ಭರ್ಜರಿ ಬೆಲೆಗೆ ಅನುಷ್ಕಾ ಚಿತ್ರ ಸೇಲ್: ಒಟಿಟಿಯಲ್ಲಿ ಸಿನಿಮಾ ರಿಲೀಸ್

ಒಟಿಟಿ ಉತ್ತಮ ಆಯ್ಕೆ

ಚಿತ್ರಮಂದಿರಗಳು ಯಾವಾಗ ತೆರೆಯಲಿದೆ ಎಂಬುದರ ಬಗ್ಗೆ ಸ್ಪಷ್ಟನೆ ಇಲ್ಲ. ಹಾಗಾಗಿ, ನಮ್ಮ ಚಿತ್ರವನ್ನು ಆನ್‌ಲೈನ್‌ ಬಿಡುಗಡೆ ಮಾಡಲು ನಿರ್ಧರಿಸಿದ್ದೇವೆ. ಹಾಗಾಗಿ, ಒಟಿಟಿ ಬಿಡುಗಡೆ ಒಳ್ಳೆಯ ಆಯ್ಕೆ ಹಾಗು ಪ್ರೇಕ್ಷಕರು ಸಹ ಹೊಂದಿಕೊಂಡಿದ್ದಾರೆ ಎನಿಸುತ್ತಿದೆ ಎಂದು ಹೇಮಂತ್ ಮಧುಕರ್ ಅಭಿಪ್ರಾಯ ಪಟ್ಟಿದ್ದಾರೆ.

ಗಾಂಧಿ ಜಯಂತಿಗೆ ರಿಲೀಸ್!

ಸದ್ಯದ ಮಾಹಿತಿ ಪ್ರಕಾರ ಅಕ್ಟೋಬರ್ 2 ರಂದು 'ನಿಶ್ಯಬ್ದಂ' ಸಿನಿಮಾ ಐದಕ್ಕೂ ಹೆಚ್ಚು ಭಾಷೆಗಳಲ್ಲಿ ತೆರೆಕಾಣಲಿದೆ. ತೆಲುಗು, ತಮಿಳು, ಮಲಯಾಳಂ, ಹಿಂದಿ ಹಾಗೂ ಕನ್ನಡದಲ್ಲಿ ಸಿನಿಮಾ ರಿಲೀಸ್ ಆಗಲಿದೆ ಎಂದು ಹೇಳಲಾಗುತ್ತಿದೆ.

20 ಕೋಟಿಗೆ ಅಮೇಜಾನ್ ಪ್ರೈಂ ಖರೀದಿ

ನಿಶ್ಯಬ್ದಂ ಚಿತ್ರದ ಡಿಜಿಟಲ್ ಮಾರಾಟದ ಬಗ್ಗೆ ಟಾಲಿವುಡ್ ಇಂಡಸ್ಟ್ರಿಯಲ್ಲಿ ದೊಡ್ಡ ಮಟ್ಟದ ಚರ್ಚೆ ನಡೆಯುತ್ತಿದೆ. ಮೂಲಗಳ ಪ್ರಕಾರ ಸುಮಾರು 20 ಕೋಟಿ ಬೆಲೆಗೆ ಅಮೇಜಾನ್ ಪ್ರೈಂ ವಿಡಿಯೋ ಈ ಚಿತ್ರವನ್ನು ಖರೀದಿಸಿದೆ ಎಂದು ಹೇಳಲಾಗುತ್ತಿದೆ.

ಮಾತು ಬಾರದ ಪಾತ್ರದಲ್ಲಿ ಅನುಷ್ಕಾ

ಇದಕ್ಕೂ ಮುಂಚೆ ಏಪ್ರಿಲ್ 2 ರಂದು ಈ ಸಿನಿಮಾ ಬಿಡುಗಡೆ ದಿನಾಂಕವನ್ನು ಘೋಷಣೆ ಮಾಡಿತ್ತು. ಆದರೆ, ಲಾಕ್‌ಡೌನ್ ಕಾರಣದಿಂದ ಆಗಿರಲಿಲ್ಲ. ಇನ್ನು ಈ ಚಿತ್ರದಲ್ಲಿ ಅನುಷ್ಕಾ ಶೆಟ್ಟಿ ಮಾತು ಬಾರದ ಹುಡುಗಿ ಪಾತ್ರದಲ್ಲಿ ನಟಿಸಿದ್ದಾರೆ. ಶಾಲಿನಿ ಪಾಂಡೆ, ಸುಬ್ಬರಾಜು, ಅಂಜಲಿ ಸೇರಿದಂತೆ ಹಲವರು ನಟಿಸಿದ್ದಾರೆ.