Don't Miss!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Lifestyle ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಆ ಒಂದು ಪರೀಕ್ಷೆ ಮಾಡಿಸಿದರೆ ಬಾಲಿವುಡ್ನ ಸ್ಟಾರ್ಗಳೆಲ್ಲಾ ಜೈಲು ಸೇರುತ್ತಾರೆ'
ಬಾಲಿವುಡ್ನಲ್ಲಿನ ಅಸಮಾನತೆ, ಸ್ವಜನಪಕ್ಷತದ ವಿರುದ್ಧ ಸಿಡಿನುಡಿಗಳನ್ನು ಸುರಿಸುತ್ತಿರುವ ನಟಿ ಕಂಗನಾ ರನೌತ್ ಬಾಲಿವುಡ್ ಸ್ಟಾರ್ಗಳ ವಿರುದ್ಧವೂ ಪುಂಖಾನುಪುಂಖವಾಗಿ ಹೇಳಿಕೆಗಳನ್ನು ಹರಿಯಬಿಡುತ್ತಿದ್ದಾರೆ.
Recommended Video
ಸುಶಾಂತ್ ಸಾವಿನ ಬಳಿಕ ಸಾಮಾಜಿಕ ಜಾಲತಾಣದಲ್ಲಿ ವಿಪರೀತ ಆಕ್ರಮಣಕಾರಿ ಆಗಿರುವ ಕಂಗನಾ ರಣೌತ್. ಸ್ಟಾರ್ ನಟ, ನಿರ್ದೇಶಕ, ನಿರ್ಮಾಪಕಗಳ ಮೇಲೆ ನೇರ ಆರೋಪಗಳನ್ನು ಮಾಡುತ್ತಿದ್ದಾರೆ.
ಅಮೀರ್ ಖಾನ್, ಸಲ್ಮಾನ್ ಖಾನ್, ಕರಣ್ ಜೋಹರ್, ತಾಪ್ಸಿ ಪನ್ನು, ಮಹೇಶ್ ಭಟ್ ಇನ್ನೂ ಹಲವಾರು ಬಾಲಿವುಡ್ ದೊಡ್ಡ ಸ್ಟಾರ್ಗಳನ್ನು ಗುರಿಯಾಗಿಸಿಕೊಂಡು ಪುಂಖಾನುಪುಂಖವಾಗಿ ಆರೋಪಗಳ ಸುರಿಮಳೆ ಗರೆಯುತ್ತಿದ್ದಾರೆ ಕಂಗನಾ.
ಇದೀಗ ಸುಶಾಂತ್ ಸಾವಿನ ಪ್ರಕರಣದಕ್ಕೆ ಮಾದಕ ವಸ್ತುವಿನ ಕೋನ ದೊರೆಯುತ್ತಿದ್ದಂತೆ. ಕಂಗನಾ ಟ್ವೀಟ್ ಒಂದನ್ನು ಮಾಡಿದ್ದು, ಈ ಟ್ವೀಟ್ ಭಾರಿ ವೈರಲ್ ಆಗಿದೆ.
ಎಲ್ಲಾ ಸ್ಟಾರ್ಗಳು ಜೈಲು ಸೇರುತ್ತಾರೆ: ಕಂಗನಾ
'ಒಂದು ವೇಳೆ ಬಾಲಿವುಡ್ನ ಸ್ಟಾರ್ಗಳನ್ನು ಮಾದಕ ವಸ್ತು ಪರೀಕ್ಷೆಗೆ ಒಳಪಡಿಸಿದರೆ, ಬಹುತೇಕ ಎಲ್ಲಾ ಸ್ಟಾರ್ಗಳು ಜೈಲು ಸೇರುತ್ತಾರೆ, ಸ್ಟಾರ್ಗಳ ರಕ್ತ ಪರೀಕ್ಷೆ ಮಾಡಿದರೆ ಬಹುತೇಕ ಎಲ್ಲರ ದೇಹದಲ್ಲೂ ಮಾದಕ ವಸ್ತು ಬಳಸಿರುವ ಕುರುಹು ಸಿಗುತ್ತದೆ' ಎಂದು ಟ್ವೀಟ್ ಮಾಡಿದ್ದಾರೆ ನಟಿ ಕಂಗನಾ ರಣೌತ್.
