ಅಮೀರ್ ಖಾನ್ ಮಗನ ಹೆಸರು ಆಜಾದ್ ರಾವ್ ಖಾನ್

ಐಶ್ವರ್ಯ ರೈ ದಂಪತಿಗಳು ತಮ್ಮ ಕಂದನಿಗೆ ಏನು ಹೆಸರಿಡಬೇಕು ಎಂದು ಗೊತ್ತಾಗದೆ ಇನ್ನೂ ಚಡಪಡಿಸುತ್ತಿದ್ದಾರೆ. ಆದರೆ ಅಮೀರ್ ಖಾನ್ ಹಾಗೂ ಕಿರಣ್ ರಾವ್ ದಂಪತಿಗಳು ತಮ್ಮ ಮಗನಿಗೆ ಹೆಸರೊಂದನ್ನು ಇಟ್ಟಿದ್ದಾರೆ. ಆಜಾದ್ ರಾವ್ ಖಾನ್ ಎಂಬುದೇ ಆ ಹೆಸರು.

"ಕಡೆಗೂ ತಮ್ಮ ಕಂದನಿಗೆ ಆಜಾದ್ ರಾವ್ ಖಾನ್ ಎಂದು ಮುದ್ದಾದ ಹೆಸರೊಂದನ್ನು ಆಯ್ಕೆ ಮಾಡಿದ್ದೇವೆ. ಹೆಸರಿನ ಆಯ್ಕೆಯನ್ನು ಕಿರಣ್‌ಗೆ ಬಿಟ್ಟಿದ್ದೆ. ನನ್ನ ಮುತ್ತಜ್ಜ ಹಾಗೂ ಸ್ವಾತಂತ್ರ್ಯ ಹೋರಾಟಗಾರ ಮೌಲಾನಾ ಆಜಾದ್ ಅವರ ಹೆಸರನ್ನು ಸೇರಿಸಿ ಮಗುವಿಗೆ ನಾಮಕರಣ ಮಾಡಿದ್ದೇವೆ" ಎಂದು ಅಮೀರ್ ಟ್ವೀಟಿಸಿದ್ದಾರೆ.

ಆಜಾದ್ ಎಂದರೆ ಸ್ವಾತಂತ್ರ್ಯ ಅಥವಾ ಬಿಡುಗಡೆ ಎಂದರ್ಥ. ಡಿಸೆಂಬರ್ 1ರಂದು ಅಮೀರ್ ದಂಪತಿಗಳು ಪ್ರಣಾಳ ಶಿಶು (ಐವಿಎಫ್)ವನ್ನು ಬರಮಾಡಿಕೊಂಡಿದ್ದರು. ಕಂದನನ್ನು ಬರಮಾಡಿಕೊಂಡು ಹತ್ತು ದಿನ ಕಳೆಯುವಷ್ಟರಲ್ಲಿ ನಾಮಕರಣವನ್ನೂ ಮುಗಿಸಿದ್ದಾರೆ. (ಏಜೆನ್ಸೀಸ್)