ಮಣಿರತ್ನಂ ಮುಂದಿನ ಚಿತ್ರದಲ್ಲಿ ಒಬ್ಬರಲ್ಲ, ಇಬ್ಬರಲ್ಲ 8 ಜನ ಸೂಪರ್ ಸ್ಟಾರ್ಸ್

ಚಿಯಾನ್ ವಿಕ್ರಂ

ರಾವಣ್ ಸಿನಿಮಾದ ಬಳಿಕ ಚಿಯಾನ್ ವಿಕ್ರಂ ಮತ್ತೆ ಮಣಿರತ್ನಂ ಅವರ ಜೊತೆ ಒಂದಾಗುತ್ತಿದ್ದಾರೆ. ಮೂಲಗಳ ಪ್ರಕಾರ ಪೊನ್ನಿಯನ್ ಸೆಲ್ವನ್ ಸಿನಿಮಾದಲ್ಲಿ ಆದಿತ್ಯ ಕರಿಕಾಳನ್ ಎಂಬ ಪಾತ್ರದಲ್ಲಿ ವಿಕ್ರಂ ನಟಿಸಿದ್ದಾರೆ ಎನ್ನಲಾಗುತ್ತಿದೆ.

ಅಮಿತಾಭ್ ಬಚ್ಚನ್

ಇದೇ ಮೊದಲ ಬಾರಿಗೆ ಮಣಿರತ್ನಂ ಅವರ ಚಿತ್ರದಲ್ಲಿ ಬಾಲಿವುಡ್ ಮೆಗಾಸ್ಟಾರ್ ಅಮಿತಾಬ್ ಬಚ್ಚನ್ ನಟಿಸಲಿದ್ದಾರಂತೆ. ಸುಂದರ ಕೋಜರ್ ಎಂಬ ಪಾತ್ರದಲ್ಲಿ ಬಿಗ್ ಬಿ ಅಭಿನಯಿಸಲಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ.

ಜಯಂ ರವಿ

ಇದೀಗ ಕೇಳಿಬರುತ್ತಿರುವ ಸುದ್ದಿ ಪ್ರಕಾರ, ತಮಿಳು ನಟ ಜಯಂ ರವಿ ಕೂಡ ಮಣಿರತ್ನಂ ಅವರ ಮೆಗಾ ಪ್ರಾಜೆಕ್ಟ್ ನಲ್ಲಿ ಬಹುಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರಂತೆ. ಇದು ಪಕ್ಕಾ ಆದ್ರೆ, ಮಣಿರತ್ನಂ ಜೊತೆ ಮೊದಲ ಸಲ ಸಿನಿಮಾ ಮಾಡ್ತಿದ್ದಾರೆ ಜಯಂ ರವಿ.

ತಮಿಳು ಸ್ಟಾರ್ ಕಾರ್ತಿ

ತಮಿಳಿನ ಖ್ಯಾತ ನಟ ಕಾರ್ತಿ ಕೂಡ ಮಣಿರತ್ನಂ ಅವರ ಚಿತ್ರಕ್ಕಾಗಿ ಎಂಟ್ರಿ ಕೊಡುತ್ತಿದ್ದಾರಂತೆ. ಈ ಮೂಲಕ ಪೊನ್ನಿಯನ್ ಸೆಲ್ವನ್ ಸಿನಿಮಾದ ತಾರಬಳಗ ಮತ್ತಷ್ಟು ರಂಗೇರುತ್ತಿದೆ.

ತೆಲುಗು ನಟ ಮೋಹನ್ ಬಾಬು

ಸದ್ಯದ ಮಾಹಿತಿ ಪ್ರಕಾರ, ತೆಲುಗು ನಟ ಮೋಹನ್ ಬಾಬು ಕೂಡ ಈ ಸಿನಿಮಾದಲ್ಲಿ ಬಣ್ಣ ಹಚ್ಚಲಿದ್ದಾರಂತೆ. ಬಹುವರ್ಷಗಳ ನಂತರ ತಮಿಳು ಸಿನಿಮಾ ಮಾಡ್ತಿರುವ ಮೋಹನ್ ಬಾಬುಗೆ ಇದು ಕಂಬ್ಯಾಕ್ ಚಿತ್ರ ಎನ್ನಲಾಗುತ್ತಿದೆ.

ಐಶ್ವರ್ಯ ರೈ ಎಂಟ್ರಿ

ತುಂಬಾ ವರ್ಷದ ನಂತರ ಮಾಜಿ ವಿಶ್ವಸುಂದರಿ ಐಶ್ವರ್ಯ ರೈ ಮಣಿರತ್ನಂ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ವಿಶೇಷ ಅಂದ್ರೆ ಇದೇ ಚಿತ್ರದಲ್ಲಿ ಅಮಿತಾಬ್ ಬಚ್ಚನ್ ಕೂಡ ನಟಿಸುತ್ತಿದ್ದು, ಸೊಸೆ ಮತ್ತು ಮಾವ ಒಂದೇ ಸಿನಿಮಾ ಮಾಡುತ್ತಿರುವುದು ಅಪರೂಪ.

ಕೀರ್ತಿ ಸುರೇಶ್

ಸದ್ಯ ಸೌತ್ ಇಂಡಸ್ಟ್ರಿಯಲ್ಲಿ ಸಖತ್ ಸದ್ದು ಮಾಡುತ್ತಿರುವ ನಟಿ ಕೀರ್ತಿ ಸುರೇಶ್ ಕೂಡ ಮಣಿರತ್ನಂ ಅವರ ಮೆಗಾಸಿನಿಮಾದಲ್ಲಿ ಇರಲಿದ್ದಾರಂತೆ. ಅಂದ್ಹಾಗೆ, ಕೀರ್ತಿ ಸುರೇಶ್ ಈ ಸಿನಿಮಾದಲ್ಲಿ ಯುವರಾಣಿ ಪಾತ್ರದಲ್ಲಿ ನಟಿಸಲಿದ್ದಾರಂತೆ.

ಅನುಷ್ಕಾ ಶೆಟ್ಟಿ

ಈ ಹಿಂದೆ ನಯನತಾರ ಕೂಡ ಈ ಸಿನಿಮಾದಲ್ಲಿ ಇರಲಿದ್ದಾರೆ ಎನ್ನಲಾಗಿತ್ತು. ಆದ್ರೀಗ, ನಯನತಾರ ಬದಲು ಅನುಷ್ಕಾ ಶೆಟ್ಟಿಯ ಆಗಮನವಾಗಿದೆಯಂತೆ. ಸದ್ಯಕ್ಕೆ ಈ ಪಾತ್ರಗಳು ಮತ್ತು ಈ 8 ಕಲಾವಿದರು ಈ ಸಿನಿಮಾದಲ್ಲಿ ನಟಿಸುವುದು ಬಹುತೇಕ ಖಚಿತವಂತೆ. ಮುಂದಿನ ದಿನಗಳಲ್ಲಿ ಮತ್ಯಾವ ಸ್ಟಾರ್ ಈ ಚಿತ್ರಕ್ಕಾಗಿ ಓಕೆ ಎನ್ನುತ್ತಾರೋ ಕಾದುನೋಡಬೇಕಿದೆ.