'ಬಿಳಿಕೋತಿಗಳ ಗುಲಾಮರಂತೆ ಭಾಸವಾಗುತ್ತಿದೆ': ಇನ್ಸ್ಟಾಗ್ರಾಂ ವಿರುದ್ದ ಕಂಗನಾ ಗರಂ

ಕಂಗನಾ ಇನ್ಸ್ಟಾ ಖಾತೆ ಹ್ಯಾಕ್?

ಇತ್ತೀಚಿಗಷ್ಟೆ ನಟಿ ಕಂಗನಾ ರಣಾವತ್ ಅವರ ಇನ್ಸ್ಟಾಗ್ರಾಂ ಖಾತೆ ಹ್ಯಾಕ್ ಆಗಿತ್ತು. ಆ ಬಗ್ಗೆಯೂ ಕಂಗನಾ ತೀವ್ರ ಅಸಮಾಧಾನ ಹೊರಹಾಕಿದ್ದರು. ಚೀನಾದಲ್ಲಿ ತನ್ನ ಖಾತೆ ಹ್ಯಾಕ್ ಮಾಡುವ ಪ್ರಯತ್ನ ಆಗಿದೆ, ತಾಲಿಬಾನ್ ಕುರಿತಾದ ಪೋಸ್ಟ್‌ಗಳನ್ನು ಡಿಲೀಟ್ ಮಾಡಲಾಗಿದೆ ಎಂದು ಬಹಿರಂಗಪಡಿಸಿದ್ದರು.

ತಾಲಿಬಾನ್ ಪೋಸ್ಟ್ ಡಿಲೀಟ್ ಆಗಿತ್ತು

''ಕಳೆದ ರಾತ್ರಿ ಯಾರೋ ಚೀನಾದಲ್ಲಿ ನನ್ನ ಇನ್ಸ್ಟಾಗ್ರಾಂ ಖಾತೆ ಲಾಗ್ ಇನ್ ಮಾಡಲು ಪ್ರಯತ್ನಿಸಿದಾಗ ನನಗೆ ಅಲರ್ಟ್ ಬಂತು. ಆಮೇಲೆ ಇದ್ದಕ್ಕಿದ್ದಂತೆ ಮೆಸೆಜ್ ಮಾಯಾವಾಯಿತು. ಬೆಳಗ್ಗೆ ನೋಡಿದ್ರೆ ತಾಲಿಬಾನ್ ಹಿಂಸಾಚಾರದ ಕುರಿತು ನಾನು ಪೋಸ್ಟ್ ಮಾಡಿದ್ದ ಎಲ್ಲವೂ ಡಿಲೀಟ್ ಆಗಿದೆ. ನಂತರ ಇನ್ಸ್ಟಾಗ್ರಾಂಗೆ ಕರೆ ಮಾಡಿದ ಮೇಲೆ ನನ್ನ ಖಾತೆ ನಿಷ್ಕ್ರಿಯಗೊಂಡಿದೆ. ನಾನು ಪೋಸ್ಟ್ ಹಾಕಲು ಪ್ರಯತ್ನಿಸುತ್ತಿದ್ದರೂ ಅದು ಮತ್ತೆ ಮತ್ತೆ ಲಾಗ್ ಔಟ್ ಆಗುತ್ತಿದೆ. ಆಮೇಲೆ ನನ್ನ ಸಹೋದರಿ ಮೊಬೈಲ್ ತೆಗೆದುಕೊಂಡು ನನ್ನ ಖಾತೆಯಲ್ಲಿ ಈ ಸ್ಟೋರಿ ಹಾಕಿದೆ. ನನ್ನ ತಂಗಿಯ ಮೊಬೈಲ್‌ನಲ್ಲಿ ನಾನು ಇನ್ಸ್ಟಾಗ್ರಾಂ ಬಳಸುತ್ತೇನೆ. ಇದು ಬಹುದೊಡ್ಡ ಅಂತಾರಾಷ್ಟ್ರೀಯ ಪಿತೂರಿ'' ಎಂದಿದ್ದರು.

