ಲವರ್ ಸಾವಿನ ಬಗ್ಗೆ ಮೌನ ಮುರಿದ ಐಟಂ ಗರ್ಲ್

ಪೊಲೀಸರಿಗೆ ಚಳ್ಳೆಹಣ್ಣು ತಿನ್ನಿಸಿ ನಾಪತ್ತೆಯಾಗಿದ್ದ ಐಟಂ ಗರ್ಲ್ ಅಲ್ಫೋನ್ಸಾ ತೆಲುಗು ಟಿವಿಯೊಂದರಲ್ಲಿ ಪ್ರತ್ಯಕ್ಷರಾಗಿದ್ದಾರೆ. ಟಿವಿ ಸಂದರ್ಶನದಲ್ಲಿ ತನ್ನ ಹಾಗೂ ತನ್ನ ಪ್ರಿಯತಮ ವಿನೋದ್ ಬಗ್ಗೆ ಬಾಯ್ಬಿಟ್ಟಿದ್ದಾಳೆ. ಇಷ್ಟಕ್ಕೂ ಅಲ್ಫೋನ್ಸಾ ಹೇಳುವುದೇನೆಂದರೆ...

"ವಿನೋದ್ ಹಾಗೂ ನಾನು ಸಹ ಜೀವನ ನಡೆಸುತ್ತಿದ್ದೆವು. ನಾವಿಬ್ಬರೂ ಎರಡು ವರ್ಷಗಳ ಕಾಲ ಸಂತೋಷವಾಗಿ ಜೀವಿಸಿದೆವು. ಆದರೆ ಆತನ ಸಾವಿಗೂ ನನಗೂ ಸಂಬಂಧವಿಲ್ಲ. ಆರ್ಥಿಕ ಸಂಕಷ್ಟ ಹಾಗೂ ಇತರೆ ಕಾರಣಗಳಿಂದ ಆತ ಸಾವಿಗೆ ಶರಣಾದ. ಆದರೆ ಅವನ ಕುಟುಂಬಿಕರು ನನ್ನ ಮೇಲೆ ಇಲ್ಲಸಲ್ಲದ ಆರೋಪಗಳನ್ನು ಮಾಡುತ್ತಿದ್ದಾರೆ " ಎಂದು ಅಲ್ಫೋನ್ಸಾ ಅಲವತ್ತುಕೊಂಡಿದ್ದಾರೆ.

"ಈ ಬಗ್ಗೆ ನಾನು ಏನು ಹೇಳಿದರೂ ವಿನೋದ್ ಮನೆಯವರು ಕೇಳುವ ಸ್ಥಿತಿಯಲ್ಲಿರಲಿಲ್ಲ. ನನ್ನನ್ನು ಕೋರ್ಟ್ ಮೆಟ್ಟಿಲೇರುವಂತೆ ಮಾಡಿದರು. ಇದರಿಂದ ನನಗೆ ದಿಕ್ಕುತೋಚದಂತಾಯಿತು. ಈಗೀಗಷ್ಟೆ ಚೇತರಿಸಿಕೊಳ್ಳುತ್ತಿದ್ದೇನೆ. ಹಳೆಯದೆಲ್ಲವನ್ನೂ ಮರೆತು ಹೊಸ ಜೀವನ ಪ್ರಾರಂಭಿಸಬೇಕೆಂದಿದ್ದೇನೆ" ಎಂದಿದ್ದಾರೆ.