53ನೇ ವಯಸ್ಸಿನಲ್ಲಿ ಸೂಪರ್ ಮಾಡೆಲ್ ಮಿಲಿಂದ್ ಸೋಮನ್ ಮತ್ತೊಂದು ಮದುವೆ!

ಹೊಸ ದಾಂಪತ್ಯ ಗೀತೆ

53 ವರ್ಷ ವಯಸ್ಸಿನಲ್ಲಿ ಸೂಪರ್ ಮಾಡೆಲ್ ಮಿಲಿಂದ್ ಸೋಮನ್, ತಮ್ಮ ಗರ್ಲ್ ಫ್ರೆಂಡ್ ಅಂಕಿತಾ ಕೋನ್ವಾರ್ ಜೊತೆ ಇಂದು ಹೊಸ ಜೀವನಕ್ಕೆ ಅಡಿಯಿಟ್ಟರು. ಮದುವೆಗಾಗಿ ಗೋಲ್ಡನ್ ಬಾರ್ಡರ್ ಇರುವ ಬಿಳಿ ಸೀರೆಯುಟ್ಟು ಅಂಕಿತಾ ಕಂಗೊಳಿಸಿದ್ರೆ, ಸಾಂಪ್ರದಾಯಿಕ ಉಡುಗೆಯಲ್ಲಿ ಮಿಲಿಂದ್ ಮಿಂಚಿದರು.

ಹಳದಿ ಶಾಸ್ತ್ರ

ಮದುವೆಗೆ ಮುನ್ನ ನಡೆದ ಹಳದಿ ಶಾಸ್ತ್ರದಲ್ಲಿ ಮಿಲಿಂದ್ ಸೋಮನ್ ಹಾಗೂ ಅಂಕಿತಾ ಕೋನ್ವಾರ್ ಕ್ಯಾಮರಾ ಕಂಗಳಲ್ಲಿ ಸೆರೆಯಾಗಿದ್ದು ಹೀಗೆ...

ಮೆಹಂದಿ ಸಂಭ್ರಮ

ಮೆಹಂದಿ ಹಾಗೂ ಸಂಗೀತ್ ಸಮಾರಂಭದಲ್ಲಿ ನವ ಜೋಡಿ ಒಟ್ಟಿಗೆ ಹೆಜ್ಜೆ ಹಾಕಿ ಖುಷಿ ಪಟ್ಟರು.

ಇಬ್ಬರ ನಡುವೆ ಪ್ರೀತಿ ಹುಟ್ಟಿದ್ದು ಹೇಗೆ.?

ಚೆನ್ನೈನ ನೈಟ್ ಕ್ಲಬ್ ಒಂದರಲ್ಲಿ ಅಂಕಿತಾ ರನ್ನ ನೋಡಿದ್ಮೇಲೆ ಮಿಲಿಂದ್ ಸೋಮನ್ ಗೆ ಲವ್ ಆಟ್ ಫಸ್ಟ್ ಸೈಟ್ ಆಗಿದೆ. ಕೂಡಲೆ ತಮ್ಮ ಫೋನ್ ನಂಬರ್ ನ ಅಂಕಿತಾ ಜೊತೆಗೆ ಮಿಲಿಂದ್ ಶೇರ್ ಮಾಡಿದ್ದಾರೆ. ಫೋನ್ ನಲ್ಲಿ ಮಾತುಕತೆ, ಚಾಟಿಂಗ್ ಹೆಚ್ಚಾಗುತ್ತಿದ್ದಂತೆ ಇಬ್ಬರ ನಡುವೆ ಪ್ರೀತಿ ಹುಟ್ಟಿದೆ. ಇಬ್ಬರ ಪ್ರೀತಿಗೆ ಇಂದು ಮದುವೆ ಎಂಬ ಅಧಿಕೃತ ಮುದ್ರೆ ಬಿದ್ದಿದೆ.

ಯಾರು ಈ ಅಂಕಿತಾ ಕೊನ್ವಾರ್.?

ಅಸ್ಸಾಮಿ ಮೂಲಕ ಅಂಕಿತಾ ಗಗನಸಖಿ. ಏರ್ ಏಷಿಯಾದಲ್ಲಿ ಕೆಲಸ ಮಾಡುತ್ತಿದ್ದ ಅಂಕಿತಾ ಗಿನ್ನೂ 27 ವರ್ಷ ವಯಸ್ಸು.

ವಿಚ್ಛೇದಿತ ಮಿಲಿಂದ್ ಸೋಮನ್

ಸ್ವಿಮ್ಮರ್, ಮಾಡೆಲ್, ಆಕ್ಟರ್, ಪ್ರೊಡ್ಯೂಸರ್ ಆಗಿರುವ ಮಿಲಿಂದ್ ಸೋಮನ್ 2006 ರಲ್ಲಿ ಫ್ರೆಂಚ್ ನಟಿ Mylene Jampanoi ಜೊತೆ ವಿವಾಹವಾದರು. 2009 ರಲ್ಲಿ ವಿಚ್ಛೇದನ ಪಡೆದ ಮಿಲಿಂದ್, ಶಹಾನಾ ಗೋಸ್ವಾಮಿ ಹಾಗೂ ಮಧು ಸಾಪ್ರೆ ರನ್ನೂ ಡೇಟ್ ಮಾಡಿದ್ದರು.