ಹೊಸತನದೊಂದಿಗೆ ತೆರೆಗೆ ಬರುತ್ತಿದೆ ಹಿಂದಿ '6-5=2'

ಒಂದು ವಿನೂತನ ಪ್ರಯೋಗ, ಕನ್ನಡದಲ್ಲಿ ಯಶಸ್ವಿ ಆಗಿ ಈಗ ಹಿಂದಿ ಭಾಷೆಯಲ್ಲಿ '6-5=2' ತೆರೆ ಕಾಣುತ್ತಿದೆ. ಇದೆ ಶುಕ್ರವಾರ (ನ.14) ಹಿಂದಿ ಭಾಷೆಯಲ್ಲಿ ರಾಷ್ಟ್ರದ್ಯಂತ ‘6-5=2' ಚಿತ್ರವು 300ಕ್ಕೂ ಹೆಚ್ಚು ಚಿತ್ರ ಮಂದಿರಗಳಲ್ಲಿ ಬಿಡುಗಡೆ ಆಗುತ್ತಿದೆ.

ನಿರ್ಮಾಪಕರಾಗಿ ಕನ್ನಡದಲ್ಲಿ ಹಲವಾರು ಸಿನಿಮಾಗಳನ್ನು ಮಾಡಿರುವ ಮ್ಯೂಜಿಕ್ ಸಂಸ್ಥೆಯ ಮಾಲೀಕ ಭರತ್ ಜೈನ್ ಅವರು ನಿರ್ದೇಶಕರಾಗಿ ಹಿಂದಿ ಭಾಷೆಯಲ್ಲಿ ಇದು ಮೊದಲ ಪ್ರಯತ್ನ. 'ಫೌಂಡ್ ಫುಟೆಜ್' ಇಟ್ಟುಕೊಂಡು ಈ '6-5=2' ಸಿನಿಮಾವನ್ನು ಮಾರ್ಸ್ ಇಂಕ್ ತಯಾರಿಸಿರುವ ಚಿತ್ರ ಇದು. [6-5=2 ಚಿತ್ರ ವಿಮರ್ಶೆ]

6-5=2 ಗ್ಯಾಲರಿ

2001ರಲ್ಲಿ ಐದು ಯುವಕರು ಹೊರಟ ಟ್ರೆಕ್ಕಿಂಗ್ ಅಲ್ಲಿ ಮೂವರು ಮಾತ್ರ ಬಚಾವಾಗಿದ್ದರು. ಆದರೆ 9 ದಿನಗಳ ನಂತರ ಸಿದ್ದಾರ್ಥ ಎಂಬ ಯುವಕನ ಕ್ಯಾಮರಾ ಸೆರೆ ಹಿಡಿದ ಚಿತ್ರಣ ಬೆಳಕಿಗೆ ಬಂದಿತು. ಅದನ್ನೇ ಇಟ್ಟುಕೊಂಡು ಮೊದಲು ಕನ್ನಡದಲ್ಲಿ 6-5=2 ತಯಾರು ಮಾಡಲಾಗಿತ್ತು.

ಈಗ ಹಿಂದಿ ಭಾಷೆಯಲ್ಲಿ ಅದರ ಮಟ್ಟವನ್ನು ಹೆಚ್ಚಿಸಿ ನಿರ್ದೇಶನ ಮಾಡಿದ್ದಾರೆ ಭರತ್ ಜೈನ್. ಸತ್ಯ ಹೆಗ್ಡೆ ಅವರ ಛಾಯಾಗ್ರಹಣ ಇರುವ '6-5-2' ಹಿಂದಿ ಸಿನಿಮಾದಲ್ಲಿ ಪ್ರಶಾಂತ್ ಗುಪ್ತಾ, ಅಶ್ರುತ್ ಜೈನ್, ಗೌರವ್ ಪಾಸ್ವಲ್ಲ, ಗೌರವ್ ಕೊಠಾರಿ, ದಿಶಾ ಕಪೂರ್ ಹಾಗೂ ನಿಹಾರಿಕ ರೈಜಾದಾ ಪಾತ್ರವರ್ಗದಲ್ಲಿ ಇದ್ದಾರೆ.