For Quick Alerts
    ALLOW NOTIFICATIONS  
    For Daily Alerts

    ಹಾಡು ಹಾಡುವ ಮೊದಲು ಐಸ್ ಕ್ರೀಮ್, ಮೆಣಸಿಕಾಯಿ ತಿನ್ನುತ್ತಿದ್ದ ಲತಾ ದೀದಿ ಯಾಕೆ!

    |

    ಗಾನ ಕೋಗಿಲೆ ಲತಾ ಮಂಗೇಶ್ಕರ್ ಇಂದು (ಭಾನುವಾರ) ಬೆಳಗ್ಗೆ ನಿಧನರಾಗಿದ್ದಾರೆ. ಕೋವಿಡ್ ಪಾಸಿಟಿವ್ ಬಂದು ಮುಂಬೈಯ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಗೆ ದಾಖಲಾಗಿದ್ದ ಲತಾ ಮಂಗೇಶ್ಕರ್ ಅವರು ಚಿಕಿತ್ಸೆ ಫಲಕಾರಿಯಾಗದೆ ಇಂದು ಬೆಳಗ್ಗೆ ನಿಧನ ಹೊಂದಿದ್ದಾರೆ. ಬಹು ಅಂಗಾಂಗ ವೈಫಲ್ಯದಿಂದಲೂ ಅವರು ಬಳಲುತ್ತಿದ್ದರು.

    92 ವರ್ಷದ ಲತಾ ಮಂಗೇಶ್ಕರ್ ಕೋವಿಡ್ ಸೋಂಕಿನ ಲಕ್ಷಣ ಕಂಡು ಬಂದು ಕಳೆದ ಜನವರಿ 8 ರಂದು ಮುಂಬೈಯ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಗೆ ದಾಖಲಾಗಿ ತೀವ್ರ ನಿಗಾ ಘಟಕದಲ್ಲಿದ್ದರು. ಕೆಲ ದಿನಗಳ ನಂತರ ಲತಾ ಮಂಗೇಶ್ಕರ್ ಅವರ ಆರೋಗ್ಯ ಸ್ಥಿತಿ ಸುಧಾರಣೆಯಾಗಿದ್ದರಿಂದ ವೆಂಟಿಲೇಟರ್ ನೆರವನ್ನು ತೆಗೆಯಲಾಗಿತ್ತು. ಆದರೆ ನಿನ್ನೆ ಮತ್ತೆ ಅವರ ಆರೋಗ್ಯ ಸ್ಥಿತಿ ಹದಗೆಟ್ಟು ತೀವ್ರ ನಿಗಾ ಘಟಕಕ್ಕೆ ದಾಖಲಾಗಿದ್ದರು.

    ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿರುವ ಲತಾ ಮಂಗೇಶ್ಕರ್ ಅವರನ್ನು ನೆನೆದು ಹಲವರು ಕಂಬನಿ ಮಿಡಿದಿದ್ದಾರೆ. ಸಿನಿಮಾ ತಾರೆಯರು ರಾಜಕೀಯ ಗಣ್ಯರು ಸೇರಿದಂತೆ ಸಂತಾಪ ಸೂಚಿಸುತ್ತಿದ್ದಾರೆ. ಲತಾ ಮಂಗೇಶ್ಕರ್‌ ಅವರಿಗೆ ಇಷ್ಟೊಂದು ಪ್ರೀತಿ ಗೌರವ ಸಿಗಲು ಕಾರಣ ಅವರು ಮಾಡಿರುವ ಸಾಧನೆ. ಹೌದು ಲತಾ ಮಂಗೇಶ್ಕರ್ ಸಂಗೀತ ಕ್ಷೇತ್ರದಲ್ಲಿ ಹಲವು ಸಾಧನೆಗೈದಿದ್ದಾರೆ. ಆದರೇ ಅವರ ಬಗ್ಗೆ ನಿಮಗೆ ಯಾರಿಗೂ ಗೊತ್ತಿರದ ಒಂದಷ್ಟು ಘಟನೆಗಳನ್ನು ಮುಂದೆ ಓದಿ.

