ರಂಗೀಲಾ ಬೆಡಗಿ ಊರ್ಮಿಳಾ ಸದ್ದಿಲ್ಲದೆ ಮದ್ವೆ

ಮರಾಠಿ ಬೆಡಗಿಗೆ ಕಾಶ್ಮೀರಿ ಹುಡುಗ

42 ವರ್ಷ ವಯಸ್ಸಿನ ಊರ್ಮಿಳಾಗಿಂತ ಸರಿ ಸುಮಾರು 10 ವರ್ಷ ಚಿಕ್ಕವರಾದ ಮೊಹ್ಸಿನ್ ಅವರು ಕಾಶ್ಮೀರದಲ್ಲಿ ಕಸೂತಿ ವಿನ್ಯಾಸ ಉದ್ಯಮ ನಡೆಸುತ್ತಿದ್ದಾರೆ.

ಮೋಹ್ಸಿನ್ ಭೇಟಿಯಾಗಿದ್ದು ಹೇಗೆ?

2014ರಲ್ಲಿ ವಿನ್ಯಾಸಕ ಮನೀಶ್ ಮಲ್ಹೋತ್ರಾ ಅವರ ಸಂಬಂಧಿಕರೊಬ್ಬರ ಮದುವೆಗೆ ಹೋಗಿದ್ದ ನಟಿ ಊರ್ಮಿಳಾ ಅವರು ಮೋಹ್ಸಿನ್ ಅವರನ್ನು ಭೇಟಿಯಾಗಿದ್ದರು. ಸುಮಾರು ಎರಡು ವರ್ಷಗಳ ಗೆಳೆತನ, ಪ್ರೇಮ, ಸುತ್ತಾಟದ ನಂತರ ಇಬ್ಬರು ಮದುವೆಯಾಗಿದ್ದಾರೆ.

ಮನೀಶ್ ಮಲ್ಹೋತ್ರಾ ವಿನ್ಯಾಸದ ದಿರಿಸು

ಖ್ಯಾತ ವಸ್ತ್ರವಿನ್ಯಾಸಕ ಮನೀಶ್ ಮಲ್ಹೋತ್ರಾ ಅವರ ವಿನ್ಯಾಸ ಲೆಹೆಂಗಾ ತೊಟ್ಟ ಊರ್ಮಿಳಾ ಮಿಂಚುತ್ತಿದ್ದರು.

90ರ ದಶಕದಲ್ಲಿ ಬೆಳ್ಳಿತೆರೆಯಲ್ಲಿ ಮಿಂಚಿದ ಊರ್ಮಿಳಾ

90ರ ದಶಕದಲ್ಲಿ ಬೆಳ್ಳಿತೆರೆಯಲ್ಲಿ ಮಿಂಚಿದ ಊರ್ಮಿಳಾ ನಂತರ ಸಿನಿಮಾ ಬದುಕಿನಿಂದ ಮರೆಯಾಗಿದ್ದರು. ಆರ್ ಜಿವಿ ಸೇರಿದಂತೆ ಕೆಲ ನಟರ ಜೊತೆ ಕೂಡಾ ಲಿಂಕ್ ಅಪ್ ಸ್ಟೋರಿಗಳು ಕೇಳಿ ಬಂದಿತ್ತು.

