For Quick Alerts
    ALLOW NOTIFICATIONS  
    For Daily Alerts

    ಬಹುಅಂಗಾಂಗ ವೈಫಲ್ಯದಿಂದ ಬಾಲಿವುಡ್‌ನ ಹಿರಿಯ ನಟ ವಿಕ್ರಂ ಗೋಖಲೆ ನಿಧನ

    |

    ಭಾರತೀಯ ಚಿತ್ರರಂಗದಲ್ಲಿ ಸಾಲು ಸಾಲು ಸಾವುಗಳಿಂದ ವಿಷಾದ ಮನೆ ಮಾಡಿದೆ. ಇತ್ತೀಚೆಗೆ ತೆಲುಗು ನಟರಾದ ಕೃಷ್ಣಂರಾಜು, ಸೂಪರ್ ಸ್ಟಾರ್ ಕೃಷ್ಣ, ಕನ್ನಡದ ಹಿರಿಯ ನಟ ಲೋಹಿತಾಶ್ವ ಕೊನೆಯುಸಿರೆಳೆದಿದ್ದರು. ಈ ನೋವಿನಿಂದ ಹೊರ ಬರುವ ಮುನ್ನವೇ ಮತ್ತೊಂದು ಆಘಾತ ಎದುರಾಗಿದೆ, ಬಾಲಿವುಡ್‌ನ ಖ್ಯಾತ ನಟ ವಿಕ್ರಂ ಗೋಖಲೆ(77) ನಿಧನರಾಗಿದ್ದಾರೆ.

    ಪುಣೆಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ನಟ ವಿಕ್ರಂ ಗೋಖಲೆ ಬಹು ಅಂಗಾಂಗ ವೈಫಲ್ಯದಿಂದ ಚಿಕಿತ್ಸೆ ಫಲಕಾರಿ ಆಗದೇ ಕೊನೆಯುಸಿರೆಳೆದಿದ್ದಾರೆ. ಆಪ್ತರು, ಚಿತ್ರರಂಗದ ಗಣ್ಯರು ಸಂತಾಪ ಸೂಚಿಸುತ್ತಿದ್ದಾರೆ. 15 ದಿನಗಳಿಂದ ಆರೋಗ್ಯ ಸ್ಥಿತಿ ಗಂಭೀರವಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೇ ವಿಕ್ರಂ ಗೋಖಲೆ ನಿಧನರಾಗಿದ್ದಾಗಿ ಅವರ ಪತ್ನಿ ಕೂಡ ತಿಳಿಸಿದ್ದಾರೆ. ವಿಕ್ರಂ ಗೋಖಲೆ ಪತ್ನಿ ವೈಶಾಲಿ ಗೋಖಲೆ ಹಾಗೂ ಇಬ್ಬರು ಹೆಣ್ಣು ಮಕ್ಕಳನ್ನು ಅಗಲಿದ್ದಾರೆ. 1971ರಲ್ಲಿ ಅಮಿತಾಬ್ ಬಚ್ಚನ್ ನಟನೆಯ 'ಪರ್ವಾನ' ಚಿತ್ರದಲ್ಲಿ ಮೊದಲ ಬಾರಿಗೆ ವಿಕ್ರಂ ಗೋಖಲೆ ನಟಿಸಿದ್ದರು. ಅದಕ್ಕೂ ಮುನ್ನು ಮರಾಠಿ ಸಿನಿಮಾಗಳಲ್ಲಿ ಬಣ್ಣ ಹಚ್ಚಿದ್ದರು.

    Veteran actor Vikram Gokhale passes away in Pune

    ಸಂಜೆ 4 ಗಂಟೆಯವರೆಗೂ ವಿಕ್ರಂ ಗೋಖಲೆ ಅವರ ಪಾರ್ಥೀವ ಶರೀರವನ್ನು ಬಾಲಗಂಧರ್ವ ರಂಗಮಂದಿರಲ್ಲಿ ಅಂತಿಮ ದರ್ಶನಕ್ಕೆ ಇಡಲಾಗಿತ್ತು. 6 ಗಂಟೆಯ ವೇಳೆಗೆ ಪುಣೆಯ ವೈಕುಂಠ ಸ್ಮಶಾನದಲ್ಲಿ ಅಂತ್ಯಕ್ರಿಯೆ ನಡೆಸಲಾಯಿತು. ಸಂಜಯ್ ಲೀಲಾ ಭನ್ಸಾಲಿ ನಿರ್ದೇಶನದ 'ಹಮ್ ದಿಲ್ ದೇ ಚುಕೆ ಸನಮ್' (1999) ಚಿತ್ರದಲ್ಲಿ ಐಶ್ವರ್ಯ ರೈ ತಂದೆ ಪಾತ್ರದಲ್ಲಿ ವಿಕ್ರಂ ಗೋಖಲೆ ನಟಿಸಿದ್ದರು. ಆ ನಂತರ 'ಹೇ ರಾಮ್', 'ತುಮ್ ಬಿನ್', 'ಭೂಲ್ ಭುಲಯ್ಯ', 'ಅಗ್ನಿಪಥ್', 'ಹಿಚ್ಕಿ' ಮತ್ತು 'ಮಿಷನ್ ಮಂಗಲ್' ಚಿತ್ರಗಳಲ್ಲಿ ನಟಿಸಿ ಗೆದ್ದಿದ್ದರು. ಪುಣೆಯಲ್ಲಿ ವಿಕ್ರಮ್ ಗೋಖಲೆ ಅವರ ಆಕ್ಟಿಂಗ್ ಅಕಾಡೆಮಿ ಕೂಡ ಇದೆ.

    ಅಕ್ಷಯ್‌ ಕುಮಾರ್‌ನ ಕೆಣಕಿ ರಿಚಾ ಚಡ್ಡಾ ಪರ ಬ್ಯಾಟ್ ಬೀಸಿದ ಪ್ರಕಾಶ್‌ ರಾಜ್!ಅಕ್ಷಯ್‌ ಕುಮಾರ್‌ನ ಕೆಣಕಿ ರಿಚಾ ಚಡ್ಡಾ ಪರ ಬ್ಯಾಟ್ ಬೀಸಿದ ಪ್ರಕಾಶ್‌ ರಾಜ್!

    English summary
    Veteran actor Vikram Gokhale passes away in Pune. actor was in a critical condition and was hospitalised for over 15 days. had suffered multiple-organ failure. Know more.
    Saturday, November 26, 2022, 18:14
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X