    ಸಾಮಾಜಿಕ ಜಾಲತಾಣದಲ್ಲಿ ಕಳೆದ ವರ್ಷ ಬರೆದು ಕೊಂಡಿದ್ದಾ ಲತಾ!

    ಸಾಮಾಜಿಕ ಜಾಲತಾಣದಲ್ಲಿ ಕಳೆದ ವರ್ಷ ಬರೆದು ಕೊಂಡಿದ್ದಾ ಲತಾ!

    ಸ್ವರ ಕೋಗಿಲೆ ಲತಾ ಮಂಗೇಶ್ಕರ್ ಅವರ ಗಾಯನ ಜೀವನಕ್ಕೆ 80 ವರ್ಷಗಳು ಕಳೆದಿದೆ. 92 ವರ್ಷದ ಲತಾ ಅವರು ತಮ್ಮ ಸಾಮಾಜಿಕ ಜಾಲತಾಣ ಪೋಸ್ಟ್‌ನಲ್ಲಿ ಈ ವಿಷಯವನ್ನು ಬಹಿರಂಗಪಡಿಸಿದ್ದರು. ಲತಾ ಅವರು ಬರೆದಿದ್ದಾರೆ, "ದೇವರು, ನನ್ನ ಪೂಜ್ಯ ತಾಯಿ ತಂದೆಯವರ ಆಶೀರ್ವಾದದಿಂದ 16 ಡಿಸೆಂಬರ್ 1941 ರಂದು ನಾನು ಮೊದಲ ಬಾರಿಗೆ ರೇಡಿಯೊಗಾಗಿ 2 ಹಾಡುಗಳನ್ನು ಸ್ಟುಡಿಯೋದಲ್ಲಿ ಹಾಡಿದ್ದೆ. ಆ ಘಟನೆಗೆ ಈ ವರ್ಷ 16 ಡಿಸೆಂಬರ್, 2021ಕ್ಕೆ 80ವರ್ಷಗಳನ್ನು ಪೂರೈಸಿದ್ದೇನೆ. ಈ 80 ವರ್ಷಗಳಲ್ಲಿ ನಾನು ಸಾರ್ವಜನಿಕರಿಂದ ಅಪಾರ ಪ್ರೀತಿ ಮತ್ತು ಆಶೀರ್ವಾದ ಪಡೆದಿದ್ದೇನೆ, ನಿಮ್ಮ ಪ್ರೀತಿ ಮತ್ತು ಆಶೀರ್ವಾದ ನನಗೆ ಯಾವಾಗಲೂ ಸಿಗುತ್ತದೆ ಎಂದು ನನಗೆ ಖಾತ್ರಿಯಿದೆ."ಎಂದು ಹೇಲಿದ್ದರು