2014ರಲ್ಲಿ ಮರಾಠಿ ಚಿತ್ರವೊಂದರಲ್ಲಿ ನಟಿಸಿದ್ದು

ಬಾಲನಟಿಯಾಗಿ ಚಿತ್ರರಂಗಕ್ಕೆ ಬಂದ ಊರ್ಮಿಳಾ ಅವರು ನಟಿಸಿರುವ 'ಫೂಲೋಂಕಾ ತಾರೋಂಕಾ ಸಬ್ ಕಾ ಕೆಹನಾ ಹೈ' ಹಾಡು ಯಾರು ಮರೆಯುವಂತಿಲ್ಲ. ಹಿಂದಿ ಅಲ್ಲದೆ ತಮಿಳು, ತೆಲುಗು ಭಾಷೆಯಲ್ಲಿ ಕೂಡಾ ಊರ್ಮಿಳಾ ಮಿಂಚಿದರು. 2014ರಲ್ಲಿ ಮರಾಠಿ ಚಿತ್ರವೊಂದರಲ್ಲಿ ನಟಿಸಿದ್ದು ಬಿಟ್ಟರೆ 42 ವರ್ಷ ವಯಸ್ಸಿನ ನಟಿ, ಮತ್ತೆ ಚಿತ್ರರಂಗಕ್ಕೆ ಕಾಲಿರಿಸುತ್ತಾರೆ ಎಂಬ ನಂಬಿಕೆ ಆಕೆ ಅಭಿಮಾನಿಗಳಲ್ಲಿ ಮಾತ್ರ ಇತ್ತು.

ರಿಯಾಲಿಟಿ ಶೋ ಜಡ್ಜ್ ಆಗಿದ್ದ ಊರ್ಮಿಳಾ

ರಿಯಾಲಿಟಿ ಶೋ ಜಡ್ಜ್ ಆಗಿ 2008ರಲ್ಲೆ ಕಿರುತೆರೆ ಊರ್ಮಿಳಾ ಎಂಟ್ರಿ ಕೊಟ್ಟರು. ವಾರ್ ಪರಿವಾರ್. 2011ರಲ್ಲಿ ಡ್ಯಾನ್ಸ್ ರಿಯಾಲಿಟಿ ಶೋ ಚಕ್ ಧೂಮ್ ಧೂಮ್, 2012ರಲ್ಲಿ ಜೀ ಮರಾಠಿಗಾಗಿ ಡ್ಯಾನ್ಸ್ ಶೋ ಜಡ್ಜ್ ಆಗಿ ಕಾರ್ಯನಿರ್ವಹಿಸಿದ್ದರು.

ಬೋಲ್ಡ್ ಅಂಡ್ ಬ್ಯೂಟೀಫಲ್ ಊರ್ಮಿಳಾ

ರಾಮ್ ಗೋಪಾಲ್ ವರ್ಮಾ ಅವರ ಗರಡಿಯಿಂದ ಬೆಳಕಿಗೆ ಬಂದ ಪ್ರತಿಭೆ ಊರ್ಮಿಳಾ ಅವರು ಸತ್ಯ, ರಂಗೀಲ, ಜುದಾಯಿ, ದೌಡ್ ಹಾಗೂ ದಕ್ಷಿಣ ಭಾರತದ ಕೆಲವು ಚಿತ್ರಗಳಲ್ಲಿ ಬೋಲ್ಡ್ ಆಗಿ ನಟಿಸಿದ್ದಾರೆ.

ರಾಮ್ ಗೋಪಾಲ್ ವರ್ಮಾ ಟ್ವೀಟ್

ತಮ್ಮ ಮಾಜಿ ಗೆಳತಿ ಊರ್ಮಿಳಾ ಮದುವೆ ಸುದ್ದಿ ತಿಳಿದ ಬಳಿಕ ಟ್ವೀಟ್ ಮಾಡಿರುವ ರಾಮ್ ಗೋಪಾಲ್ ವರ್ಮಾ ಅವರು ಅತ್ಯಂತ ಸುಂದರ ಹಾಗೂ ಪ್ರತಿಭೆಯುಳ್ಳ ನಟಿ, ಅವಳ ಜೀವನ' ರಂಗೀಲ ಮಯವಾಗಿರಲಿ ಎಂದು ಹಾರೈಸಿದ್ದಾರೆ. ಚಿತ್ರದಲ್ಲಿ ವಿನ್ಯಾಸಕ ಮನೀಶ್ ಜೊತೆ ಊರ್ಮಿಳಾ.