Don't Miss!
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- News Tamannaah Bhatia: ಮಿಲ್ಕಿ ಬ್ಯೂಟಿ ತಮನ್ನಾಗೆ ಮುಂಬೈ ಸೈಬರ್ ಪೊಲೀಸರಿಂದ ಸಮನ್ಸ್.!-ಕಾರಣ ಏನು?
- Automobiles ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ!
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Lifestyle ಬೆಳ್ಳುಳ್ಳಿ ಕಬಾಬ್ ಅಂದುಕೊಂಡ್ರಾ? ಇದು ಚಿಕನ್ ರುಚಿಯ ಹೂವಿನ ಫ್ರೈ..!
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹುಸೇನಜ್ಜನ ಕುಂಚದಲ್ಲಿ ಕತ್ರಿನಾ ಕೈಫ್ ಸೌಂದರ್ಯ
ಖ್ಯಾತ ಕಲಾವಿದ ಎಂ ಎಫ್ ಹುಸೇನ್ ಮತ್ತೊಮ್ಮೆ ಕುಂಚವನ್ನು ಕೈಗೆತ್ತಿಕೊಂಡಿದ್ದಾರೆ. ಈ ಬಾರಿ ಹುಸೇನಜ್ಜನ ಕುಂಚಕ್ಕೆ ಬಲ ತಂದಿರುವುದು ಸಾದಾಸೀದಾ ಹೆಣ್ಣಲ್ಲ.ಹುಸೇನಜ್ಜನ ಮಸುಕು ಕಣ್ಗಳಲ್ಲಿ ಬಾಲಿವುಡ್ ನ ಮಾಂತ್ರಿಕ ಬೆಡಗಿ ಕತ್ರಿನಾ ಕೈಫ್ ಬೆಳಕು ಮೂಡಿಸಿದ್ದಾಳೆ.
ಸದ್ಯಕ್ಕೆ ಬಾಲಿವುಡ್ ನಲ್ಲಿ ಮಹಾರಾಣಿಯಂತೆ ಮೆರೆಯುತ್ತಿರುವ ಕತ್ರಿನಾ ಕೈಫ್ ನಟಿಸಿದ ಇತ್ತೀಚಿನ 'ರಾಜ್ ನೀತಿ' ಚಿತ್ರ ಬಾಕ್ಸಾಫೀಸನ್ನು ಕೊಳ್ಳೆಹೊಡೆಯುತ್ತಿದೆ. ತಮ್ಮ ಸೌಂದರ್ಯ ಹಾಗೂ ಅಭಿನಯದ ಮೂಲಕ ಕತ್ರಿನಾ ಪ್ರೇಕ್ಷಕರ ಹೃದಯದಲ್ಲಿ ಭದ್ರ ಸ್ಥಾನ ಗಿಟ್ಟಿಸಿದ್ದಾರೆ. ಇದೀಗ ಹುಸೇನಜ್ಜನ ಕಣ್ಣಿಗೆ ಬಿದ್ದು ಕತ್ರಿನಾಳ ಸೌಂದರ್ಯ ಅನಾವರಣಗೊಳ್ಳಲಿದೆ.
ಒಂದು ಕಾಲದಲ್ಲಿ ಪಡ್ಡೆಹುಡುಗರ ಮೈ ಬೆಚ್ಚಗೆ ಮಾಡಿದ್ದ ಮಾಧುರಿ ದೀಕ್ಷಿತ್, ಟಾಬು, ಊರ್ಮಿಳಾ ಮಾತೋಂಡ್ಕರ್, ಅಮೃತಾರಾವ್ ಇವರೆಲ್ಲಾ ಹುಸೇನಜ್ಜನ ಕುಂಚಕ್ಕೆ ಸಿಕ್ಕವರು. ಕತ್ರಿನಾ ಅಭಿನಯಿಸಿದ್ದ 'ಯುವರಾಜ್' ಚಿತ್ರವನ್ನು ಎರಡು ಬಾರಿ ನೋಡಿದ ಬಳಿಕ ಈ ಇಳಿವಯಸ್ಸಿನಲ್ಲಿ ಹುಸೇನಜ್ಜನಿಗೆ ಉತ್ಸಾಹ ಇಮ್ಮಡಿಯಾಗಿ ಕುಂಚ ಕೈಗೆತ್ತಿಕೊಂಡಿದ್ದಾರಂತೆ.
ಒಟ್ಟಿನಲ್ಲಿ ಹುಸೇನಜ್ಜನ ಕುಂಚದಲ್ಲಿ ಕತ್ರಿನಾರ ರೂಪ ಲಾವಣ್ಯಗಳು ಅನಾವರಣಗೊಳ್ಳಲು ಕಲಾಸಕ್ತರು ಎದುರುನೋಡುತ್ತಿದ್ದಾರೆ. ಸದ್ಯಕ್ಕೆ ಕತ್ರಿನಾರ ಗುಂಗಿನಲ್ಲಿರುವ ಹುಸೇನಜ್ಜನ ಕುಂಚ ಏನೇನು ಕಲೆ ಅರಳಲಿದೆಯೇ ಎಂಬ ಕುತೂಹಲ ಬಾಲಿವುಡ್ ಮಂದಿಯ ಆಸಕ್ತಿಯನ್ನು ಕೆರಳಿಸಿದೆ.