ಶಾಕಾಹಾರಕ್ಕೆ ವಿವೇಕ್ ಒಬೆರಾಯ್ ಕುಟುಂಬ

ವಿವೇಕ್ ಒಬೆರಾಯ್ ನಾಯಕನಟನಾಗಿ ಅಭಿನಯಿಸಿರುವ 'ಪ್ರಿನ್ಸ್' ಚಿತ್ರಕ್ಕೆ ಉತ್ತ್ತರ ಭಾರತದಲ್ಲಿ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಚಿತ್ರಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿರುವ ಬಗ್ಗೆ ವಿವೇಕ್ ಪೋಷಕರು ಖುಷಿಯಾಗಿದ್ದಾರಂತೆ. ವಿವೇಕ್ ರ ಅಪ್ಪ ಸುರೇಶ್ ಹಾಗೂ ಅವರ ಅಮ್ಮ ಯಶೋಧರಾ ಮಗನ ಗೆಲುವನ್ನು ಕಂಡು ಸಂಭ್ರಮಿಸುತ್ತಿದ್ದಾರೆ.

ಈ ಸಂತಸದಲ್ಲೆ ಅವರು ಮತ್ತೊಂದು ದೃಢ ನಿರ್ಧಾರವನ್ನು ಕೈಗೊಂಡಿದ್ದಾರೆ. ಅದೇನೆಂದರೆ ವಿವೇಕ್ ರ ಇಡೀ ಕುಟುಂಬ ಶಾಕಾಹಾರಕ್ಕೆ ಹೊರಳಿರುವುದು. ಮುಖ್ಯವಾಗಿ ವಿವೇಕ್ ರ ತಾಯಿ ಯಶೋಧರಾ ಅವರಂತೂ ಇನ್ನೂ ಒಂದು ಹೆಜ್ಜೆ ಮುಂದಿಟ್ಟಿದ್ದು ಕೆಲಕಾಲ ಸಿಹಿತಿಂಡಿಗಳಿಂದ ದೂರವಾಗಲಿದ್ದಾರಂತೆ.

ಇಷ್ಟೆಲ್ಲಾ ಬದಲಾವಣೆಗೆ ಕಾರಣ ಆರೋಗ್ಯ. ಮಾಂಸಾಹಾರಕ್ಕಿಂತ ಶಾಕಾಹಾರವೇ ಉತ್ತಮ ಎಂಬುದು ಅವರ ಈ ನಿರ್ಧಾರಕ್ಕೆ ಕಾರಣವಂತೆ. ಒಟ್ಟಿನಲ್ಲಿ ವಿವೇಕ್ ಇಡೀ ಕುಟುಂಬ ಸಸ್ಯಾಹಾರಕ್ಕೆ ಹೊರಳಿರುವುದು ಬಾಲಿವುಡ್ ವಲಯದಲ್ಲಿ ಚರ್ಚೆಗೆ ಗ್ರಾಸವಾಗಿವೆ.