17 ವರ್ಷದ ಸಂಭ್ರಮದಲ್ಲಿ 'ಕಲ್ ಹೋ ನಾ ಹೋ'; ಪ್ರೀತಿ ಜಿಂಟಾ ಹೇಳಿದ್ದೇನು?

ನಗಿಸಿ, ಅಳುವಂತೆ ಮಾಡಿದ ಸಿನಿಮಾ

17 ವರ್ಷ ಪೂರೈಸಿರುವ ಈ ಸಿನಿಮಾದ ಬಗ್ಗೆ ನಟಿ ಪ್ರೀತಿ ಜಿಂಟಾ ಹೃದಯಸ್ಪರ್ಶಿ ಪತ್ರ ಬರೆದಿದ್ದಾರೆ. 'ಹಲ್ ಹೋ ನಾ ಹೋ ಸಿನಿಮಾವನ್ನು ನೆನಪಿಸಿಕೊಳ್ಳುವ ದಿನ. ನನ್ನನ್ನು ನಗಿಸಿ, ಅಳುವಂತೆ ಮಾಡಿದ ಸಿನಿಮಾ. ಪದಗಳಿಗೂ ಮೀರಿದ ಅನುಭವ. ಇದು ಬಹುಶಃ ನನ್ನ ಅತ್ಯುತ್ತಮ ಚಿತ್ರಗಳಲ್ಲಿ ಒಂದಾಗಿದೆ. ಈ ಸಿನಿಮಾ ಇಷ್ಟು ಸ್ಮರಣೀಯವಾಗಿಸಿದ್ದಕ್ಕಾಗಿ ಕರಣ್ ಜೋಹರ್, ನಿಖಿಲ್ ಅಡ್ವಾಣಿ, ಶಾರುಖ್ ಖಾನ್ ಮತ್ತು ಸೈಫ್ ಅಲಿ ಖಾನ್ ಸೇರಿದಂತೆ ಇಡೀ ತಂಡಕ್ಕೆ ಧನ್ಯವಾದಗಳು' ಎಂದು ಹೇಳಿದ್ದಾರೆ.

ಅಮೀರ್ ಖಾನ್‌ ಜತೆ ಸೀಕ್ರೇಟ್ ಮದುವೆಯಾಗಿದ್ದರೇ ಗುಳಿಕೆನ್ನೆ ಹುಡುಗಿ?: ಪ್ರೀತಿ ಜಿಂಟಾ ಹೇಳಿದ ಸತ್ಯ

ಎರಡು ರಾಷ್ಟ್ರಪ್ರಶಸ್ತಿ ಮುಡಿಗೇರಿಸಿಕೊಂಡಿತ್ತು

ಚಿತ್ರದ ಹಾಡನ್ನು ಶೇರ್ ಮಾಡಿ ಸಿನಿಮಾವನ್ನು ನೆನಪಿಸಿಕೊಂಡಿದ್ದಾರೆ. ಈ ಸಿನಿಮಾ ಎರಡು ರಾಷ್ಟ್ರಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿತ್ತು. ಒಂದು ಗಾಯಕ ಸೋನು ನಿಗಂ ಹಾಗೂ ಮತ್ತೊಂದು ಪ್ರಶಸ್ತಿ ಸಂಗೀತ ನಿರ್ದೇಶಕ ಶಂಕರ್ ಎಹ್ಸಾನ್ ಅವರಿಗೆ ಬಂದಿದೆ.

ಸಿನಿಮಾ ರಿಜೆಕ್ಟ್ ಮಾಡಿದ್ದ ಕರೀನಾ ಕಪೂರ್

ವಿಶೇಷ ಎಂದರೆ ಈ ಸಿನಿಮಾದಲ್ಲಿ ಕರೀನಾ ಕಪೂರ್ ಅಭಿನಯಿಸಬೇಕಿತ್ತಂತೆ. ಆದರೆ ಕರೀನಾ ತಿರಸ್ಕರಿಸಿದ ಕಾರಣ ಪ್ರೀತಿ ಜಿಂಟಾ ಪಾಲಾಯಿತು. ಈ ಬಗ್ಗೆ ಕರೀನಾ ಕಪೂರ್ ಬೇಸರ ವ್ಯಕ್ತಪಡಿಸಿದ್ದರು. ಈ ಸಿನಿಮಾ ರಿಲೀಸ್ ಆದ ಕೆಲವೇ ತಿಂಗಳಲ್ಲಿ ಕರಣ್ ಜೋಹರ್ ತಂದೆ ಯಶ್ ಜೋಹರ್ ನಿಧನ ಹೊಂದಿದ್ದಾರೆ.

ಒಂದೇ ವಾರದಲ್ಲಿ ದಾಖಲೆಯ ಕಲೆಕ್ಷನ್ ಮಾಡಿತ್ತು ಮಠ ಸಿನಿಮಾ | Elldelu Manjunatha | Filmibeat Kannada

ಅನಾರೋಗ್ಯಕ್ಕೆ ತುತ್ತಾಗಿದ್ದರು ಶಾರುಖ್

ಈ ಸಿನಿಮಾದ ಚಿತ್ರೀಕರಣ ಸಮಯದಲ್ಲಿ ಅನಾರೋಗ್ಯಕ್ಕೆ ತುತ್ತಾಗಿದ್ದರು. ಬಳಿಕ ಸಿನಿಮಾದಿಂದ ಹೊರಬರಲು ನಿರ್ಧರಿಸಿದ್ದರು. ಅದೇ ಸಮಯದಲ್ಲಿ ಶಾರುಖ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದರು. ಚೇತರಿಸಿಕೊಂಡ ಬಳಿಕ ಶಾರುಖ್ ಮತ್ತೆ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು. ಯಶಸ್ವಿಯಾಗಿ ಚಿತ್ರೀಕರಣ ಮುಗಿಸಿ ಸಿನಿಮಾ ರಿಲೀಸ್ ಆಗಿ ದೊಡ್ಡ ಮಟ್ಟಕ್ಕೆ ಹಿಟ್ ಆಗಿತ್ತು.