Don't Miss!
- News Summer Tips: ಬೇಸಿಗೆಯಲ್ಲಿ ಆರೋಗ್ಯ ಕಾಪಾಡಿಕೊಳ್ಳುವುದು ಹೇಗೆ.. ಇಲ್ಲಿವೆ ಸಲಹೆಗಳು
- Sports RCB: ಯುಜ್ವೇಂದ್ರ ಚಹಾಲ್ ಮರಳಿ ಬರುವಂತೆ ಬೇಡಿಕೊಳ್ಳಿ; ಆರ್ಸಿಬಿಗೆ ಸಲಹೆ ನೀಡಿದ ರಾಬಿನ್ ಉತ್ತಪ್ಪ
- Lifestyle ಗರಿ ಗರಿಯಾದ ಕೋಡುಬಳೆ ಮನೆಯಲ್ಲೇ ಮಾಡಿ.! 4 ವಸ್ತು ಇದ್ದರೆ ಸಾಕು
- Automobiles ಮಾರುತಿ ಸ್ವಿಫ್ಟ್ ಖರೀದಿಸುತ್ತಿದ್ದೀರಾ? ಸ್ವಲ್ಪ ಕಾಯಿರಿ... ಹೊಸ ಸ್ವಿಫ್ಟ್ ಬರುತ್ತಿದೆ! 35 ಕಿ.ಮೀ ಮೈಲೇಜ್
- Finance ಝಿಲಿಂಗೋನ ಸಹ-ಸಂಸ್ಥಾಪಕ ಹಾಗೂ ಮಾಜಿ ಸಿಒಒ ವಿರುದ್ಧ ಲೈಂಗಿಕ ಕಿರುಕುಳ ಕೇಸ್ ದಾಖಲಿಸಿದ ಅಂಕಿತಿ ಬೋಸ್
- Technology ಈ ಹೊಸ 5G ಫೋನ್ ಖರೀದಿಸಿದರೆ, ವಿವೋ ಕಂಪನಿಯ ಇಯರ್ಫೋನ್ ಉಚಿತ!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮದುವೆಗೆಂದು ಉಳಿಸಿದ್ದ ಹಣ ದಾನ ಮಾಡಿದ ನಟಿ
ಭಾರಿ ಹಣ ವ್ಯಯಿಸಿ ದೊಡ್ಡ-ದೊಡ್ಡ ಸೆಟ್ಗಳನ್ನು ಹಾಕಿ ಮದುವೆ ಆಗುವುದು ನಟ-ನಟಿಯರಿಗೆ ಫ್ಯಾಷನ್ ಆಗಿದೆ. ಅದರಲ್ಲೂ ವಿದೇಶಗಳಲ್ಲಿ ಮದುವೆ ಆಗುವುದು ಈಗಂತೂ ಅಂತಸ್ಥಿನ ವಿಷಯ.
ಆದರೆ ಇದೀಗ ಕೊರೊನಾ ಕಾರಣಕ್ಕೆ ಮದುವೆಗಳಲ್ಲಿ ಹೆಚ್ಚು ಜನ ಸೇರುವುದನ್ನು ನಿರ್ಬಂಧಿಸಲಾಗಿದೆ. ಹಾಗಾಗಿ ಎಷ್ಟೇ ಉಳ್ಳವರಾದರೂ ಸರಳವಾಗಿಯೇ ವಿವಾಹವಾಗುವುದು ಅನಿವಾರ್ಯ.
ಹಲವು ಸಿನಿಮಾ ಸೆಲೆಬ್ರಿಟಿಗಳು ಲಾಕ್ಡೌನ್ ಅವಧಿಯಲ್ಲಿ ಸರಳವಾಗಿ ವಿವಾಹವಾದರು. ಮರಾಠಿ ಸಿನಿಮಾಗಳಲ್ಲಿ ನಟಿಸುವ ನಟಿ ಸೊನಾಲಿ ಕುಲಕರ್ಣಿ ಸಹ ಕೆಲವು ದಿನಗಳ ಹಿಂದಷ್ಟೆ ಸರಳವಾಗಿ ವಿವಾಹವಾಗಿದ್ದಾರೆ. ಮದುವೆಗೆಂದು ದೊಡ್ಡ ಮೊತ್ತದ ಹಣವನ್ನು ಸೊನಾಲಿ ಎತ್ತಿಟ್ಟಿದ್ದರು. ಆದರೆ ಅದ್ಧೂರಿ ವಿವಾಹ ಆಗಲಿಲ್ಲವಾದ್ದರಿಂದ ಸೊನಾಲಿ ಮದುವೆಗೆಂದು ತಾವು ಎತ್ತಿಟ್ಟಿದ್ದ ಹಣವನ್ನು ಕೊರೊನಾ ವಿರುದ್ಧ ಹೋರಾಟಕ್ಕೆ ದಾನವಾಗಿ ನೀಡುತ್ತಿದ್ದಾರೆ.
ಮೇ 07ರಂದು ವಿವಾಹವಾಗಿರುವ ಸೊನಾಲಿ
'ನಟರಂಗ್' ಸೇರಿ ಹಲವು ಮರಾಠಿ ಸಿನಿಮಾಗಳಲ್ಲಿ ನಟಿಸಿರುವ ಸೊನಾಲಿ ಕುಲಕರ್ಣಿ, ಮೇ 07ರಂದು ದುಬೈನಲ್ಲಿ ಸಣ್ಣ ದೇವಸ್ಥಾನವೊಂದರಲ್ಲಿ ಕುನಾಲ್ ಬೆನೋಡ್ಕರ್ ಜೊತೆಗೆ ಮದುವೆಯಾಗಿದ್ದಾರೆ. ವಧು-ವರರ ಪೋಷಕರು ಸಹ ಮದುವೆಯನ್ನು ವಿಡಿಯೋ ಕಾಲ್ ಮೂಲಕ ಮದುವೆಗೆ ಸಾಕ್ಷಿಯಾಗಿದ್ದಾರೆ. ಭಾರತದಲ್ಲಿ ವಿವಾಹ ನೊಂದಣಿ ಮಾಡಿಸಿದ್ದಾರೆ.