    13 ನೇ ವಯಸ್ಸಿನಲ್ಲಿ ಲತಾ ಹಾಡು ಹಾಡಲು ಆರಂಭ

    13 ನೇ ವಯಸ್ಸಿನಲ್ಲಿ ಲತಾ ಹಾಡು ಹಾಡಲು ಆರಂಭ

    ಲತಾ ಜೀ ಅವರು 28 ಸೆಪ್ಟೆಂಬರ್ 1929 ರಂದು ಮಧ್ಯಪ್ರದೇಶದ ಇಂದೋರ್‌ನಲ್ಲಿ ಜನಿಸಿದರು. ಅವರ ತಂದೆ ಪಂಡಿತ್ ದೀನನಾಥ್ ಮಂಗೇಶ್ಕರ್ ರಂಗಭೂಮಿ ಕಲಾವಿದ ಮತ್ತು ಗಾಯಕ. ಲತಾ ಜೀ ಅವರು ಬಾಲ್ಯದಿಂದಲೂ ಹಾಡಲು ಇಷ್ಟಪಡುತ್ತಿದ್ದರು ಮತ್ತು ಸಂಗೀತದಲ್ಲಿ ಅವರ ಆಸಕ್ತಿಯು ಮೊದಲಿನಿಂದಲೂ ಇತ್ತು. 13 ನೇ ವಯಸ್ಸಿನಲ್ಲಿ ಲತಾ ಅವರು 1942 ರ ಮರಾಠಿ ಚಿತ್ರ 'ಪೆಹ್ಲಿ ಮಂಗಳ ಗೌರ್' ನಲ್ಲಿ ಮೊದಲ ಬಾರಿಗೆ ಹಾಡಿದರು. 1947 ರಲ್ಲಿ 'ಆಪ್ ಕಿ ಸೇವಾ' ಫಿಲ್ಮ್ ನ ಮೂಲಕ ಹಿಂದಿ ಚಲನಚಿತ್ರಗಳಿಗೆ ಅವರ ಪ್ರವೇಶವಾಯಿತು. ಇದುವರೆಗೆ ಅವರು 32 ಭಾಷೆಗಳಲ್ಲಿ 50 ಸಾವಿರಕ್ಕೂ ಹೆಚ್ಚು ಹಾಡುಗಳನ್ನು ಹಾಡಿದ್ದಾರೆ. 2015ರಲ್ಲಿ, ನಿಖಿಲ್ ಕಾಮತ್ ಅವರ 'ಡುನ್ನೋ ವೈ 2' ಫಿಲ್ಮ್ ನಲ್ಲಿ ಲತಾ ಜಿ ಕೊನೆಯ ಬಾರಿಗೆ ಹಾಡಿದರು, ಅಂದಿನಿಂದ ಇಲ್ಲಿಯವರೆಗೆ ಅವರು ಗಾಯನದಿಂದ ದೂರವಿದ್ದಾರೆ.

    ಇದು ನನ್ನ ಮೊದಲ ಸಂಭಾವಣೆ ಎಂದಿದ್ದ ಲತಾ ಮಂಗೇಶ್ಕರ್ !

    ಇದು ನನ್ನ ಮೊದಲ ಸಂಭಾವಣೆ ಎಂದಿದ್ದ ಲತಾ ಮಂಗೇಶ್ಕರ್ !

    ಲತಾ ಜೀ ಮೊದಲ ಬಾರಿಗೆ ವೇದಿಕೆಯಲ್ಲಿ ಹಾಡಲು ಮೊದಲ ಹಾಡು ಹಾಡಿದ್ದಕ್ಕೆ 25 ರೂಪಾಯಿ ಸಿಕ್ಕಿತು ರೂಪಾಯಿ ಪಡೆದಿದ್ದರು. ಅವರು ಅದನ್ನು ತನ್ನ ಮೊದಲ ಗಳಿಕೆ ಎಂದು ಪರಿಗಣಿಸುತ್ತಾರೆ. ಲತಾ ಅವರ ಸಹೋದರ ಹೃದಯನಾಥ್ ಮಂಗೇಶ್ಕರ್ ಮತ್ತು ಸಹೋದರಿಯರಾದ ಉಷಾ ಮಂಗೇಶ್ಕರ್, ಮೀನಾ ಮಂಗೇಶ್ಕರ್ ಮತ್ತು ಆಶಾ ಭೋಂಸ್ಲೆ ಎಲ್ಲರೂ ಸಂಗೀತವನ್ನು ತಮ್ಮ ವೃತ್ತಿಯಾಗಿ ಆರಿಸಿಕೊಂಡರು. ಲತಾ ಅವರು ಹೃದಯನಾಥ್ ಮಂಗೇಶ್ಕರ್ ಅವರೊಂದಿಗೆ ಕೆಲವು ಮರಾಠಿ ಹಾಡುಗಳನ್ನು ಹಾಡಿದ್ದಾರೆ, ಅದರಲ್ಲಿ ಅತ್ಯಂತ ಪ್ರಸಿದ್ಧವಾದದ್ದು ಕಾಮ ಪುರ್ತಾ ಮಾಮಾ ಫಿಲ್ಮ್ ನಲ್ಲಿ ಹಾಡಿರುವ ಆಶಾ ನಿಶಾ ಪುರ್ತ ಕಡೀ ಹಾಡು.

