"ನಿನ್ನ ಬಾಯ್‌ಫ್ರೆಂಡ್ ಅನಕೊಂಡಗೆ ಬಂದ ಗತಿ ನಿನಗೂ ಬರುತ್ತೆ:": ರಶ್ಮಿಕಾ ಬಗ್ಗೆ ಶಾಕಿಂಗ್ ಕಾಮೆಂಟ್ಸ್

ಭೋಜ್‌ಪುರಿ ಚಿತ್ರಗಳಿಗೆ ಲಾಯಕ್ಕು

ಕೆಲ ದಿನಗಳ ಹಿಂದೆ ಕಮಲ್ ಆರ್ ಖಾನ್, "ರಶ್ಮಿಕಾ ಮಂದಣ್ಣ ಭೋಜ್‌ಪುರಿ ಸಿನಿಮಾಗಳನ್ನು ಮಾತ್ರ ಮಾಡಲು ಲಾಯಕ್ಕು. ಐಶ್ವರ್ಯ ರೈ, ಕರೀನಾ ಕಪೂರ್, ಮಾಧುರಿ ದೀಕ್ಷಿತ್‌ನ ನೋಡಿದ ಮೇಲೆ ಹಿಂದಿ ಪ್ರೇಕ್ಷಕರು ನಿನ್ನನ್ನು ಸಿನಿಮಾ ನಾಯಕಿಯಾಗಿ ಒಪ್ಪಿಕೊಳ್ಳುವುದಿಲ್ಲ" ಎಂದು ಟ್ವೀಟ್ ಮಾಡಿದ್ದರು. ಆ ಟ್ವೀಟ್ ಸಿಕ್ಕಾಪಟ್ಟೆ ವೈರಲ್ ಆಗಿತ್ತು.

ನಿನ್ನ ಬಾಯ್‌ಫ್ರೆಂಡ್ ಗತಿ ನಿನಗೂ

ಇದೀಗ ಮತ್ತೊಮ್ಮೆ ರಶ್ಮಿಕಾ ವಿರುದ್ಧ ತಿರುಗಿಬಿದ್ದಿರುವ ಕೆಆರ್‌ಕೆ, "ರಶ್ಮಿಕಾ ಮೇಡಂಜೀ ನಿಮಗೆ ಗೊತ್ತಿರಬಹುದು, 'ಲೈಗರ್' ಸೋಲಿನ ಮೂಲಕ ನಿಮ್ಮ ಬಾಯ್‌ಫ್ರೆಂಡ್ ಅನಕೊಂಡನ ಯಾವ ರೀತಿ ಬಾಲಿವುಡ್‌ನಿಂದ ಓಡಿಸಿದ್ದೇವೋ, ಅದೇ ರೀತಿ ನಿಮ್ಮನ್ನು ಕಳುಹಿಸುತ್ತೇವೆ. ಆದರೆ ನೀವು ಭೋಜ್‌ಪುರಿ ಸಿನಿಮಾಗಳಲ್ಲಿ ನಟಿಸಿದರೆ ಓಕೆ. ನಮಗೂ ಸಂತೋಷ" ಎಂದು ಬರೆದುಕೊಂಡಿದ್ದಾರೆ.

ರಶ್ಮಿಕಾ ನ್ಯಾಷನಲ್ ಕ್ರಶ್ ಅಲ್ಲ

ಇದಕ್ಕೂ ಮುಂಚೆ "ರಶ್ಮಿಕಾ ಮಂದಣ್ಣನ ನ್ಯಾಷನಲ್ ಕ್ರಶ್ ಎನ್ನುವವರು ನಿಮ್ಮ ಕಣ್ಣುಗಳನ್ನು ಪರೀಕ್ಷಿಸಿಕೊಳ್ಳಿ. ರಶ್ಮಿಕಾ ಏನಿದ್ದರೂ ರವಿ ಕಿಶನ್, ನೀರವ್, ಪವನ್ ಸಿಂಗ್, ಕೇಸರಿ ಲಾಲ್ ರೀತಿಯ ಭೋಜ್‌ಪುರಿ ನಟರ ಜೊತೆ ನಟಿಸಿ ರಾಕ್ ಮಾಡಬಹುದು ಅಷ್ಟೇ" ಎಂದು ಟ್ವೀಟ್ ಮಾಡಿದ್ದರು. ಕೆಆರ್‌ಕೆ ಟ್ವೀಟ್‌ಗಳಿಗೆ ರಶ್ಮಿಕಾ ಮಂದಣ್ಣ, ವಿಜಯ್ ದೇವರಕೊಂಡ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಆತನ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಆದರೆ ಪ್ರಯೋಜನವಾಗುತ್ತಿಲ್ಲ.

ರಶ್ಮಿಕಾ ಕ್ರಮ ಕೈಗೊಳ್ಳುತ್ತಾರಾ?

ಇನ್ನು ರಶ್ಮಿಕಾ ಮಂದಣ್ಣ ನ್ಯಾಷನಲ್ ಕ್ರಶ್ ಆಗಿ ಮಿಂಚುತ್ತಿದ್ದಾರೆ. ಸೌತ್ ಸಿನಿದುನಿಯಾದಲ್ಲಿ ಮಾತ್ರವಲ್ಲ, ಬಾಲಿವುಡ್‌ನಲ್ಲೂ ಕಮಾಲ್ ಮಾಡ್ತಿದ್ದಾರೆ. ಈಗಾಗಲೇ ಬಿಗ್‌ಬಿ ಅಮಿತಾಬ್ ಬಚ್ಚನ್ ಜೊತೆ ನಟಿಸಿದ 'ಗುಡ್‌ಬೈ' ಸಿನಿಮಾ ಬಂದೋಗಿದೆ. 'ಮಿಷನ್ ಮಜ್ನು' ಸಿನಿಮಾ ನೇರವಾಗಿ ಓಟಿಟಿಗೆ ಬರಲು ಸಿದ್ಧವಾಗಿದೆ. ಮತ್ತೊಂದು ಕಡೆ 'ಅನಿಮಲ್' ಎನ್ನುವ ಚಿತ್ರದಲ್ಲಿ ರಣ್‌ಬೀರ್ ಕಪೂರ್ ಜೊತೆ ಕೊಡಗಿನ ಕುವರಿ ನಟಿಸ್ತಿದ್ದಾರೆ. ಕಮಲ್ ಆರ್ ಖಾನ್ ಹೀಗೆ ಪದೇ ಪದೇ ಅಸಭ್ಯವಾಗಿ ಟ್ವೀಟ್ ಮಾಡುತ್ತಿರುವ ಬಗ್ಗೆ ರಶ್ಮಿಕಾ ಕ್ರಮ ಕೈಗೊಳ್ಳುತ್ತಾರಾ? ಆತನಿಗೆ ಬುದ್ದಿ ಕಲಿಸುತ್ತಾರಾ? ಕಾದು ನೋಡಬೇಕು.