ಕಾಂಡೋಮ್ ಜಾಹೀರಾತಿನಲ್ಲಿ ತಾರೆ ಸನ್ನಿ ಲಿಯೋನ್

ಬಾಲಿವುಡ್‌ನಲ್ಲಿ ಬಿರುಗಾಳಿ ಎಬ್ಬಿಸುತ್ತಿರುವ ಕೆನಡಾ ಮೂಲದ ತಾರೆ ಸನ್ನಿ ಲಿಯೋನ್ ಈಗ ಕಾಂಡೋಮ್ ಜಾಹೀರಾತಿನಲ್ಲಿ ಕಾಣಿಸಲಿದ್ದಾರೆ. ಆದರೆ ಆಕೆ ಎಷ್ಟು ಚಾಲಾಕಿ ಎಂದರೆ, ಭಾರತದಲ್ಲಿ ಈ ಜಾಹೀರಾತನ್ನು ಆಕೆ ಒಪ್ಪಿಕೊಂಡಿಲ್ಲ.

ಭಾರತದ ಕಾಂಡೋಮ್ ಜಾಹೀರಾತಿನಲ್ಲಿ ಕಾಣಿಸಿದರೆ ತಮ್ಮ ಮಾರುಕಟ್ಟೆ ಉಲ್ಟಾ ಪಲ್ಟಾ ಆಗುತ್ತದೆ ಎಂಬ ಅರಿವು ಆಕೆಗಿದೆ. ಹಾಗಾಗಿ ಆಕೆ ದೂರದ ಥೈಲ್ಯಾಂಡ್‌ನಲ್ಲಿ ಕಾಂಡೋಮ್ ಜಾಹೀರಾತಿನಲ್ಲಿ ಸದ್ದಿಲ್ಲದಂತೆ ಅಭಿನಯಿಸಿ ಈಗ ಸುದ್ದಿ ಮಾಡಿದ್ದಾರೆ.

ಈ ಬಗ್ಗೆ ಟ್ವೀಟಿಸಿರುವ ಸನ್ನಿ, "ಥೈಲ್ಯಾಂಡ್‌ನ ಮ್ಯಾನ್‌ಫೋರ್ಸ್ ಕಾಂಡೋಂಮ್ ಜಾಹೀರಾತಿನಲ್ಲಿ ಅಭಿನಯಿಸಿ ಅಬ್ಬಬ್ಬಾ ಸುಸ್ತೋ ಸುಸ್ತಾಗಿದ್ದೇನೆ. ಜಾಹೀರಾತು ಅದ್ಭುತವಾಗಿ ಮೂಡಿಬಂದಿದೆ. ಶೀಘ್ರದಲ್ಲೇ ಜಗತ್ತಿನಾದ್ಯಂತ ಬಿತ್ತರವಾಗಲಿದೆ" ಎಂದಿದ್ದಾರೆ. (ಏಜೆನ್ಸೀಸ್)