    ಇದು ಲತಾ ಅವರಿಗೆ ಸಿಕ್ಕಿದ ಮೊದಲ ದೊಡ್ಡ ಬ್ರೇಕ್

    ಇದು ಲತಾ ಅವರಿಗೆ ಸಿಕ್ಕಿದ ಮೊದಲ ದೊಡ್ಡ ಬ್ರೇಕ್

    ಸಂಗೀತಗಾರ ಗುಲಾಮ್ ಹೈದರ್ ಅವರು 18 ವರ್ಷದ ಲತಾ ಅವರನ್ನು ಆ ಯುಗದ ಯಶಸ್ವಿ ಚಲನಚಿತ್ರ ನಿರ್ಮಾಪಕ ಶಶಧರ್ ಮುಖರ್ಜಿ ಅವರಿಗೆ ಪರಿಚಯಿಸಿದರು. ಆದರೆ ಶಶಧರ್ ಅವರು "ಈ ಧ್ವನಿ ತುಂಬಾ ತೆಳುವಾಗಿದೆ, ಇದು ಕೆಲಸ ಮಾಡುವುದಿಲ್ಲ" ಎಂದು ಸ್ಪಷ್ಟವಾಗಿ ಹೇಳಿದ್ದರು. ಆವಾಗ 'ಮಜ್ಬೂರ್' ಫಿಲ್ಮ್ ನ 'ಅಂಗ್ರೇಜಿ ಛೋರಾ ಚಲಾ ಗಯಾ' ಹಾಡಿನಲ್ಲಿ ಗಾಯಕ ಮುಖೇಶ್ ಜೊತೆಗೆ ಲತಾ ಅವರಿಗೆ ಹಾಡಲು ಅವಕಾಶ ಕೊಟ್ಟವರು ಮಾಸ್ಟರ್ ಗುಲಾಮ್ ಹೈದರ್. ಇದು ಲತಾ ಅವರಿಗೆ ಸಿಕ್ಕಿದ ಮೊದಲ ದೊಡ್ಡ ಬ್ರೇಕ್ ಆಗಿತ್ತು, ಅದರ ನಂತರ ಅವರು ಎಂದಿಗೂ ಕೆಲಸದ ಕೊರತೆಯನ್ನು ಅನುಭವಿಸಲಿಲ್ಲ. ನಂತರ ಶಶಧರ್ ತಮ್ಮ ತಪ್ಪನ್ನು ಒಪ್ಪಿಕೊಂಡು 'ಅನಾರ್ಕಲಿ', 'ಜಿದ್ದಿ' ಮುಂತಾದ ಫಿಲ್ಮ್ ಗಳಲ್ಲಿ ಲತಾ ಅವರಿಂದ ಅನೇಕ ಹಾಡುಗಳನ್ನು ಹಾಡಿಸಿದರು.

    ಚಿಕ್ಕ ವಯಸ್ಸಿನಲ್ಲೇ ಕೆಲಸ ಮಾಡಲು ಪ್ರಾರಂಭಿಸಿದ ಲತಾ ಮಂಗೇಶ್ಕರ್

    ಚಿಕ್ಕ ವಯಸ್ಸಿನಲ್ಲೇ ಕೆಲಸ ಮಾಡಲು ಪ್ರಾರಂಭಿಸಿದ ಲತಾ ಮಂಗೇಶ್ಕರ್

    ಇದಕ್ಕೆ ಅವರೇ ಸಂದರ್ಶನವೊಂದರಲ್ಲಿ ಉತ್ತರ ನೀಡಿದ್ದು, "ಮನೆಯ ಸದಸ್ಯರೆಲ್ಲರ ಜವಾಬ್ದಾರಿ ನನ್ನ ಮೇಲೆ ಬಿದ್ದಿತ್ತು. ಇದರಿಂದಾಗಿ ಹಲವು ಬಾರಿ ಮದುವೆಯ ಯೋಚನೆ ಬಂದರೂ ಅದನ್ನು ಕಾರ್ಯರೂಪಕ್ಕೆ ತರಲು ಸಾಧ್ಯವಾಗಲಿಲ್ಲ. ನಾನು ಚಿಕ್ಕ ವಯಸ್ಸಿನಲ್ಲೇ ಕೆಲಸ ಮಾಡಲು ಪ್ರಾರಂಭಿಸಿದೆ. ನನಗೆ ತುಂಬಾ ಕೆಲಸ ಇತ್ತು. 1942ರಲ್ಲಿ ಹದಿಮೂರರ ಇಳಿವಯಸ್ಸಿನಲ್ಲಿ ತಂದೆ ಮಾಡಬೇಕಾದ ಸಂಸಾರದ ಎಲ್ಲ ಜವಾಬ್ದಾರಿಗಳೂ ನನ್ನ ಮೇಲೆ ಬಿದ್ದಿದ್ದರಿಂದ ಮದುವೆಯ ಯೋಚನೆಯೇ ನನ್ನ ಮನಸ್ಸಿನಿಂದ ಹೊರಬಿತ್ತು."

