ಅಕ್ಷಯ್ ಕುಮಾರ್ ಮೊದಲ ಸಂಬಳವೆಷ್ಟು? ನಟನಾಗದಿದ್ದರೆ ಏನಾಗಬೇಕು ಅಂದುಕೊಂಡಿದ್ದರು ಖಿಲಾಡಿ?

ಬೇರ್ ಗ್ರಿಲ್ಸ್ ಕಾರ್ಯಕ್ರಮದಲ್ಲಿ ಅಕ್ಷಯ್ ಕುಮಾರ್

ರೋಚಕವಾದ ಸಾಹಸ ದೃಶ್ಯಗಳಲ್ಲಿ ಕಾಣಿಸಿಕೊಂಡಿರುವ ಅಕ್ಷಯ್ ಕುಮಾರ್, ರೋಚಕ ಸಿನಿ ಜರ್ನಿಯ ಬಗ್ಗೆಯೂ ಮಾತನಾಡಿದ್ದಾರೆ. ಅಕ್ಷಯ್ ಸಿನಿಮಾ ನಟನಾಗಬೇಕೆಂದು ಅಂದುಕೊಂಡಿರಲಿಲ್ಲವಂತೆ. ಮಾರ್ಷಲ್ ಆರ್ಟ್ಸ್ ಟೀಚರ್ ಆಗಬೇಕೆಂದುಕೊಂಡಿದ್ದ ಅಕ್ಷಯ್ ಈಗ ದೊಡ್ಡ ನಟನಾಗಿ ಗುರುತಿಸಿಕೊಂಡಿದ್ದಾರೆ. ಈ ಬಗ್ಗೆ ಅಕ್ಷಯ್, ಬೇರ್ ಗ್ರಿಲ್ಸ್ ಜೊತೆ ಹಂಚಿಕೊಂಡಿದ್ದಾರೆ.

ಮೊದಲ ಮಾಡೆಲಿಂಗ್ ಅನುಭವ ಬಿಚ್ಚಿಟ್ಟ ಅಕ್ಷಯ್

ಒಬ್ಬ ವಿದ್ಯಾರ್ಥಿಯ ತಂದೆ ಹೇಳಿದ ಕಾರಣಕ್ಕೆ ಅಕ್ಷಯ್ ಕುಮಾರ್ ಮಾಡೆಲಿಂಗ್ ಮಾಡಲು ಒಪ್ಪಿಕೊಳ್ಳುತ್ತಾರಂತೆ. ಅಲ್ಲದೆ ಅವರ ಶಿಫಾರಸ್ಸಿನ ಮೇರೆಗೆ ಮಾಡೆಲಿಂಗ್ ನಲ್ಲಿ ಕ್ಯಾಮರಾ ಮುಂದೆ ಪೋಸ್ ನೀಡಲು ಮುಂದಾಗುತ್ತಾರೆ. ಮೊದಲ ಮಾಡೆಲಿಂಗ್ ಗೆ ಅಕ್ಷಯ್, ಆ ಕಾಲಕ್ಕೆ ದೊಡ್ಡ ಮೊತ್ತದ ಸಂಭಾವನೆ ಪಡೆಯುತ್ತಾರೆ.

21 ಸಾವಿರ ಸಂಭಾವನೆ ಪಡೆದಿದ್ದ ಅಕ್ಷಯ್ ಕುಮಾರ್

ಅಕ್ಷಯ್ ಕುಮಾರ್ ಮೊದಲ ಮಾಡೆಲಿಂಗ್ ನಲ್ಲಿ 21 ಸಾವಿನ ರೂಪಾಯಿ ಗಳಿಸುತ್ತಾರೆ. ಇದರಿಂದ ಅಚ್ಚರಿಗೊಂಡ ಅಕ್ಷಯ್ ಕುಮಾರ್ "ಮಾರ್ಷಲ್ ಆರ್ಟ್ಸ್ ಟೀಚರ್ ಆಗಿದ್ದರೆ ಒಂದು ದಿನಕ್ಕೆ 5 ಸಾವಿರ ಗಳಿಸುತ್ತಿದ್ದೆ. ಆದರೆ ಕ್ಯಾಮರಾ ಮುಂದೆ ಪೋಸ್ ನೀಡಿದ್ದಕ್ಕಾಗಿ 21 ಸಾವಿರ ಗಳಿಸಿದೆ. ಹಾಗಾಗಿ ಮಾಡೆಲಿಂಗ್ ನಲ್ಲಿ ಮುಂದುವರೆಯಲು ಬಯಸಿದೆ" ಎಂದು ನಟ ಅಕ್ಷಯ್ ಕುಮಾರ್ ಹೇಳಿದ್ದಾರೆ.

5 ನಿಮಿಷಕ್ಕೆ ಮೊದಲ ಸಿನಿಮಾಗೆ ಸಹಿ ಮಾಡಿದ್ದ ಅಕ್ಷಯ್

ಮೊದಲ ಸಿನಿಮಾದ ಬಗ್ಗೆಯೂ ಅಕ್ಷಯ್ ಕುಮಾರ್ ಬಹಿರಂಗಪಡಿಸಿದ್ದಾರೆ. ಅಕ್ಷಯ್ ಮೊದಲ ಸಿನಿಮಾ ಒಪ್ಪಿಕೊಂಡು ಸಹಿ ಮಾಡಲು ಕೇವಲ 5 ನಿಮಿಷ ತೆಗೆದುಕೊಂಡಿದ್ದರಂತೆ. ಚೊಚ್ಚಲ ಸಿನಿಮಾ ಮಾಡಲು ಸಾಕಷ್ಟು ಯೋಚಿಸಿ, ಅಳೆದು ತೂಗಿ ಪಾತ್ರಗಳನ್ನು ಆಯ್ಕೆ ಮಾಡುತ್ತಾರೆ. ಆದರೆ ಅಕ್ಷಯ್ ಕುಮಾರ್ ಕೇವಲ 5 ನಿಮಿಷದಲ್ಲಿ ಚಿತ್ರಕ್ಕೆ ಸಹಿ ಮಾಡಿದ್ದಾರೆ. ನಿರ್ದೇಶಕರೊಬ್ಬರು ಅಕ್ಷಯ್ ಕುಮಾರ್ ಬಳಿ ಬಂದು ನಾಯಕನಾಗಲು ಬಯಸುತ್ತೀರಾ ಎಂದು ಕೇಳಿದರಂತೆ. ಅಕ್ಷಯ್ ಯೋಚಿಸದೆ ಕೇವಲ 5 ನಿಮಿಷದಲ್ಲಿ ಚಿತ್ರಕ್ಕೆ ಸಹಿ ಮಾಡಿರುವುದಾಗಿ ಹೇಳಿದ್ದಾರೆ.