ರಿಯಾ ಚಕ್ರವರ್ತಿ ಜೊತೆ ನಾನು ಸಿನಿಮಾ ಮಾಡುತ್ತೇನೆ ಎಂದ ನಿರ್ಮಾಪಕ

ಎಲ್ಲ ಮುಗಿದ ಮೇಲೆ ಸಿನಿಮಾ ಮಾಡೋಣ

''ನಾನು ಯಾರು ಎಂದು ನಿಮಗೆ ತಿಳಿದಿರಲ್ಲ. ನೀವು ಯಾವ ರೀತಿಯ ವ್ಯಕ್ತಿ ಎಂದು ನನಗೆ ತಿಳಿದಿಲ್ಲ. ಇದೆಲ್ಲ ಮುಗಿದ ಮೇಲೆ ನಾನು ನಿಮ್ಮ ಜೊತೆ ಸಿನಿಮಾ ಮಾಡಲು ಆಸಕ್ತಿ ಹೊಂದಿದ್ದೇನೆ'' ಎಂದು ನಟ-ನಿರ್ಮಾಪಕ ನಿಖಿಲ್ ದ್ವಿವೇದಿ ಟ್ವೀಟ್ ಮಾಡಿದ್ದಾರೆ.

ರಿಯಾ ಬೆಂಬಲಿಸಿದ್ದಕ್ಕೆ ತರಾಟೆ

ಸುಶಾಂತ್ ಸಿಂಗ್ ರಜಪೂತ್ ಸಾವಿನ ತನಿಖೆ ಬೆಂಬಲಿಸಿ ಟ್ವೀಟ್ ಮಾಡಿಲ್ಲ, ಈಗ ರಿಯಾ ಚಕ್ರವರ್ತಿ ಅವರನ್ನು ಬೆಂಬಲಿಸಿದ್ದಕ್ಕೆ ಹಲವರು ನಿಖಿಲ್ ದ್ವಿವೇದಿ ಅವರನ್ನು ಟೀಕಿಸುತ್ತಿದ್ದಾರೆ. 'ಮಾದಕ ದ್ರವ್ಯಗಳನ್ನು ಸೇವಿಸಿದ್ದಕ್ಕಾಗಿ ಆಕೆಯನ್ನು ಎನ್‌ಸಿಬಿ ಅಧಿಕಾರಿಗಳು ಬಂಧಿಸಿದ್ದಾರೆ. ದಯವಿಟ್ಟು ಅವಳನ್ನು ಹೀರೋ ಮಾಡಬೇಡಿ. ನಮ್ಮ ಮುಂದಿನ ಪೀಳಿಗೆಯನ್ನು ಹಾಳು ಮಾಡಬೇಡಿ. ನೀವು ಬಾಲಿವುಡ್‌ನ ಒಂದು ವಿವೇಕದ ಧ್ವನಿ ಎಂದು ನಾನು ಭಾವಿಸಿದೆ.ಇಷ್ಟು ಬೇಗ ನಿಮ್ಮ ಮುಖವಾಡ ಬಿಚ್ಚಿಟ್ಟಿದ್ದಕ್ಕೆ ಧನ್ಯವಾದ'' ಎಂದು ಟೀಕಿಸಿದ್ದಾರೆ.

ನ್ಯಾಯಾಲಯ ಶಿಕ್ಷೆ ನೀಡಿದೆಯೇ?

ನೆಟ್ಟಿಗರ ಟೀಕೆಗೆ ಉತ್ತರಿಸಿದ ನಿಖಿಲ್ ದ್ವಿವೇದಿ ''ನ್ಯಾಯಾಲಯ ಅವಳನ್ನು ಶಿಕ್ಷೆಗೆ ಗುರಿಪಡಿಸಿದೆಯೇ? ಒಂದು ವೇಳೆ ಕೋರ್ಟ್ ಹಾಗೆ ಮಾಡಿದರೆ, ಅವಳ ಸುಧಾರಣೆಗಾಗಿ ನಾನು ಕಾಯುತ್ತೇನೆ. ಅವಳು ಸುಧಾರಣೆಯಾಗದಿದ್ದಲ್ಲಿ ನಾನು ನನ್ನ ಮಾತುಗಳನ್ನು ಹಿಂದಕ್ಕೆ ತೆಗೆದುಕೊಳ್ಳುತ್ತೇನೆ. ಆದರೆ, ಮಾಧ್ಯಮಗಳು ಮತ್ತು ಸಾರ್ವಜನಿಕರು ತೀರ್ಪು ನೀಡುವುದನ್ನು ನಿಲ್ಲಿಸಬೇಕಾಗಿದೆ'' ಎಂದು ತಿರುಗೇಟು ನೀಡಿದ್ದಾರೆ.

Recommended Video

Yash reacts about Narcoticsಈ ದೇಹ ನಿಮ್ದಲ್ಲ ನಿಮ್ಮಪ್ಪಂದು - ಅವರಿಗೋಸ್ಕರ ಏನಾದ್ರೂ ಮಾಡಿ | Filmibeat Kannada

ನಾನು ರಿಯಾರನ್ನು ಬೆಂಬಲಿಸುತ್ತಿಲ್ಲ

"ಡ್ರಗ್ಸ್ ಸೇವಕರು ಮತ್ತು ಡ್ರಗ್ಸ್ ಡೀಲರ್‌ಗಳನ್ನು ನಾನು ಬೆಂಬಲಿಸುತ್ತಿದ್ದೇನೆ ಎಂದು ತಿಳಿದು ನನ್ನನ್ನು ಟ್ರೋಲ್ ಮಾಡುತ್ತಿರುವವರ ಬಗ್ಗೆ ನಾನು ಚಿಂತಿಸಿಲ್ಲ ಎಂದು ತಿಳಿಸಲು ಇಚ್ಛಿಸುತ್ತೇನೆ. ನಾನು ರಿಯಾ ಅವರನ್ನು ಬೆಂಬಲಿಸುವುದಿಲ್ಲ ಆದರೆ ಕಾನೂನಿನ ತೀರ್ಪು ಬರುವುದಕ್ಕೆ ಮುಂಚಿತವಾಗಿಯೇ ಅಪರಾಧಿ ಎಂದು ನೋಡುವ ಪ್ರವೃತ್ತಿಯನ್ನು ಖಂಡಿಸುತ್ತೇನೆ'' ಎಂದು ಸಮರ್ಥನೆ ನೀಡಿದ್ದಾರೆ.