    ಲತಾ ಮಂಗೇಶ್ಕರ್ ಅವರ ತಂದೆ ಶಾಸ್ತ್ರೀಯ ಸಂಗೀತದ ದೊಡ್ಡ ಅಭಿಮಾನಿ

    ಲತಾ ಮಂಗೇಶ್ಕರ್ ಅವರ ತಂದೆ ಶಾಸ್ತ್ರೀಯ ಸಂಗೀತದ ದೊಡ್ಡ ಅಭಿಮಾನಿ

    ಲತಾ ಮಂಗೇಶ್ಕರ್ ಅವರ ತಂದೆ ಶಾಸ್ತ್ರೀಯ ಸಂಗೀತದ ದೊಡ್ಡ ಅಭಿಮಾನಿಯಾಗಿದ್ದರು, ಅದಕ್ಕಾಗಿಯೇ ಅವರು ಚಲನಚಿತ್ರಗಳಲ್ಲಿ ಲತಾಜಿ ಹಾಡುವುದನ್ನು ವಿರೋಧಿಸಿದ್ದರು. ಅವರ ತಂದೆ 1942 ರಲ್ಲಿ ನಿಧನರಾದರು. ಇದರ ನಂತರ, ಅವರ ಕುಟುಂಬದ ಆರ್ಥಿಕ ಸ್ಥಿತಿಯು ಪ್ರಕ್ಷುಬ್ಧವಾಯಿತು ಮತ್ತು ಲತಾ ಮಂಗೇಶ್ಕರ್ ಮರಾಠಿ ಮತ್ತು ಹಿಂದಿ ಚಲನಚಿತ್ರಗಳಲ್ಲಿ ಸಣ್ಣ ಪಾತ್ರಗಳನ್ನು ಮಾಡಲು ಪ್ರಾರಂಭಿಸಿದ್ದರು.

    ಕೊಲೆ ಮಾಡಲು ಯತ್ನಿಸಿದವರು ಯಾರು ಎಂಬುದು ಬಹಿರಂಗವಾಗಿಲ್ಲ

    ಕೊಲೆ ಮಾಡಲು ಯತ್ನಿಸಿದವರು ಯಾರು ಎಂಬುದು ಬಹಿರಂಗವಾಗಿಲ್ಲ

    1962 ರಲ್ಲಿ, ಲತಾ 32 ವರ್ಷದವರಿದ್ದಾಗ, ಅವರಿಗೆ ಸ್ಲೋ ಪಾಯ್ಸನ್ ನೀಡಲಾಯಿತು. ಲತಾ ಅವರ ಅತ್ಯಂತ ಆತ್ಮೀಯ ಸ್ನೇಹಿತೆ ಪದ್ಮಾ ಸಚ್‌ದೇವ್ ಅವರು ತಮ್ಮ 'ಐಸಾ ಕಹಾಂ ಸೆ ಲಾವೂಂ' ಪುಸ್ತಕದಲ್ಲಿ ಇದನ್ನು ಉಲ್ಲೇಖಿಸಿದ್ದಾರೆ. ಅದರ ನಂತರ ಬರಹಗಾರ ಮಜ್ರೂಹ್ ಸುಲ್ತಾನಪುರಿ ಹಲವಾರು ದಿನಗಳವರೆಗೆ ಅವರ ಮನೆಗೆ ಬಂದು ಮೊದಲು ಆಹಾರವನ್ನು ಸ್ವತಃ ರುಚಿ ನೋಡಿ, ನಂತರ ಲತಾ ಅದನ್ನು ತಿನ್ನಲು ಬಿಡುತ್ತಿದ್ದರು. ಆದರೆ,ಇವರನ್ನು ಕೊಲೆ ಮಾಡಲು ಯತ್ನಿಸಿದವರು ಯಾರು ಎಂಬುದು ಈವರೆಗೂ ಬಹಿರಂಗವಾಗಿಲ್ಲ.

