ನನ್ನ ಮುಂದೆ ಬೆತ್ತಲಾದರೆ ಸಿನಿಮಾಗೆ ಅವಕಾಶ: ನಿರ್ದೇಶಕನ ಕಾಮ ಪುರಾಣ ಬಿಚ್ಚಿಟ್ಟ ರೂಪದರ್ಶಿ

'ಹೌಸ್ ಫುಲ್' ಸಮಯದಲ್ಲಿ ನಡೆದ ಘಟನೆ

ಸಾಜಿದ್ ನಿರ್ದೇಶನದ 'ಹೌಸ್ ಫುಲ್' ಸಿನಿಮಾದ ಸಮಯದಲ್ಲಿ ಪೌಲಾ, ಸಾಜಿದ್ ನಿಂದ ಲೈಂಗಿಕ ಕಿರುಕುಳಕ್ಕೆ ಒಳಗಾಗಿದ್ದಾರಂತೆ. 'ಹೌಸ್ ಫುಲ್' ಸಿನಿಮಾದಲ್ಲಿ ನಟಿಸಲು ಅವಕಾಶ ನೀಡಬೇಕು ಎಂದರೆ ಪೌಲಾಗೆ ನನ್ನ ಮುಂದೆ ಬಟ್ಟೆ ಕಳಚಬೇಕು ಅಂತ ಸಾಜಿದ್ ಹೇಳಿದ್ದರಂತೆ. ಸಾಜಿದ್ ನಿಂದ ಅನುಭವಿಸಿದ ನೋವನ್ನು ಪೌಲಾ ಸಾಮಾಜಿಕ ಜಾಲತಾಣದಲ್ಲಿ ವಿವರವಾಗಿ ಬರೆದುಕೊಂಡಿದ್ದಾರೆ.

'ಆಗ ನಾನು ಮಾತನಾಡಲು ಧೈರ್ಯ ಮಾಡಲಿಲ್ಲ'

"ಮೀ ಟೂ ಅಭಿಯಾನ ಪ್ರಾರಂಭವಾದಾಗ ಅನೇಕರು ಸಾಜಿದ್ ಖಾನ್ ಬಗ್ಗೆ ಮಾತನಾಡಿದ್ದಾರೆ. ಆದರೆ ನಾನು ಆಗ ಮಾತನಾಡಲು ಧೈರ್ಯ ಮಾಡಲಿಲ್ಲ. ಏಕೆಂದರೆ ಕುಟುಂಬಕ್ಕಾಗಿ ನಾನು ಸಂಪಾದನೆ ಮಾಡುತ್ತಿದ್ದೆ. ಹಾಗಾಗಿ ಸುಮ್ಮನಿದ್ದೆ. ಈಗ ನನ್ನ ಜೊತೆ ನನ್ನ ಪೋಷಕರಿಲ್ಲ. ನಾನು ಈಗ ನನಗಾಗಿ ಸಂಪಾದಿಸುತ್ತಿದ್ದೇನೆ. ಈಗ ನನಗೆ ಮಾತನಾಡಲು ಧೈರ್ಯವಿದೆ." ಎಂದಿದ್ದಾರೆ.

'ಆಗಿನ್ನು 17 ವರ್ಷ, ಬಟ್ಟೆ ಕಳಚುವಂತೆ ಹೇಳಿದ್ದರು..'

"ನಾನು 17ನೇ ವಯಸ್ಸಿನಲ್ಲಿದ್ದಾಗ ಸಾಜಿದ್ ಖಾನ್ ನಿಂದ ಲೈಂಗಿಕ ಕಿರುಕುಳಕ್ಕೆ ಒಳಗಾಗಿದ್ದೆ ಎಂದು ಹೇಳಿದ್ದಾರೆ. ನನ್ನ ಜೊತೆ ಕೆಟ್ಟದಾಗಿ ಮಾತನಾಡಿದರು. ನನ್ನನ್ನು ಕೆಟ್ಟದಾಗಿ ಮುಟ್ಟಲು ಪ್ರಯತ್ನಿಸಿದರು. ಮುಂಬರುವ 'ಹೌಸ್ ಫುಲ್' ಸಿನಿಮಾಗೆ ಅವಕಾಶ ಬೇಕು ಎಂದರೆ ಅವರ ಮುಂದೆ ಬಟ್ಟೆ ಬಿಚ್ಚುವಂತೆ ಹೇಳಿದರು" ಎಂದು ಹೇಳಿದ್ದಾರೆ.

'ಈ ಘಟನೆ ನನ್ನ ಮೇಲೆ ಕೆಟ್ಟ ಪರಿಣಾಮ ಬೀರಿದೆ'

"ಎಷ್ಟು ಹೆಣ್ಣು ಮಕ್ಕಳಿಗೆ ಹೀಗೆ ಮಾಡಿದ್ದಾರೆ ಎನ್ನುವುದು ದೇವರಿಗೆ ಗೊತ್ತು. ಈಗ ಹೇಳುವ ಮೂಲಕ ಕರುಣೆ ತೋರಲಿ ಅಂತಲ್ಲ. ಬಾಲ್ಯದಲ್ಲಾದ ಈ ಘಟನೆ ನನ್ನ ಮೇಲೆ ತುಂಬಾ ಕೆಟ್ಟ ಪರಿಣಾಮ ಬೀರಿದೆ. ಹಾಗಾಗಿ ಈ ಹೇಳಲು ನಿರ್ಧರಿಸಿದ್ದೇನೆ" ಎಂದು ಹೇಳಿದ್ದಾರೆ.

Recommended Video

Rakesh Adiga spiritual Rap , ಕನ್ನಡಧ Rapperಗಳಿಗೆ ಕಿವಿಮಾತು | Filmibeat Kannada

ಇಂಥವರನ್ನು ಜೈಲಿಗೆ ಕಳುಹಿಸಬೇಕು

"ಇಂಥವರನ್ನು ಜೈಲಿಗೆ ಕಳುಹಿಸಬೇಕು. ಇವರು ಕಾಸ್ಟಿಂಗ್ ಕೌಚ್ ಮಾತ್ರವಲ್ಲದೇ, ಕನಸುಗಳನ್ನು ನುಚ್ಚುನೂರು ಮಾಡುತ್ತಾರೆ. ಆದರೆ ನಾನು ಸುಮ್ಮನಿರಲಿಲ್ಲ. ಇದರ ಬಗ್ಗೆ ಮಾತನಾಡದೆ ಇರುವುದು ತಪ್ಪು" ಎಂದಿದ್ದಾರೆ. ಪೌಲಾ ಯಾವುದೇ ಸಿನಿಮಾಗಳಲ್ಲಿ ಅಭಿನಯಿಸದಿದ್ದರೂ ಸಾಮಾಜಿಕ ಜಾಲತಾಣದಲ್ಲಿ ಆಕ್ವೀವ್ ಆಗಿದ್ದಾರೆ. ಮಾಡೆಲಿಂಗ್ ಮೂಲಕ ಗುರುತಿಸಿಕೊಂಡಿದ್ದಾರೆ.