ಯಶ್ ಛೋಪ್ರಾಗೆ ಗುನ್ನಾ ಇಟ್ಟ ರವಿ ಪೂಜಾರಿ

ಬಾಲಿವುಡ್ ನ ಮೇರುಪರ್ವತ ಯಶ್ ಛೋಪ್ರಾ ಅವರ ಒಡೆತನದ ಒಶಿವಾರಾದಲ್ಲಿರುವ ಯಶ್ ರಾಜ್ ಫಿಲ್ಮ್ ಕಚೇರಿಯ (YRF office) ಸ್ಥಿರ ದೂರವಾಣಿಗೆ ರವಿ ಪೂಜಾರಿ ಗ್ಯಾಂಗ್ ಸತತವಾಗಿ ಕರೆ ಮಾಡುತ್ತಿದೆ. ಕೆಲವು ಬಾರಿ ಕರೆ ಮಾಡಿದವ ಸ್ವತಃ ರವಿ ಪೂಜಾರಿಯೇ ಮಾತನಾಡುತ್ತಿರುವುದಾಗಿ ಹೇಳಿಕೊಂಡು 50 ಲಕ್ಷ ರುಪಾಯಿ ಮಡಗುವಂತೆ ಬೆದರಿಕೆಯೊಡ್ಡಿದ್ದಾನೆ.

ಇದರಿಂದ ಕ್ರೋಧಗೊಂಡ ಹಿರಿಯಜ್ಜ ಛೋಪ್ರಾ ಅವರು ಡಿಸಿಪಿ ಕಚೇರಿಗೆ ಅಹವಾಲು ಸಲ್ಲಿಸಿ, ಹೆಚ್ಚುವರಿ ಭದ್ರತೆ ಪಡೆದಿದ್ದಾರೆ. ಇದೀಗ ಇಬ್ಬರು ಪೊಲೀಸರು ಛೋಪ್ರಾ ಕಚೇರಿಗೆ ಕಾವಲು ಕಾಯುತ್ತಿದ್ದಾರೆ ಎಂದು ಡಿಸಿಪಿ ತಿಳಿಸಿದ್ದಾರೆ. ಮಂಬೈ ಭೂಗತ ಪಾತಕಿಗಳು ಬಾಲಿವುಡ್ ಮಂದಿಗೆ ಬೆದರಿಕೆಯೊಡ್ಡಿರುವುದು ಇದೇ ಮೊದಲಲ್ಲ. ಮಹೇಶ್ ಭಟ್, ರವಿ ಕಪೂರ್, ಅಯೇಶಾ ಟಕಿಯಾ ಪತಿ ಫರ್ರ್ಹಾನ್ ಅಜ್ಮಿ ಹೀಗೆ ದೊಡ್ಡ ಸಾಲೇ ಇದೆ.