    ಹಾಡು ರೆಕಾರ್ಡಿಂಗ್ ಮೊದಲು ಐಸ್ ಕ್ರೀಮ್ ತಿನ್ನುತ್ತಿದ್ದರು

    ಹಾಡು ರೆಕಾರ್ಡಿಂಗ್ ಮೊದಲು ಐಸ್ ಕ್ರೀಮ್ ತಿನ್ನುತ್ತಿದ್ದರು

    ತನ್ನ ವೃತ್ತಿಜೀವನದ ಸುವರ್ಣ ದಿನಗಳಲ್ಲಿ, ಅವರು ಹಾಡು ರೆಕಾರ್ಡಿಂಗ್ ಮೊದಲು ಐಸ್ ಕ್ರೀಮ್ ತಿನ್ನುತ್ತಿದ್ದರು ಮತ್ತು ಅವರು ಉಪ್ಪಿನಕಾಯಿ, ಮೆಣಸಿನಕಾಯಿ ಯಂತಹ ವಿಷಯಗಳನ್ನು ಎಂದಿಗೂ ತಪ್ಪಿಸಲಿಲ್ಲ. ಅವರ ಧ್ವನಿ ಯಾವಾಗಲೂ ಪ್ರಭಾವಿತವಾಗಿಲ್ಲ. ಅವರು 1974 ರಲ್ಲಿ ಲಂಡನ್‌ನ ರಾಯಲ್ ಆಲ್ಬರ್ಟ್ ಹಾಲ್‌ನಲ್ಲಿ ಪ್ರದರ್ಶನ ನೀಡಿದ ಮೊದಲ ಭಾರತೀಯರಾಗಿದ್ದಾರೆ.

    ತನ್ನ ಗಾಯನ ಪ್ರಯಾಣ ನೆನಪಿಸಿಕೊಂಡಿದ್ದ ಲತಾ ಮಂಗೇಶ್ಕರ್

    ತನ್ನ ಗಾಯನ ಪ್ರಯಾಣ ನೆನಪಿಸಿಕೊಂಡಿದ್ದ ಲತಾ ಮಂಗೇಶ್ಕರ್

    ಲತಾ ತನ್ನ ಗಾಯನ ಪ್ರಯಾಣವನ್ನು ನೆನಪಿಸಿಕೊಂಡಾಗ, ಅವರು ತನ್ನ ಆರಂಭಿಕ ದಿನಗಳ ರೆಕಾರ್ಡಿಂಗ್ ನ ರಾತ್ರಿಗಳನ್ನು ಎಂದಿಗೂ ಮರೆಯುವುದಿಲ್ಲ. ಹಗಲಿನಲ್ಲಿ ಶೂಟಿಂಗ್ ಮಾಡಲಾಗುತ್ತಿತ್ತು ಮತ್ತು ರಾತ್ರಿಯ ಸಮಯದಲ್ಲಿ ಸ್ಟುಡಿಯೋದಲ್ಲಿ ಹಾಡುಗಳನ್ನು ರೆಕಾರ್ಡ್ ಮಾಡಲಾಗುತ್ತಿತ್ತು. ಮುಂಜಾನೆಯವರೆಗೂ ರೆಕಾರ್ಡಿಂಗ್ ಮುಂದುವರೆದಿದ್ದು, ಎಸಿಗಳ ಬದಲು ಆ ದಿನಗಳಲ್ಲಿ ಶಬ್ದ ಮಾಡುವ ಫ್ಯಾನ್ ಗಳಿದ್ದವು ಎನ್ನುತ್ತಾರೆ.

    English summary
    Legendary singer Lata Mangeshkar passed away today. Live updates about Lata Mangeshkar.
    Monday, February 7, 2022, 9:41
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X