100 ಕೋಟಿ ಕ್ಲಬ್ಬಿಗೆ ತನು ವೆಡ್ಸ್ ಮನು ರಿಟರ್ನ್ಸ್

ಬಾಲಿವುಡ್ ಪಂಡಿತರ ಲೆಕ್ಕಾಚಾರವನ್ನು ತಲೆಕೆಳಗು ಮಾಡಿರುವ ತನು ವೆಡ್ಸ್ ಮನು ರಿಟರ್ನ್ಸ್ ಚಿತ್ರ ಮೊದಲ ವಾರದಲ್ಲೇ ಭರ್ಜರಿ ಬೆಳೆ ತೆಗೆದುಕೊಂಡಿದೆ. ಕಂಗನಾ ರನೌತ್ ಹಾಗೂ ಮಾಧವನ್ ಜೋಡಿಗೆ ಪ್ರೇಕ್ಷಕರು ಹಾಗೂ ವಿಮರ್ಶಕರಿಂದ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದೆ.

ಕಳೆದ ದೀಪಾವಳಿ ನಂತರ ಹ್ಯಾಪಿ ನ್ಯೂ ಇಯರ್ ಹಾಗೂ ಪಿಕೆ ಮೂಡಿಸಿದ ಕ್ರೇಜ್ ಈಗ ಕಂಗನಾ ಚಿತ್ರಕ್ಕೂ ಸಿಗುತ್ತಿದೆ.ಚಿತ್ರದ ಕಥೆ ಚೆನ್ನಾಗಿದ್ದರೆ ಕ್ಲಾಸ್ ಹಾಗೂ ಮಾಸ್ ಎರಡನ್ನೂ ಮುಟ್ಟಬಹುದು ಎಂಬುದನ್ನು ಈ ಚಿತ್ರ ಸಾಬೀತುಪಡಿಸಿದೆ ಎಂದು ಬಾಕ್ಸಾಫೀಸ್ ವರದಿಗಳು ಹೇಳುತ್ತಿವೆ.

ಮಾರುಕಟ್ಟೆ ತಜ್ಞ ತರಣ್ ಆದರ್ಶ್ ಅವರು ಟ್ವೀಟ್ ಮಾಡಿ ಶುಕ್ರವಾರ 6.65 ಕೋಟಿ ರು, ಶನಿವಾರ 9.40 ಕೋಟಿ ರು ಹಾಗೂ ಭಾನುವಾರ 11 ಕೋಟಿ ರು ಗಳಿಸಿದೆ. ಎರಡನೇ ವಾರದ ಗಳಿಕೆ ಬಹುತೇಕ 20 ಕೋಟಿ ಮುಟ್ಟಲಿದೆ ಎಂದಿದ್ದಾರೆ.