ಕ್ಯಾಟ್ ವಾಕ್ ಮಾಡುತ್ತಿದ್ದ ಕರೀನಾ ದಿಢೀರ್ ಕಣ್ಣೀರು ಸುರಿಸಿದ್ಯಾಕೆ.?

ಕಂಗೊಳಿಸುತ್ತಿದ್ದ ಕರೀನಾ ಕಪೂರ್

ಫ್ಯಾಶನ್ ಡಿಸೈನರ್ ಸಭ್ಯಸಾಚಿ ಅವರು ಡಿಸೈನ್ ಮಾಡಿದ್ದ ವಿಶೇಷ-ಆಕರ್ಷಕ ಬಟ್ಟೆ ತೊಟ್ಟು ಕರೀನಾ ಅವರು ಲಕ-ಲಕ ಹೊಳೆಯುತ್ತಿದ್ದರು. ಜೊತೆಗೆ ವಿಶೇಷವಾಗಿ ಕರೀನಾ ಅವರು ಅಮ್ಮ ಆಗುತ್ತಿರುವುದರಿಂದ ಬೇಬಿ ಬಂಪ್ ನಲ್ಲಿಯೇ ಕ್ಯಾಟ್ ವಾಕ್ ಮಾಡಿದ್ದಾರೆ.[ನನ್ನ ಮತ್ತು ಕರೀನಾ ಮಗು ಒಟ್ಟಿಗೆ ಸ್ಕೂಲ್ ಗೆ ಹೋಗ್ತಾರೆ: ತುಷಾರ್]

ಸದಾ ನೆನಪಿನಲ್ಲುಳಿಯುವ ರ್ಯಾಂಪ್ ವಾಕ್

'ಲ್ಯಾಕ್ಮೆ ಫ್ಯಾಶನ್ ವೀಕ್-2016' ನಲ್ಲಿ ಖ್ಯಾತ ಡಿಸೈನರ್ ಸಭ್ಯಸಾಚಿ ಅವರಿಗಾಗಿ ರ್ಯಾಂಪ್ ವಾಕ್ ಮಾಡಿ, ಮಾತನಾಡಿದ ಕರೀನಾ ಅವರು "ಈ ರ್ಯಾಂಪ್ ವಾಕ್ ನನಗೆ ಯಾವಾಗಲೂ ನೆನಪಿನಲ್ಲಿರುತ್ತದೆ. ಯಾಕೆಂದರೆ ಮೊದಲ ಬಾರಿಗೆ, ನಾನು ನನ್ನ ಮಗುವನ್ನು ಹೊಟ್ಟೆಯಲ್ಲಿ ಹೊತ್ತುಕೊಂಡು ವಾಕ್ ಮಾಡುತ್ತಿದ್ದೇನೆ" ಎಂದು ಕೊಂಚ ಭಾವುಕಳಾಗಿ, ವೇದಿಕೆ ಮೇಲೆ ಆನಂದಭಾಷ್ಪ ಸುರಿಸಿದರು.[ಓಹ್..! ಪ್ರಿಯಾಮಣಿ ಜೊತೆ ಕಪೂರ್ ಕಣ್ಮಣಿ ಕರೀನಾ.!]

ಒಬ್ಬರೇ ಅಲ್ಲ, ಇಬ್ಬರು.!

"ಈ ಹಿಂದೆ ಸಭ್ಯಸಾಚಿ ಅವರು ವಿನ್ಯಾಸ ಮಾಡಿದ್ದ ಬಟ್ಟೆಯನ್ನು ಹಾಕಿ ಯಾವತ್ತಿಗೂ ರ್ಯಾಂಪ್ ವಾಕ್ ಮಾಡಿರಲಿಲ್ಲ. ಜೊತೆಗೆ ನಾವಿಬ್ಬರೂ ಈ ಮೊದಲು ಒಟ್ಟಿಗೆ ಕೆಲಸ ಮಾಡಿರಲಿಲ್ಲ. ಆದರೆ ಈ ದಿನ ಸಭ್ಯಸಾಚಿ ವಿನ್ಯಾಸ ಮಾಡಿದ ಬಟ್ಟೆ ತೊಟ್ಟು, ಮೊದಲ ಬಾರಿಗೆ ನನ್ನ ಮಗುವಿನೊಂದಿಗೆ ರ್ಯಾಂಪ್ ವಾಕ್ ಮಾಡುತ್ತಿದ್ದೇನೆ. ಈ ಕ್ಷಣವನ್ನು ಎಂದಿಗೂ ಮರೆಯಲು ಸಾಧ್ಯವಿಲ್ಲ" ಎಂದು ಕರೀನಾ ಅವರು ಉದ್ಘರಿಸಿದ್ದಾರೆ.

ಸಾಯೋವರೆಗೆ ನಟಿಸುತ್ತೇನೆ

ಇದೇ ಸಂದರ್ಭದಲ್ಲಿ ಮಾತನಾಡಿದ ಕರೀನಾ ಅವರು, "ನಾನು ಗರ್ಭಿಣಿ ಆಗಿದ್ದಕ್ಕೆ ತುಂಬಾ ಸಂತೋಷದಿಂದಿದ್ದೇನೆ. ಗರ್ಭಿಣಿ ಹೆಂಗಸು ನಾರ್ಮಲ್ ಆಗಿ ನಡೆದಾಡುತ್ತಾರೆ. ಇನ್ನು ನನ್ನ ಕೆಲಸದ ವಿಚಾರಕ್ಕೆ ಬಂದರೆ, ನಟಿಸೋದು ನನ್ನ ಉತ್ಸಾಹ, ನಾನು ಸಾಯೋವರೆಗೂ ಸಿನಿಮಾದಲ್ಲಿ ನಟಿಸುತ್ತೇನೆ". ಎಂದು ಕರೀನಾ ಕಪೂರ್ ಅವರು ತಿಳಿಸಿದ್ದಾರೆ.

ಮಾಜಿ ಪ್ರಿಯಕರನಿಗೆ ಮಗು ಆಯ್ತು

ಎರಡು ದಿನಗಳ ಹಿಂದೆಯಷ್ಟೇ ನಟ ಶಾಹೀದ್ ಕಪೂರ್ ಅವರಿಗೆ ಹೆಣ್ಣು ಮಗುವಾಗಿದೆ. ಕಪೂರ್ ಫ್ಯಾಮಿಲಿಗೆ ಪುಟ್ಟ ರಾಜಕುಮಾರಿ ಎಂಟ್ರಿಯಾಗಿದ್ದಕ್ಕೆ, ಇಡೀ ಕುಟುಂಬವೇ ಸಂಭ್ರಮ ಪಟ್ಟಿದೆ. ಇದೀಗ ಶಾಹೀದ್ ಕಪೂರ್ ಫ್ಯಾಮಿಲಿಯ ನಂತರ ಸೈಫ್ ಅಲಿಖಾನ್-ಕರೀನಾ ಕಪೂರ್ ಫ್ಯಾಮಿಲಿ ಕೂಡ ಸಂಭ್ರಮದ ಕ್ಷಣಗಳಲ್ಲಿ ಭಾಗಿಯಾಗಲು ಕಾತರದಿಂದ ಕಾಯುತ್ತಿದ್ದಾರೆ. ಅಂತೂ ಮಾಜಿ ಪ್ರೇಮಿಗೆ ಮಗು ಆದ ಬೆನ್ನಲ್ಲೇ ಕರೀನಾ ಅವರು ಮಗುವಿಗೆ ಜನ್ಮ ನೀಡಲಿದ್ದಾರೆ.