ಬಾಲಿವುಡ್ ಬರ್ಫಿ ರಣಬೀರ್ ಈಗ ಐಟಂ ಬಾಯ್

ಬಾಲಿವುಡ್‌‍ನಲ್ಲಿ ನಾಯಕಿಯರೇ ಐಟಂ ಗರ್ಲ್‌ಗಳಾಗಿ ಬದಲಾಗುತ್ತಿರುವಾಗ ಇನ್ನು ನಾಯಕ ನಟರನ್ನು ಕೇಳುವವರು ಯಾರು ಎಂಬ ಪ್ರಶ್ನೆ ಬಲವಾಗಿ ನಾಟಿದಂತಿದೆ. ರಾಕ್ ಸ್ಟಾರ್ ಹಾಗೂ ಬಾಲಿವುಡ್ ಬರ್ಫಿ ಎಂದೇ ಜನಜನಿತನಾದ ರಣಬೀರ್ ಕಪೂರ್ ಐಟಂ ಬಾಯ್ ಆಗಿ ಹೊಸ ಅವತಾರದಲ್ಲಿ ಮಿಂಚಲು ಬರುತ್ತಿದ್ದಾರೆ.

ಮಕ್ಕಳ ಚಿತ್ರ 'ಚಿಲ್ಲರ್ ಪಾರ್ಟಿ' ಗಾಗಿ ಐಟಂ ಸಾಂಗ್ ಒಂದನ್ನು ಮಾಡಿದ್ದಾರೆ. ಅಮಿತ್ ತ್ರಿವೇದಿ ಸಂಗೀತ ಸಂಯೋಜಿಸಿರುವ ಈ ಹಾಡಿಗೆ ಸ್ಥಳೀಯ ವಾದ್ಯಗಳನ್ನು ಬಳಸಿಕೊಂಡು ನಿರ್ಮಿಸಿರುವುದು ವಿಶೇಷ. ಬಾಸ್ಕೋ ಸೀಸರ್ ನೃತ್ಯ ಸಂಯೋಜನೆಯಲ್ಲಿ ಹಾಡು ಅದ್ಭುತವಾಗಿ ಮೂಡಿಬಂದಿದೆಯಂತೆ.

ಚಿತ್ರವನ್ನು ವೀಕ್ಷಿಸಿದ ರಣಬೀರ್ ಕೊಂಡಾಡಿದ್ದಾಗಿ ಸುದ್ದಿ. ಹೆಂಗೆಳೆಯರ ಹೃದಯ ಹೇಗೂ ಕದ್ದಾಗಿದೆ. ಇನ್ನು ಮಕ್ಕಳ ಅಭಿಮಾನವನ್ನು ಸಂಪಾದಿಸೋಣ ಎಂಬುದು ರಣಬೀರ್ ಲಾಜಿಕ್. ಹಾಗಾಗಿ ಈ ಐಟಂ ಸಾಂಗ್ ಮಾಡಿದ್ದಾಗಿ ಹೇಳಿದ್ದಾರೆ. ಬಾಲಿವುಡ್‌ನಲ್ಲಿ ಹೀಗೆಲ್ಲಾ ನಡೆಯುತ್ತದೆಯೇ ಎಂದು ಕೆಲವರು ಹುಬ್ಬೇರಿಸಿದ್ದಾರೆ.