ಸೆಪ್ಟೆಂಬರ್ 10ಕ್ಕೆ ತಲೈವಿ ಸಿನಿಮಾ

ಇತ್ತೀಚಿಗಷ್ಟೆ ಸಿಬಿಎಫ್‌ಸಿ (Central Board of Film Certification) ಕಡೆಯಿಂದ ಸೆನ್ಸಾರ್ ಮುಗಿಸಿರುವ ತಲೈವಿ ಚಿತ್ರಕ್ಕೆ 'ಯು' ಪ್ರಮಾಣಪತ್ರ ಲಭಿಸಿದೆ. ಹಿಂದಿ, ತೆಲುಗು ಹಾಗೂ ತಮಿಳು ಭಾಷೆಯಲ್ಲಿ ಸೆಪ್ಟೆಂಬರ್ 10 ರಂದು ವರ್ಲ್ಡ್‌ವೈಡ್ ಬಿಡುಗಡೆಯಾಗುತ್ತಿದೆ. ಜಯಲಲಿತಾ ಅವರ ಬಯೋಪಿಕ್ ಚಿತ್ರವನ್ನು ಎ ಎಲ್ ವಿಜಯ್ ನಿರ್ದೇಶಿಸಿದ್ದಾರೆ. ವಿಜಯಂದ್ರ ಪ್ರಸಾದ್ ಕಥೆ ಮಾಡಿದ್ದಾರೆ. ವಿಷ್ಣುವರ್ಧನ ಇಂದುರಿ, ಹಿತೇಶ್ ಟಕ್ಕರ್, ತಿರುಮಲ ರೆಡ್ಡಿ ಜಂಟಿಯಾಗಿ ಈ ಚಿತ್ರ ನಿರ್ಮಿಸಿದ್ದು, ಜೀ ಸ್ಟುಡಿಯೋಸ್ ವಿತರಣೆಗೆ ಕೈ ಜೋಡಿಸಿದೆ. ಜಯಲಲಿತಾ ಪಾತ್ರದಲ್ಲಿ ಕಂಗನಾ ರಣಾವತ್ ನಟಿಸಿದ್ದು, ಎಂಜಿಆರ್ ಪಾತ್ರದಲ್ಲಿ ಖ್ಯಾತ ನಟ ಅರವಿಂದ್ ಸ್ವಾಮಿ ಅಭಿನಯಿಸಿದ್ದಾರೆ. ಈ ಇಬ್ಬರ ಕಾಂಬಿನೇಷನ್ ಥ್ರಿಲ್ ಹೆಚ್ಚಿಸಿದೆ.

ಕಂಗನಾ ಮುಂದಿನ ಸಿನಿಮಾಗಳು

ತಲೈವಿ ಸಿನಿಮಾ ಹೊರತುಪಡಿಸಿ ಕಂಗನಾ ರಣಾವತ್ ಹಲವು ಚಿತ್ರಗಳಲ್ಲಿ ನಟಿಸುತ್ತಿದ್ದಾರೆ. 'ಮಣಿಕರ್ಣಿಕಾ' ಸಿನಿಮಾ ಹಿಟ್ ಆದ್ಮೇಲೆ ಭಾಗ 2 ಎರಡು ಮಾಡುವುದಾಗಿ ಘೋಷಿಸಿದ್ದಾರೆ. 'ತೇಜಸ್' ಎನ್ನುವ ಚಿತ್ರವೊಂದನ್ನು ಕೈಗೆತ್ತಿಕೊಂಡಿದ್ದಾರೆ. 'ದಿ ಲೆಜೆಂಡ್ ಆಫ್ ದಿಡ್ಡಾ' ಪ್ರಾಜೆಕ್ಟ್ ಸಹ ಕಂಗನಾ ಕೈಯಲ್ಲಿದೆ.