ಕಪೂರ್ ಕುವರಿ ಸೋನಂ ಪೀ..ಪೀ..ಪೀ..ಡುಂ..ಡುಂಗೆ ರೆಡಿ.!

ಸೋನಂ ಕಪೂರ್ ಮದುವೆ ಯಾವಾಗ.?

32 ವರ್ಷ ವಯಸ್ಸಿನ ಸೋನಂ ಕಪೂರ್ ಅತಿ ಶೀಘ್ರದಲ್ಲೇ ಮದುವೆ ಆಗಲಿದ್ದಾರಂತೆ. ಇದೇ ವರ್ಷದ ಜೂನ್ ಅಥವಾ ಜುಲೈ ಹೊತ್ತಿಗೆ ಸೋನಂ ಕಪೂರ್ ದಾಂಪತ್ಯ ಗೀತೆ ಹಾಡಲಿದ್ದಾರಂತೆ. ಅದಕ್ಕೂ ಮುನ್ನ ನಿಶ್ಚಿತಾರ್ಥ ಸಮಾರಂಭ ನಡೆಯಲಿದ್ಯಂತೆ.

ಸೋನಂ ಮದುವೆ ಆಗುವ ಹುಡುಗ ಯಾರು.?

ದೀರ್ಘ ಕಾಲದ ಗೆಳೆಯ ಆನಂದ್ ಅಹುಜಾ ಕೈಹಿಡಿಯಲಿದ್ದಾರೆ ಸೋನಂ ಕಪೂರ್. ಆನಂದ್ ಅಹುಜಾ ದೆಹಲಿ ಮೂಲದ ಬಿಸಿನೆಸ್ ಮ್ಯಾನ್ ಆಗಿದ್ದು, ಕೆಲ ಕಾಲದಿಂದ ಸೋನಂ ರನ್ನ ಪ್ರೀತಿಸುತ್ತಿದ್ದಾರೆ.

ಒಪ್ಪಿಗೆ ನೀಡಿದೆ ಕುಟುಂಬ

ಸೋನಂ ಕಪೂರ್ ಹಾಗೂ ಆನಂದ್ ಅಹುಜಾ ಪ್ರೀತಿಗೆ ಕಪೂರ್ ಕುಟುಂಬ ಒಪ್ಪಿಗೆ ನೀಡಿದ್ಯಂತೆ. ಹಾಗಂತ ಕೆಲ ಪತ್ರಿಕೆಗಳು ವರದಿ ಮಾಡಿವೆ.

ಸೋನಂ-ಆನಂದ್ ಫೋಟೋಗಳು

ಆನಂದ್ ಅಹುಜಾ ಜೊತೆಗಿನ ಕೆಲ ಫೋಟೋಗಳನ್ನ ಸ್ವತಃ ಸೋನಂ ಕಪೂರ್ ಸೋಷಿಯಲ್ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದ್ದಾರೆ.