ಒಂದೇ ದಿನ ಎರಡು ಚಿತ್ರ ಬಿಡುಗಡೆ, ಸ್ಪಷ್ಟನೆ ನೀಡಿದ ಅಕ್ಷಯ್ ಕುಮಾರ್

ಒಟಿಟಿಗೆ ಬೆಲ್ ಬಾಟಮ್ ಸೇಲ್?

ಈ ಹಿಂದೆಯೇ ಸುದ್ದಿಯಾಗಿರುವಂತೆ ಅಕ್ಷಯ್ ಕುಮಾರ್, ಹುಮಾ ಖುರೇಶಿ, ವಾಣಿ ಕಪೂರ್, ಲಾರಾ ದತ್ತಾ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ ಬೆಲ್ ಬಾಟಮ್ ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆಗಲಿದೆ. ಸ್ವಾತಂತ್ರ್ಯ ದಿನದ ವಿಶೇಷವಾಗಿ ಬೆಲ್ ಬಾಟಮ್ ಒಟಿಟಿಯಲ್ಲಿ ಪ್ರೀಮಿಯರ್ ಕಾಣಬಹುದು. ಆದ್ರೀಗ, ಅದೇ ದಿನ ಅಕ್ಷಯ್ ನಟಿಸಿರುವ ಮತ್ತೊಂದು ಚಿತ್ರ ಪ್ರೇಕ್ಷಕರೆದುರು ಬರುವ ತಯಾರಿಯಲ್ಲಿದೆ.

ಚಿತ್ರಮಂದಿರದಲ್ಲಿ ಸೂರ್ಯವಂಶಿ?

ಈಗಾಗಲೇ ಎರಡ್ಮೂರು ಸಲ ಬಿಡುಗಡೆ ದಿನಾಂಕ ಮುಂದೂಡಿಕೊಂಡಿರುವ ಸೂರ್ಯವಂಶಿ ಸಿನಿಮಾ ರಿಲೀಸ್‌ಗಾಗಿ ತಯಾರಿ ನಡೆಸಿದೆ. ಸದ್ಯ, ಬಿಟೌನ್ ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ ಬೆಲ್ ಬಾಟಮ್ ಒಟಿಟಿಯಲ್ಲಿ ಪ್ರದರ್ಶನ ಕಾಣುವ ದಿನವೇ ಸೂರ್ಯವಂಶಿ ಚಿತ್ರಮಂದಿರಕ್ಕೆ ಬರುವ ಲೆಕ್ಕಾಚಾರದಲ್ಲಿದೆಯಂತೆ. ಆಗಸ್ಟ್‌ವೊತ್ತಿಗೆ ಕೋವಿಡ್ ಪರಿಸ್ಥಿತಿ ಸಹಜ ಸ್ಥಿತಿಗೆ ಬಂದಿಲ್ಲ ಅಂದ್ರೆ ಚಿತ್ರಮಂದಿರ ಎಂಟ್ರಿ ಕಷ್ಟ.

ಅಕ್ಷಯ್ ಕುಮಾರ್ ಹೇಳಿದ್ದೇನು?

''ಸೂರ್ಯವಂಶಿ ಮತ್ತು ಬೆಲ್ ಬಾಟಮ್ ಚಿತ್ರಗಳ ಬಗ್ಗೆ ನನ್ನ ಅಭಿಮಾನಿಗಳು ಉತ್ಸುಕರಾಗಿರುವುದಕ್ಕೆ ಧನ್ಯವಾದ. ಆದರೆ, ಎರಡೂ ಚಿತ್ರಗಳು ಸ್ವಾತಂತ್ರ್ಯ ದಿನದಂದು ಬಿಡುಗಡೆಯಾಗಲಿವೆ ಎನ್ನುವುದು ಊಹಾಪೋಹ. ನಮ್ಮ ಎರಡೂ ಸಿನಿಮಾದ ನಿರ್ಮಾಪಕರು ರಿಲೀಸ್ ಕುರಿತು ಯೋಜನೆ ರೂಪಿಸುತ್ತಿದ್ದಾರೆ. ಆಮೇಲೆ ಅಧಿಕೃತವಾಗಿ ಘೋಷಣೆ ಮಾಡಲಿದ್ದಾರೆ' ಎಂದು ಅಕ್ಷಯ್ ತಿಳಿಸಿದ್ದಾರೆ.

Recommended Video

Shahrukh Khan ಕಷ್ಟದ ದಿನಗಳನ್ನು ಕಣ್ಣಾರೆ ನೋಡಿದ್ದೇನೆ ಎಂದ Manoj Bajpai | Filmibeat Kannada

ಸಾಲು ಸಾಲು ಸಿನಿಮಾಗಳಲ್ಲಿ ಅಕ್ಷಯ್ ಕುಮಾರ್

ಸೂರ್ಯವಂಶಿ, ಬೆಲ್ ಬಾಟಮ್ ನಂತರ ಅತ್ರಂಗಿ ರೇ ಸಿನಿಮಾ ರಿಲೀಸ್ ರೆಡಿಯಾಗುತ್ತಿದೆ. 'ರಾಮ್ ಸೇತು' ಸಿನಿಮಾದ ಚಿತ್ರೀಕರಣ ಅಂತಿಮ ಹಂತದಲ್ಲಿದೆ. ಇದರ ಜೊತೆಗೆ 'ಹೇರಾಪೇರಿ 3', 'ಮಹಿಳಾ ಮಂಡಳಿ', 'ಪೃಥ್ವಿರಾಜ್ ಕಪೂರ್', 'ಬಚ್ಚನ್ ಪಾಂಡೆ', 'ರಕ್ಷಾ ಬಂಧನ್', 'ರೌಡಿ ರಾಥೋಡ್ 2' ಸಿನಿಮಾಗಳು ಅಕ್ಷಯ್‌ ಕೈಯಲ್ಲಿವೆ.