ಅದ್ಧೂರಿಯಾಗಿ ವಿವಾಹವಾಗುವ ಆಸೆ ಸೊನಾಲಿಗಿತ್ತು
ಅದ್ಧೂರಿಯಾಗಿ ವಿವಾಹವಾಗುವ ಆಸೆ ಸೊನಾಲಿಗೆ ಇತ್ತು ಅದಕ್ಕೆಂದೇ ಹಲವಾರು ಲಕ್ಷ ರೂಪಾಯಿ ಹಣವನ್ನು ತೆಗೆದಿಟ್ಟಿದ್ದರು. ಆದರೆ ಕೊರೊನಾ ಕಾರಣಕ್ಕೆ ಸರಳವಾಗಿ ವಿವಾಹವಾಗಿರುವ ಸೋನಲ್ ಆ ಹಣವನ್ನೆಲ್ಲ ದಾನ ಮಾಡುತ್ತಿದ್ದಾರೆ. ಸೊನಾಲಿ ಮಾತ್ರವೇ ಅಲ್ಲದೆ ಅವರ ಪತಿ ಕುನಾಲ್ ಸಹ ಹಣ ದಾನ ಮಾಡುತ್ತಿದ್ದಾರೆ.
ಅವಶ್ಯಕತೆ ಇರುವವರಿಗೆ ಸಹಾಯ ಮಾಡಬೇಕಿದೆ: ಸೊನಾಲಿ
ಈ ಬಗ್ಗೆ ಮಾತನಾಡಿರುವ ಸೊನಾಲಿ, 'ದೇವರ ದಯದಿಂದ ನಾವು ತುಸು ಸ್ಥಿತಿವಂತರಾಗಿದ್ದೇವೆ. ನಮ್ಮ ತಟ್ಟೆಯಲ್ಲಿ ಊಟವಿದೆ. ಹಣವನ್ನು ಉಳಿಸಿದ್ದೇವೆ. ಆದರೆ ಇದಾವುದೂ ಇಲ್ಲದ ಜನರು ದೇಶದಲ್ಲಿ ಬಹಳಷ್ಟಿದ್ದಾರೆ. ಅವರಿಗೆ ಈಗ ನಮ್ಮ ಸಹಾಯ ಬೇಕಾಗಿದೆ. ಈ ಸಂಕಷ್ಟದ ಸಮಯದಲ್ಲಿ ಜನರಿಗೆ ಸಹಾಯ ಮಾಡುತ್ತಿರುವ ಕೆಲವು ಸಂಸ್ಥೆಗಳನ್ನು ನಾವು ಗುರುತಿಸಿದ್ದು ಅವುಗಳ ಮೂಲಕ ನಾವು ಅವಶ್ಯಕತೆ ಇರುವವರಿಗೆ ಸಹಾಯ ಮಾಡಲಿದ್ದೇವೆ' ಎಂದಿದ್ದಾರೆ.
Recommended Video
ಹಿಂದಿ ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ
ಸೊನಾಲಿ ಅವರು ಲಾಕ್ಡೌನ್ ಅವಧಿಯಲ್ಲಿ ನಿರುದ್ಯೋಗ ಸೃಷ್ಟಿಯಾಗುತ್ತಿರುವ ಬಗ್ಗೆ ತೀವ್ರ ಆತಂಕವನ್ನು ವ್ಯಕ್ತಪಡಿಸುತ್ತಲೇ ಬಂದಿದ್ದರು. ಅದರಲ್ಲಿಯೂ ಆರ್ಕೆಸ್ಟ್ರಾ ಕಲಾವಿದರು, ಸ್ಟೇಜ್ ಡ್ಯಾನ್ಸರ್ಗಳು, ನಾಟಕ ಕಲಾವಿದರು. ಸಿನಿಮಾದ ಪೋಷಕ ಕಲಾವಿದರುಗಳ ಬಗ್ಗೆ ಚಿಂಚಿತರಾಗಿದ್ದರು. ಈಗ ಅವರೇ ಹೇಳಿರುವಂತೆ ಅಂಥಹಾ ಕಲಾವಿದರಿಗೆ ನೆರವಿನ ಹಸ್ತ ಚಾಚುವುದಾಗಿ ಹೇಳಿದ್ದಾರೆ. 2006ರಿಂದಲೂ ಸಿನಿಮಾಗಳಲ್ಲಿ ನಟಿಸುತ್ತಿರುವ ಸೊನಾಲಿ ಕುಲಕರ್ಣಿ ಈವರೆಗೆ 50 ಕ್ಕೂ ಹೆಚ್ಚು ಮರಾಠಿ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಹಿಂದಿಯ 'ಗ್ರ್ಯಾಂಡ್ ಮಸ್ತಿ', 'ಸಿಂಘಂ ರಿಟರ್ನ್ಸ್' ಸಿನಿಮಾಗಳಲ್ಲಿಯೂ ನಟಿಸಿದ್ದಾರೆ.