ಹೆಣ್ಮಕ್ಕಳಿಗೆ ಸುಳ್ಳು ಹೇಳಿ ಸಂಜಯ್ ದತ್ ಹೇಗೆಲ್ಲ ಮೋಸ ಮಾಡ್ತಿದ್ರು ಗೊತ್ತಾ.?

ಸುಳ್ಳು ಹೇಳ್ತಿದ್ರಂತೆ ಸಂಜಯ್ ದತ್.!

''ಡೇಟಿಂಗ್ ಮಾಡಲು ಆರಂಭಿಸುವ ಮುನ್ನ, ಹುಡುಗಿಯರನ್ನ ಸಂಜಯ್ ದತ್ ಮೊದಲು ಸ್ಮಶಾನಕ್ಕೆ ಕರೆದೊಯ್ಯುತ್ತಿದ್ದರು. ಸ್ಮಶಾನಕ್ಕೆ ಕರೆದುಕೊಂಡು ಹೋದ್ಮೇಲೆ, ''ನಾನು ನಿನ್ನನ್ನ ಇಲ್ಲಿಗೆ ಕರೆದುಕೊಂಡು ಬಂದಿರುವುದು ನನ್ನ ತಾಯಿಯನ್ನು ಭೇಟಿ ಮಾಡಿಸೋಕೆ'' ಅಂತ ಭಾವನಾತ್ಮಕವಾಗಿ ಹೆಣ್ಮಕ್ಕಳ ಜೊತೆ ಮಾತನಾಡುತ್ತಿದ್ದರು ಸಂಜಯ್ ದತ್'' ಎಂದು ನಿರ್ದೇಶಕ ರಾಜಕುಮಾರ್ ಹಿರಾನಿ 'ಇಂಡಿಯಾ ಟುಡೇ'ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

ಸತ್ಯ ಏನು ಗೊತ್ತಾ.?

ಸತ್ಯ ಏನಪ್ಪಾ ಅಂದ್ರೆ, ''ಹುಡುಗಿಯರನ್ನ ಸಂಜಯ್ ದತ್ ಕರೆದುಕೊಂಡು ಹೋಗುತ್ತಿದ್ದ ಸ್ಮಶಾನದಲ್ಲಿ ಅವರ ತಾಯಿಯ ಸಮಾಧಿ ಇರಲಿಲ್ಲ. ಯಾರದ್ದೋ ಸಮಾಧಿ ತೋರಿಸಿ ''ಇದು ನನ್ನ ತಾಯಿಯ ಸಮಾಧಿ'' ಅಂತ ಸುಳ್ಳು ಹೇಳುತ್ತಿದ್ದರು ಸಂಜಯ್ ದತ್'' ಅಂತಾರೆ ರಾಜಕುಮಾರ್ ಹಿರಾನಿ.

'ಸಂಜು' ಮಾತುಗಳಿಗೆ ಕ್ಲೀನ್ ಬೌಲ್ಡ್ ಆಗುತ್ತಿದ್ದ ಹುಡುಗಿಯರು.!

ಸಮಾಧಿ ಮುಂದೆ ನಿಂತು ಭಾವನಾತ್ಮಕವಾಗಿ ಮಾತನಾಡುತ್ತಿದ್ದ ಸಂಜಯ್ ದತ್ ಗೆ ಅದೆಷ್ಟೋ ಹುಡುಗಿಯರು ಕ್ಲೀನ್ ಬೌಲ್ಡ್ ಆಗಿದ್ದರಂತೆ. ಆದ್ರೆ, ಅದೇ ಹುಡುಗಿಯರು ಸಂಜಯ್ ದತ್ ಗೆ ಕೈಕೊಟ್ಟಾಗ, ಅವರಿಗೆ ತಡೆಯಲಾರದಷ್ಟು ಕೋಪ ಬರ್ತಿತ್ತಂತೆ.

ಒಮ್ಮೆ ನಡೆದ ಘಟನೆ

ಒಮ್ಮೆ ಬ್ರೇಕಪ್ ಆದಾಗ, ಸಿಟ್ಟಲ್ಲಿದ್ದ ಸಂಜಯ್ ದತ್ ತಮ್ಮ ಸ್ನೇಹಿತರ ಕಾರು ತೆಗೆದುಕೊಂಡು ಮಾಜಿ ಗೆಳತಿಯ ಮನೆ ಮುಂದೆ ನಿಂತಿದ್ದ ಕಾರಿಗೆ ಗುದ್ದಿದ್ದರು. ಕಡೆಗೆ ಆ ಕಾರು ತಮ್ಮ ಮಾಜಿ ಗೆಳತಿಯ ಹೊಸ ಬಾಯ್ ಫ್ರೆಂಡ್ ನದ್ದು ಎಂಬ ಸತ್ಯ ಸಂಜಯ್ ದತ್ ಗೆ ಗೊತ್ತಾಯ್ತಂತೆ. ಹಾಗಂತ ರಾಜಕುಮಾರ್ ಹಿರಾನಿ 'ಇಂಡಿಯಾ ಟುಡೇ'ಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ.

ಇದೇ ವಾರ 'ಸಂಜು' ಬಿಡುಗಡೆ

ಸಂಜಯ್ ದತ್ ನಿಜ ಜೀವನದ ಈ ಸತ್ಯ 'ಸಂಜು' ಸಿನಿಮಾದಲ್ಲೂ ಇದ್ಯಾ.? ಈ ಪ್ರಶ್ನೆಗೆ ಉತ್ತರ ತಿಳಿದುಕೊಳ್ಳಬೇಕು ಅಂದ್ರೆ ನೀವು ಜೂನ್ 29 ರವರೆಗೂ ಕಾಯಲೇಬೇಕು. ಯಾಕಂದ್ರೆ, 'ಸಂಜು' ಬಿಡುಗಡೆ ಆಗುತ್ತಿರುವುದು ಆಗಲೇ.!