ಟ್ರೋಲ್ ಮಾಡಿದವರಿಗೆ ಖಡಕ್ ಉತ್ತರ ಕೊಟ್ಟ ಅಭಿಷೇಕ್ ಬಚ್ಚನ್

ಅಭಿಷೇಕ್ ಗೆ ಮುಳುವಾಯ್ತಾ ನೆಪೋಟಿಸಂ

ನೆಪೋಟಿಸಂ ಕಾರಣಕ್ಕೆ ಅಭಿಷೇಕ್ ಬಚ್ಚನ್ ಚಿತ್ರರಂಗದಲ್ಲಿ ಇದ್ದಾರೆ, ಸಿನಿಮಾ ಅವಕಾಶಗಳು ಸಿಗುತ್ತಿವೆ ಎಂದು ಅನೇಕರು ನೇರವಾಗಿ ಟ್ವೀಟ್ ಮಾಡಿ ಹೇಳುತ್ತಿದ್ದಾರೆ. ಇತ್ತೀಚಿಗೆ ನೆಟ್ಟಿಗನೊಬ್ಬ ಟ್ವೀಟ್ ಮಾಡಿ ಅಭಿಷೇಕ್ ಅವರನ್ನು ಕೆಣಕಿದ್ದಾರೆ. "ಹೇ ಅಭಿಷೇಕ್ ನೀವು ನೆಪೋಟಿಸಂ ಪ್ರಾಡಕ್ಟ್. ನೀವು ಕಷ್ಟಪಡುತ್ತೀರಿ ಎಂದರೆ ಅದೆ ರೀತಿ ಕಷ್ಟ ಎಲ್ಲರಿಗೂ ಬರಲಿ ಎಂದು ದೇವರಲ್ಲಿ ಪ್ರಾರ್ಥಿಸುತ್ತೇನೆ.' ಎಂದಿದ್ದಾರೆ.

ಬಿಗ್ ಬ್ಯಾನರ್ ಸಿನಿಮಾಗಳಿಂದ ಯೂಟ್ಯೂಬ್ ವಿಡಿಯೋ ಭಿನ್ನ

ಅಷ್ಟೆಯಲ್ಲ 'ನಾನು ಮತ್ತು ಸ್ನೇಹಾ ಯೂಟ್ಯೂಬ್ ವಿಡಿಯೋಗಳನ್ನು ಮಾಡುತ್ತೇನೆ. ನಿಮ್ಮ ಬಿಗ್ ಬಜೆಟ್ ಸಿನಿಮಾಗಳಿಂತ ಇದು ವಿಭಿನ್ನವಾಗಿದೆ. ನಾನು ಇದನ್ನ ಸ್ವಂತವಾಗಿ ಮಾಡುತ್ತೇನೆ. ನಾನು ಅಪ್ಪನ ಸಹಾಯ ಪಡೆಯುವುದಿಲ್ಲ' ಎಂದು ಟ್ವೀಟ್ ಮಾಡಿ ಅಭಿಷೇಕ್ ಬಚ್ಚನ್ ಕಾಲೆಳೆಯುತ್ತಿದ್ದಾರೆ.

ಟ್ರೋಲ್ ಗೆ ಅಭಿಷೇಕ್ ತಿರುಗೇಟು

ನೆಟ್ಟಿಗನ ಟ್ವೀಟ್ ಗೆ ಅಭಿಷಕ್ ಬಚ್ಚನ್ ಖಡಕ್ ಪ್ರತಿಕ್ರಿಯೆ ನೀಡಿದ್ದಾರೆ. 'ನೀವು ಸರಿಯಾಗಿ ಅರ್ಥಮಾಡಿಕೊಂಡಿಲ್ಲ. ನೀವು ಪ್ರಬುದ್ಧರಲ್ಲ. ತಪ್ಪಾದ ಮತ್ತು ಬೋಗಸ್ ಕಥೆಗಳನ್ನು ನಂಬುವುದನ್ನು ನಿಲ್ಲಿಸಿ. ದಯವಿಟ್ಟು ನಿಮ್ಮ ಕುಟುಂಬ ಮತ್ತು ಪತ್ನಿಯ ಸಲುವಾಗಿಯಾದರು ಯೋಚಿಸಿ' ಎಂದು ತಿರುಗೇಟು ನೀಡಿದ್ದಾರೆ.

ಗಾಂಜಾ ಇದಿಯಾ ಎಂದು ಕೇಳಿದ ನೆಟ್ಟಿಗರು

ಇತ್ತೀಚಿಗಷ್ಟೆ ನೆಟ್ಟಿಗನೊಬ್ಬ ಟ್ವೀಟ್ ಮಾಡಿ ಅಭಿಷೇಕ್ ಗೆ, 'ನಿಮ್ಮ ಬಳಿ ಗಾಂಜಾ ಇದಿಯಾ' ಎಂದು ಕೇಳಿದ್ದರು. ಇದಕ್ಕೆ ಪ್ರತಿಕ್ರಿಯೆ ನೀಡಿದ್ದ ಅಭಿಷೇಕ್ 'ಇಲ್ಲ, ಕ್ಷಮಿಸಿ. ಹಾಗೆ ಮಾಡಬೇಡಿ. ನಿಮಗೆ ಸಹಾಯ ಮಾಡಲು ಮತ್ತು ನಿಮ್ಮನ್ನು ಮುಂಬೈ ಪೊಲೀಸರಿಗೆ ಪರಿಚಯಿಸಲು ತುಂಬಾ ಸಂತೋಷವಾಗುತ್ತೆ. ಖಂಡಿತವಾಗಿ ಅವರಿಗೆ ನಿಮ್ಮ ಅವಶ್ಯಕತೆಗಳನ್ನು ತಿಳಿದುಕೊಳ್ಳಲು ತುಂಬಾ ಸಂತೋಷವಾಗುತ್ತೆ ಮತ್ತು ನಿಮಗೆ ಸಹಾಯ ಮಾಡುತ್ತಾರೆ' ಎಂದು ಮುಂಬೈ ಪೋಲಿಸರಿಗೆ ಟ್ಯಾಗ್ ಮಾಡಿ ತಿರುಗೇಟು ನೀಡಿದ್ದರು.