ಬಾಲಿವುಡ್‍‌ಗೆ ಜಾಲಿ ಗರ್ಲ್ ತಮನ್ನಾ ಭಾಟಿಯಾ ಲಗ್ಗೆ

ದಕ್ಷಿಣ ಭಾರತದಲ್ಲಿ ಲಕ ಲಕ ಎಂದು ಹೊಳೆಯುತ್ತಿರುವ ತಮನ್ನಾ ಭಾಟಿಯಾ ಬಾಲಿವುಡ್‌ಗೆ ಲಗ್ಗೆ ಹಾಕಿದ್ದಾರೆ. ಅಜಯ್ ದೇವಗನ್ ನಾಯಕನಾಗಿರುವ 'ಹಿಮ್ಮತ್‌ವಾಲಾ' ಚಿತ್ರಕ್ಕೆ ಸಹಿ ಹಾಕಿದ್ದಾರೆ. ಆದರೆ ಈ ಸುದ್ದಿ ಇನ್ನೂ ಖಚಿತವಾಗಿಲ್ಲ, ಅಷ್ಟರೊಳಗೇ ಲೀಕ್ ಆಗಿದೆ.

ಹಿಂದಿ ಚಿತ್ರದಲ್ಲಿ ಅಭಿನಯಿಸುವುದಕ್ಕೂ ಮುನ್ನ ತಮಿಳಿನ ಒಂದು ಚಿತ್ರವನ್ನು ಮುಗಿಸಲಿದ್ದಾರಂತೆ. ಅದಾದ ಬಳಿಕವಷ್ಟೇ ಹಿಂದಿಯಲ್ಲಿ ಬಣ್ಣ ಹಚ್ಚುತ್ತಾರೆ ಎನ್ನುತ್ತವೆ ಮೂಲಗಳು. ತೆಲುಗಿನಲ್ಲಿ ರಾಮ್ ಚರಣ್ ತೇಜ ಜೊತೆ 'ರಚ್ಚ' ಎಂಬ ಚಿತ್ರದಲ್ಲೂ ತಮನ್ನಾ ಅಭಿನಯಿಸುತ್ತಿದ್ದಾರೆ.

ಈ ಹಿಂದೊಮ್ಮೆ ಟೈಟ್ ಜೀನ್ಸ್ ಪ್ಯಾಂಟಿನಲ್ಲಿ ತಿರುಪತಿ ತಿಮ್ಮಪ್ಪನಿಗೆ ತಮನ್ನಾ ಅಡ್ಡಬಿದ್ದಿದ್ದರು. ಇದು ಸಾಕಷ್ಟು ವಿವಾದಕ್ಕೂ ಕಾರಣವಾಗಿತ್ತು. ಏನೋ ಅರ್ಜೆಂಟ್‌ನಲ್ಲಿ ಹೀಗಾಗೋಯ್ತು ಎಂದು ತಮನ್ನಾ ತಬ್ಬಿಬ್ಬಾಗಿ ನುಡಿದಿದ್ದರು. ಒಟ್ಟಿನಲ್ಲಿ ರು.70ರಿಂದ 80 ಲಕ್ಷ ಸಂಭಾವನೆ ಎಣಿಸುತ್ತಿರುವ ತಮನ್ನಾಗೆ ಹಿಂದಿಯಲ್ಲಿ ಭರ್ಜರಿ ಚಾನ್ಸ್ ಸಿಕ್ಕಂತಾಗಿದೆ. (ಏಜೆನ್ಸೀಸ್)