ಗರ್ಭಿಣಿ ಆಗಿದ್ದ ವಿಷಯ ಮುಚ್ಚಿಟ್ಟಿದ್ದರಂತೆ ಈ ಸ್ಟಾರ್ ನಟಿ

ಗರ್ಭಿಣಿ ಆಗಿರುವುದನ್ನು ಯಾರಿಗೂ ಹೇಳಿರಲಿಲ್ಲ: ನೇಹಾ

'ನಾನು ಗರ್ಭಿಣಿ ಆಗಿರುವುದನ್ನು ಚಿತ್ರತಂಡದೊಂದಿಗೆ ಹೇಳಿಕೊಂಡಿರಲಿಲ್ಲ, ಆದರೆ ಅವರಿಗೆ ಅನುಮಾನ ಬಂದಿತ್ತು'' ಎಂದು ಹೇಳಿದ್ದಾರೆ.

ಸೆಟ್‌ನಲ್ಲಿದ್ದವರಿಗೆ ಅನುಮಾನ ಬಂದಿತ್ತು: ನೇಹಾ

''ಫಿಟ್‌ನೆಸ್‌ ಬಗ್ಗೆ ಅತಿಯಾಗಿ ಗಮನವಹಿಸುತ್ತಿದ್ದ ನಾನು ಸೆಟ್‌ನಲ್ಲಿ ಇದ್ದಕ್ಕಿದ್ದಂತೆ ಚೆನ್ನಾಗಿ ತಿನ್ನಲು ಆರಂಭಿಸಿದೆ, ಇದರಿಂದ ಸೆಟ್‌ನಲ್ಲಿದ್ದವರಿಗೆ ನನ್ನ ಮೇಲೆ ಅನುಮಾನ ಬಂದಿತ್ತು'' ಎಂದು ನೇಹಾ ದೂಪಿಯಾ ಹೇಳಿದ್ದಾರೆ.

2018 ರಲ್ಲಿ ಮದುವೆ ಆಗಿದ್ದ ನೇಹಾ ದೂಪಿಯಾ

ನೇಹಾ ದೂಪಿಯಾ ಅವರು 2018 ರ ಮೇ 10 ರಂದು ನಟ ಅಂಗದ್ ಬೇಡಿ ಅವರನ್ನು ಸರಳವಾಗಿ, ಕೆಲವೇ ಮಂದಿಯ ಉಪಸ್ಥಿತಿಯಲ್ಲಿ ಮದುವೆಯಾದರು. ಅದೇ ವರ್ಷ ನವೆಂಬರ್ 18 ಕ್ಕೆ ಅವರು ಹೆಣ್ಣು ಮಗುವಿನ ತಾಯಾದರು.

ತಾಯ್ತನವನ್ನು ಎಂಜಾಯ್ ಮಾಡಿದ್ದೆ: ನೇಹಾ

ನನ್ನ ತಾಯ್ತನವನ್ನು ನಾನು ಬಹಳವಾಗಿ ಎಂಜಾಯ್ ಮಾಡಿದೆ ಎಂದಿರುವ ನೇಹಾ ದೂಪಿಯಾ, 10-15 ವರ್ಷದಿಂದ ಏನೇನು ತಿನ್ನಲು ಸಾಧ್ಯವಾಗಿರಲಿಲ್ಲವೋ ಅದನ್ನೆಲ್ಲಾ ತಿಂದು ಆಸೆ ಪೂರೈಸಿಕೊಂಡಿದ್ದೆ. ತಾಯ್ತನವೊಂದು ಅತ್ಯುತ್ತಮ ಅನುಭೂತಿ ಎಂದು ದೂಪಿಯಾ ಹೇಳಿದ್ದಾರೆ.