ಕ್ರಿಸ್ಮಸ್ ಹಬ್ಬಕ್ಕೆ ಅಮೀರ್ ಅಭಿನಯದ ತ್ರಿ ಇಡಿಯಟ್ಸ್

ಅಮೀರ್ ಖಾನ್ ನಾಯಕ ನಟನಾಗಿ ಅಭಿನಯಿಸಿರುವ ಬಾಲಿವುಡ್ ಚಿತ್ರ 'ತ್ರೀ ಇಡಿಯಟ್ಸ್'. ಕರೀನಾ ಕಪೂರ್ ಚಿತ್ರದ ನಾಯಕಿ. ಮಾಧವನ್, ಶರ್ಮಾನ್ ಜೋಶಿ ಮುಖ್ಯಪಾತ್ರದಲ್ಲಿರುವ ಚಿತ್ರ. ವಿಧುವಿನೋದ್ ಚೋಪ್ರಾ ನಿರ್ಮಿಸಿರುವ ಈ ಚಿತ್ರವನ್ನು ರಾಜ್ ಕುಮಾರ್ ಹಿರಾನಿ ನಿರ್ದೇಶಿಸಿದ್ದಾರೆ.

ಚೇತನ್ ಭಗತ್ ಅವರ 'ಫೈವ್ ಪಾಯಿಂಟ್ ಸಮ್ ವನ್' ಎಂಬ ಕೃತಿ ಆಧಾರವಾಗಿ ತ್ರಿ ಇಡಿಯಟ್ಸ್ ಚಿತ್ರವನ್ನು ತೆರೆಗೆ ತರಲಾಗುತ್ತಿದೆ. ಡಿಸೆಂಬರ್ 25ರ ಕ್ರಿಸ್ಮಸ್ ಹಬ್ಬಕ್ಕೆ ಈ ಚಿತ್ರ ಬಿಡುಗಡೆ ಮಾಡಲು ಸಿದ್ಧತೆ ಮಾಡಿಕೊಳ್ಳಲಾಗುತ್ತಿದೆ. ಆದರೆ ಆ ದಿನಾಂಕದಂದು ಚಿತ್ರ ಬಿಡುಗಡೆಯಾಗುವುದು ಅನುಮಾನ ಎಂದು ಬಾಲಿವುಡ್ ನಲ್ಲಿ ಕೆಲವರು ಪ್ರಚಾರ ಮಾಡುತ್ತ್ತಿದ್ದಾರೆ.

ಈ ಬಗ್ಗೆ ಅಮೀರ್ ಖಾನ್ ಮಾತನಾಡುತ್ತಾ, ಈ ಹಿಂದಿನ ನನ್ನ ಚಿತ್ರಗಳಾದ 'ತಾರೆ ಜಮೀನ್ ಪರ್' ಮತ್ತು 'ಗಜನಿ' ಚಿತ್ರಗಳು ಅದೇ ದಿನಾಂಕದಂದು ಬಿಡುಗಡೆಯಾಗಿ ಭರ್ಜರಿ ದಾಖಲೆ ನಿರ್ಮಿಸಿದವು. ಹಾಗಾಗಿ ಏನೇ ಆದರೂ ಆ ದಿನಾಂಕದಂದೇ ಚಿತ್ರವನ್ನು ಬಿಡುಗಡೆ ಮಾಡಬೇಕೆಂದು ತೀರ್ಮಾನಿಸಿದ್ದೇವೆ. ಅಂದುಕೊಂಡ ಸಮಯಕ್ಕೆ ಸರಿಯಾಗಿ ಚಿತ್ರೀಕರಣ ಮುಗಿಸುತ್ತೇವೆ. ಡಿಸೆಂಬರ್ 25ಕ್ಕೆ ಸರಿಯಾಗಿ 'ತ್ರೀ ಇಡಿಯಟ್ಸ್ 'ಚಿತ್ರ ಪ್ರೇಕ್ಷಕರ ಮುಂದಿರುತ್ತದೆ ಎಂಬ ವಿಶ್ವಾಸವನ್ನು ಅವರು ವ್ಯಕ್ತಪಡಿಸಿದ್ದಾರೆ.

(ದಟ್ಸ್ ಕನ್ನಡ ಚಿತ್ರವಾರ್ತೆ)