'ಬಾಲಿವುಡ್ನವರ ಮೆಚ್ಚಿನ ಮಾದಕ ವಸ್ತು ಕೊಕೇನ್'
ಅಷ್ಟೆ ಅಲ್ಲದೆ, 'ಬಾಲಿವುಡ್ ಜನರ ಮೆಚ್ಚಿನ ಮಾದಕ ವಸ್ತು 'ಕೊಕೇನ್' ಈ ಕೊಕೇನ್ ಬಹುತೇಕ ಎಲ್ಲಾ ಬಾಲಿವುಡ್ ಪಾರ್ಟಿಗಳಲ್ಲೂ ಸಿಗುತ್ತದೆ. ಎಲ್ಲಾ ಹೌಸ್ ಪಾರ್ಟಿಗಳಲ್ಲಿಯೂ ಕೊಕೇನ್ ಇದ್ದೇ ಇರುತ್ತದೆ ಎಂಬ ಶಾಕಿಂಗ್ ಅಂಶವನ್ನು ಬಹಿರಂಗ ಪಡಿಸಿದ್ದಾರೆ ಕಂಗನಾ.
ನೀರಿನಲ್ಲಿ ಕೊಕೇನ್ ಬೆರೆಸಿ ಕೊಡುತ್ತಾರೆ: ಕಂಗನಾ
ಯಾವುದೇ ದೊಡ್ಡ ಬಾಲಿವುಡ್ ಪಾರ್ಟಿಗಳಿಗೆ ಅಥವಾ ಸ್ಟಾರ್ಗಳ ಹೌಸ್ ಪಾರ್ಟಿಗೆ ಹೋದರೆ ಮೊದಲಿಗೆ ನಿಮಗೆ ಕೊಕೇನ್ ಅನ್ನು ಉಚಿತವಾಗಿ ನೀಡಲಾಗುತ್ತದೆ. ಕೊಕೇನ್ ಅನ್ನು ನೀರಿನಲ್ಲಿ ಬೆರೆಸಿ ಕೊಡುತ್ತಾರೆ. ಆ ನಂತರ ನೀವು ಅದಕ್ಕೆ ದಾಸರಾಗುತ್ತೀರಿ ಎಂದು ಹೇಳಿದ್ದಾರೆ ಕಂಗನಾ.
ಎಲ್ಲದರ ಬಗ್ಗೆಯೂ ಮಾಹಿತಿ ನೀಡುತ್ತೇನೆ: ಕಂಗನಾ
ಬಾಲಿವುಡ್ನಲ್ಲಿ ಮಾದಕ ದ್ರವ್ಯ ಬಳಕೆ, ಮಾರಾಟ ಎಲ್ಲದರ ಬಗ್ಗೆಯೂ ನಾನು ಬೇಕಿದ್ದರೆ ಮಾದಕ ದ್ರವ್ಯ ನಿಗ್ರಹ ಇಲಾಖೆಗೆ ಮಾಹಿತಿ ನೀಡಲು ಸಿದ್ಧಳಿದ್ದೇನೆ. ಈಗಾಗಲೇ ನನ್ನ ವೃತ್ತಿಯನ್ನು ನಾನು ರಿಸ್ಕ್ ಗೆ ಒಡ್ಡಿದ್ದೇನೆ. ಈಗ ಜೀವವನ್ನೂ ಒಡ್ಡಲು ತಯಾರಿದ್ದೇನೆ. ಆದರೆ ನನಗೆ ಕೇಂದ್ರ ಸರ್ಕಾರದಿಂದ ಭದ್ರತೆ ಬೇಕು ಎಂದಿದ್ದಾರೆ ಕಂಗನಾ.