ಭಾವಿ ಪತಿಗೆ ಭಾವನಾತ್ಮಕ ಪತ್ರ ಬರೆದು, ಕ್ಷಮೆಯಾಚಿಸಿದ ಸುಶಾಂತ್ ಸಿಂಗ್ ಮಾಜಿ ಪ್ರಿಯತಮೆ ಅಂಕಿತಾ

ಅಂಕಿತಾ ಬೆಂಬಲಕ್ಕೆ ನಿಂತ ಭಾವಿ ಪತಿ

ಸುಮಾರು 10 ವರ್ಷಗಳಿಂದ ಇಬ್ಬರು ಒಬ್ಬರಿಗೊಬ್ಬರು ಪರಿಚಿತರು. ಸುಶಾಂತ್ ಸಿಂಗ್ ನಿಂದ ದೂರ ಆದ ಬಳಿಕ ಅಂಕಿತಾ, ವಿಕ್ಕಿ ಜೈನ್ ಜೊತೆ ಪ್ರೀತಿಯಲ್ಲಿದ್ದಾರೆ. ಸುಶಾಂತ್ ಸಿಂಗ್ ಸಾವಿನ ಬಳಿಕ ಅಂಕಿತಾರ ಪ್ರತಿಯೊಂದು ಹೆಜ್ಜೆಯಲ್ಲೂ ಜೊತೆಯಲ್ಲಿ ನಿಂತು ಬೆಂಬಲಿಸಿದ ಭಾವಿ ಪತಿಯ ಬಗ್ಗೆ ಭಾವುಕ ಸಂದೇಶ ಬರೆದಿದ್ದಾರೆ. ತನ್ನಿಂದ ಬಂದ ಎಲ್ಲಾ ಟೀಕೆಗಳಿಗೆ ಕ್ಷಮೆಯಾಚಿಸುವುದಾಗಿ ಹೇಳಿದ್ದಾರೆ.

ಜೊತೆಗಾರನಾಗಿದ್ದಕ್ಕೆ ದೇವರಿಗೆ ಧನ್ಯವಾದ ತಿಳಿಸುತ್ತೇನೆ

"ನನ್ನ ಭಾವನೆಗಳನ್ನು ವಿವರಿಸಲು ಪದಗಳೇ ಸಿಗುತ್ತಿಲ್ಲ. ನಮ್ಮನ್ನು ಒಟ್ಟಿಗೆ ನೋಡಿದಾಗ ನನ್ನ ಮನಸ್ಸಿನಲ್ಲಿ ಬರುವ ಒಂದು ವಿಷಯವೆಂದರೆ ನನ್ನ ಜೀವನದಲ್ಲಿ ನಿಮ್ಮನ್ನು ನಮ್ಮನ್ನು ಸ್ನೇಹಿತನಾಗಿ, ಜೊತೆಗಾರನಾಗಿ, ಆತ್ಮ ಸಂಗಾತಿಯಾಗಿ ಕಳುಹಿಸಿದ್ದಕ್ಕೆ ನಾನು ದೇವರಿಗೆ ಕೃತಜ್ಞನಾಗಿದ್ದೇನೆ" ಎಂದಿದ್ದಾರೆ.

'ಪ್ರತಿ ಹೆಜ್ಜೆಯಲ್ಲೂ ನನ್ನ ಜೊತೆ ನಿಂತ ನಿಮಗೆ ಧನ್ಯವಾದಗಳು'

"ನನ್ನ ಜೊತೆ, ನನಗಾಗಿ ಇರುವುದಕ್ಕಾಗಿ ಧನ್ಯವಾದಗಳನ್ನು ಹೇಳುತ್ತೇನೆ. ನನ್ನ ಎಲ್ಲಾ ಸಮಸ್ಯೆಗಳನ್ನು ನಿಮ್ಮ ಸಮಸ್ಯೆಯೇ ಎಂದು ಭಾವಿಸಿದ್ದಕ್ಕಾಗಿ ಮತ್ತು ಸಹಾಯ ಮಾಡಿದ್ದಕ್ಕಾಗಿ ಧನ್ಯವಾದಗಳು. ನನ್ನನ್ನು ಮತ್ತು ನನ್ನ ಸಂದರ್ಭಗಳನ್ನು ಅರ್ಥಮಾಡಿಕೊಂಡಿದ್ದಕ್ಕಾಗಿ ಧನ್ಯವಾದಗಳು." ಎಂದು ಹೇಳಿದ್ದಾರೆ.

Recommended Video

DIRECTOR'S DIARY : ಬೆಳೆಯೋ ಟೈಮ್ ನಲ್ಲಿ ನನ್ನ ವಿರುದ್ಧ ರವಿ ಬೆಳಗೆರೆ ಪತ್ರಿಕೆಯಲ್ಲಿ ಆರ್ಟಿಕಲ್ ಬಂದಿತ್ತು| Part 1

ದಯವಿಟ್ಟು ಕ್ಷಮಿಸಿ-ಅಂಕಿತಾ

"ದಯವಿಟ್ಟು ನನ್ನು ಕ್ಷಮಿಸು, ನನ್ನಿಂದಾಗಿ ನೀವು ಟೀಕೆಗಳನ್ನು ಎದುರಿಸಿದ್ದಕ್ಕಾಗಿ. ಅದು ನಿಮಗೆ ಅರ್ಹವಲ್ಲ. ಪದಗಳು ತುಂಬಾ ಕಡಿಮೆಯಾಗುತ್ತವೆ. ಆದರೆ ಈ ಬಂಧವು ಅದ್ಭುತವಾಗಿದೆ. ಐ ಲವ್ ಯು" ಎಂದು ಭಾವಿ ಪತಿಯ ಬಗ್ಗೆ ದೀರ್ಘವಾಗಿ ಬರೆದುಕೊಂಡು ಕ್ಷಮೆಯಾಚಿಸಿದ್ದಾರೆ.