶಾಂತಿ ಓಂ ಚಿತ್ರದ ನಿರ್ದೇಶಕಿ ಫರಾ ಖಾನ್ ನಿರ್ದೇಶಿಸುತ್ತಿರುವ 'ಹ್ಯಾಪಿ ನ್ಯೂ ಇಯರ್' ಚಿತ್ರಕ್ಕಾಗಿ ಈ ಶ್ರಮ. ಚಿತ್ರದಲ್ಲಿ ಶಾರುಖ್ ಪಾತ್ರ ಆ ರೀತಿ ಇದೆ. ಹಾಗಾಗಿ ಎಯಿಟ್ ಪ್ಯಾಕ್ ದೇಹಾಕೃತಿ ಬೇಕೇ ಬೇಕು ಎಂಬುದು ನಿರ್ದೇಶಕಿ ಫರಾ ಅವರ ವಿವರಣೆ.

ಬಹುಶಃ ಈ ಚಿತ್ರದಲ್ಲಿ ಶಾರುಖ್ ರನ್ನು ಅಂಗಿ ಬಿಚ್ಚಿಸಿ ತೋರಿಸುತ್ತಾರೋ ಇಲ್ಲವೋ ಗೊತ್ತಿಲ್ಲ. ಶಾರುಖ್ ರನ್ನು ಜಲಪಾತಗಳ ಕೆಳಗೆ ನಿಲ್ಲಿಸಿ ಚಿತ್ರೀಕರಿಸಬೇಕು ಎನ್ನುತ್ತಿದ್ದಾರೆ. ಆದರೆ ನನಗೇನೋ ಅಂಗಿ ಬಿಚ್ಚಿಸಿ ಶಾರುಖ್ ರನ್ನು ತೋರಿಸಬೇಕು ಅನ್ನಿಸುತ್ತಿದೆ ಎನ್ನುತ್ತಾರೆ ಫರಾ.

(ಏಜೆನ್ಸೀಸ್)

More from Filmibeat