ಶಾರುಖ್ ಖಾನ್ ಪತ್ನಿ ಗೌರಿ ಖಾನ್‌ಗೆ ಪ್ರತಿಷ್ಠಿತ ಪ್ರಶಸ್ತಿ

ಹದಿನೈದು ಫಿಲಂಫೇರ್ ಪಡೆದಿರುವ ಶಾರುಖ್

ಆದರೆ ಇದು ನಿಜವೇನೂ ಅಲ್ಲ, ಶಾರುಖ್ ಖಾನ್ ಹದಿನೈದು ಬಾರಿ ಫಿಲಂ ಫೇರ್‌ ಪ್ರಶಸ್ತಿ ಪಡೆದಿದ್ದಾರೆ. ಒಂಬತ್ತು ಸ್ಟಾರ್ ಸ್ಕ್ರೀನ್ ಅವಾರ್ಡ್, ನಾಲ್ಕು ಬಾರಿ ಅಂತರರಾಷ್ಟ್ರೀಯ ಭಾರತೀಯ ಸಿನಿಮಾ ಅಕಾಡೆಮಿ ಪ್ರಶಸ್ತಿ, 12 ಜೀ ಸಿನಿಮಾ ಪ್ರಶಸ್ತಿ, ಎರಡು ಗ್ಲೋಬಲ್ ಇಂಡಿಯಾ ಫಿಲಂ ಪ್ರಶಸ್ತಿ ಪಡೆದಿದ್ದಾರೆ. ಕೇಂದ್ರದ ರಾಜೀವ್ ಗಾಂಧಿ ಪ್ರಶಸ್ತಿ, ಪದ್ಮಶ್ರೀ ಪ್ರಶಸ್ತಿ ಪಡೆದಿರುವ ಶಾರುಖ್ ಖಾನ್‌ಗೆ ಈವರೆಗೆ ನಟನೆಗೆ ರಾಷ್ಟ್ರಪ್ರಶಸ್ತಿ ದೊರಕಿಲ್ಲ.

ಹೃತಿಕ್ ಮಾಜಿ ಪತ್ನಿ ಜೊತೆ ಸೇರಿ ಸಂಸ್ಥೆ ತೆರೆದಿದ್ದ ಗೌರಿ

ಗೌರಿ ಖಾನ್ ಪ್ರಶಸ್ತಿಯ ವಿಷಯಕ್ಕೆ ಮರಳುವುದಾದರೆ, ಭಾರತದ ಖ್ಯಾತ ಒಳಾಂಗಣ ವಿನ್ಯಾಸಕರಲ್ಲಿ ಒಬ್ಬರು ಗೌರಿ ಖಾನ್. ಹೃತಿಕ್ ರೋಷನ್ ಮಾಜಿ ಪತ್ನಿ ಸೂಸನ್ ಖಾನ್ ಜೊತೆ ಸೇರಿ ಹಲವು ಪ್ರತಿಷ್ಠಿತ ಪ್ರಾಜೆಕ್ಟ್‌ಗಳನ್ನು ಕೆಲವು ವರ್ಷಗಳ ಹಿಂದೆ ನಿರ್ವಹಿಸಲಿದ್ದಾರೆ ಗೌರಿ ಖಾನ್. ಬಾಲಿವುಡ್‌ನ ಹಲವು ಸ್ಟಾರ್ ನಟ-ನಟಿಯರ ಮನೆ, ಕಚೇರಿಗಳನ್ನು ಗೌರಿ ವಿನ್ಯಾಸಗೊಳಿಸಿದ್ದಾರೆ. ಶಾರುಖ್ ಜೊತೆಗೆ ಸೇರಿ ಹಲವು ಸಿನಿಮಾಗಳನ್ನು ನಿರ್ಮಾಣ ಸಹ ಮಾಡಿದ್ದಾರೆ.

ದೆಹಲಿ ಮನೆಯನ್ನು ವಿನ್ಯಾಸ ಮಾಡಿರುವ ಗೌರಿ

ಶಾರುಖ್ ಖಾನ್-ಗೌರಿ ಅವರು ದೆಹಲಿಯಲ್ಲಿ ವಾಸವಿದ್ದ ಹಳೆಯ ಮನೆಯನ್ನು ಗೌರಿ ಖಾನ್ ಸ್ವತಃ ಮರಳಿ ವಿನ್ಯಾಸ ಮಾಡಿದ್ದು, ಆ ಮನೆಯಲ್ಲಿ ಒಂದು ದಿನ ಅತಿಥಿಯಾಗಿ ಉಳಿಯುವ ಅವಕಾಶವನ್ನು ಸಾರ್ವಜನಿಕರಿಗೆ ಒದಗಿಸಿದ್ದಾರೆ. ಸಾರ್ವಜನಿಕರು ಆನ್‌ಲೈನ್‌ನಲ್ಲಿ ಅರ್ಜಿ ಹಾಕಿ ಆ ಅವಕಾಶ ಪಡೆಯಬೇಕಿದೆ.

Recommended Video

ರಿಲೀಸ್ ಆಯ್ತು ಇಂದ್ರಜಿತ್ ಲಂಕೇಶ್ Shakeela ಟ್ರೈಲರ್ | Filmebeat Kannada

ನಿರ್ಮಾಪಕಿ ಆಗಿಯೂ ಗೌರಿಗೆ ಯಶಸ್ಸು

ನಿರ್ಮಾಪಕಿಯಾಗಿಯೂ ಗೌರಿ ಖಾನ್ ಸಾಕಷ್ಟು ಯಶಸ್ಸು ಗಳಿಸಿದ್ದಾರೆ. ಪತಿ ಶಾರುಖ್ ಜೊತೆಗೆ ರೆಡ್ ಚಿಲ್ಲೀಸ್ ಸಿನಿಮಾ ನಿರ್ಮಾಣ ಸಂಸ್ಥೆ ಪ್ರಾರಂಭ ಮಾಡಿರುವ ಗೌರಿ, ಈವರೆಗೆ 17 ಸಿನಿಮಾಗಳನ್ನು ಸಹ ನಿರ್ಮಾಣ ಮಾಡಿದ್ದಾರೆ. ಮೈ ಹೂ ನಾ ಸಿನಿಮಾದಲ್ಲಿ ಒಂದು ದೃಶ್ಯದಲ್ಲಿ ಕಾಣಿಸಿಕೊಳ್ಳುವ ಗೌರಿ, ಶಾರುಖ್ ಜೊತೆ ಕೆಲವು ಜಾಹೀರಾತಿನಲ್ಲಿ ಕಾಣಿಸಿಕೊಂಡಿದ್ದಾರೆ, ಹಾಗೂ ಫ್ಯಾಷನ್ ಶೋ ಒಂದರಲ್ಲಿ ಹೆಜ್ಜೆ ಹಾಕಿದ್ದಾರೆ.