ರಾಜನ ನಿರೀಕ್ಷೆಯಲ್ಲಿ ಬಾಲಿವುಡ್ ಬಿಂಕದ ರಾಣಿ

ಬಾಲಿವುಡ್ ತಾರೆ ರಾಣಿ ಮುಖರ್ಜಿ ರಾಜನ ನಿರೀಕ್ಷೆಯಲ್ಲಿದ್ದಾರೆ. ಮುಂದಿನ ವರ್ಷ ಆಕೆ ತನ್ನ ಬಹುಕಾಲದ ಬಾಯ್ ಫ್ರೆಂಡ್ಆದಿತ್ಯ ಚೋಪ್ರಾ ಅವರನ್ನು ಮದುವೆಯಾಗಲಿದ್ದಾರಂತೆ. ಇಬ್ಬರೂ ಹಲವಾರು ಚಿತ್ರಗಳಿಗೆ ಜೊತೆಯಾಗಿ ಕೆಲಸ ಮಾಡಿದ್ದರು. ಈಗ ಮದುವೆಯಾಗುವ ಮೂಲಕ ಮತ್ತಷ್ಟು ಹತ್ತಿರವಾಗುತ್ತಿದ್ದಾರೆ.

ಆದಿತ್ಯ ಚೋಪ್ರಾ ಮತ್ತು ರಾಣಿ ನಡುವಿನ ಕಣ್ಣಾಮುಚ್ಚಾಲೆ ಬಹಳ ಹಿಂದೆಯೇ ಟಾಂ ಟಾಂ ಆಗಿತ್ತು. ಆದಿತ್ಯ ಚೋಪ್ರಾ ದಾಂಪತ್ಯ ಜೀವನದಲ್ಲಿ ಬಿರುಕು ಮೂಡಲು ರಾಣಿಯೊಂದಿಗಿನ ಸಂಬಂಧವೇ ಪ್ರಮುಖ ಕಾರಣ ಎನ್ನಲಾಗಿದೆ. ಚೋಪ್ರಾ ಚಲ್ಲಾಟಗಳಿಗೆ ಬೇಸತ್ತ ಆತನ ಪತ್ನಿ ಪಾಯಲ್ ಖನ್ನಾ ಕಳೆದ ವರ್ಷ ವಿವಾಹ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು.

ಆದರೆ ರಾಣಿಯನ್ನು ಮದುವೆಯಾಗುವುದು ಆದಿತ್ಯ ಚೋಪ್ರಾ ಅವರ ತಂದೆ ಯಶ್ ಚೋಪ್ರಾ ಅವರಿಗೆ ಸುತಾರಾಂ ಇಷ್ಟವಿಲ್ಲವಂತೆ. ಎಲ್ಲಾ ಅಂದುಕೊಂಡಂತೆ ನಡೆದರೆ ಬಹುಶಃ ಇವರಿಬ್ಬರೂ ಮುಂದಿನ ವರ್ಷ ಹಾರ ಬದಲಾಯಿಸಿಕೊಳ್ಳುವ ಸಾಧ್ಯತೆಗಳಿವೆ. ಏನೇ ಆಗಲಿ ರಾಣಿಗೆ ಸೆಕೆಂಡ್ ಹ್ಯಾಂಡ್ ರಾಜ ಸಿಗುತ್ತಿರುವುದು ಆಕೆಯ ಅಭಿಮಾನಿಗಳಿಗೆ ಕೊಂಚ ನಿರಾಶೆ ಮೂಡಿಸಿದೆ.