ವಿದ್ಯಾಬಾಲನ್‌ಗೆ ಸಡ್ಡುಹೊಡೆದ ಡ್ರಾಮಾ ಕ್ವೀನ್ ರಾಖಿ

ಡ್ರಾಮಾ ಕ್ವೀನ್ ರಾಖಿ ಸಾವಂತ್ ಬಂಗಾಳಿ ಭಾಷೆಯಲ್ಲಿ 'ದಿ ಡರ್ಟಿ ಗರ್ಲ್' ಆಗಲು ಹೊರಟಿದ್ದಾರೆ. ಹಿಂದಿಯಲ್ಲಿ ವಿದ್ಯಾ ಬಾಲನ್ ಮಾಡಿದ್ದ 'ದಿ ಡರ್ಟಿ ಗರ್ಲ್' ಚಿತ್ರ ಬಂಗಾಳಿಗೆ ರೀಮೇಕ್ ಆಗುತ್ತಿದೆ. ಈ ಬಗ್ಗೆ ಮಾತನಾಡಿರುವ ರಾಖಿ ಮೂಲ ಚಿತ್ರಕ್ಕಿಂತ ತಮ್ಮ ಚಿತ್ರ ಚೆನ್ನಾಗಿರುತ್ತದೆ ಎಂದಿದ್ದಾರೆ.

ಐಟಂ ಗರ್ಲ್ ಒಬ್ಬಳ ಕಥಾವಸ್ತುವನ್ನು ಈ ಚಿತ್ರ ಒಳಗೊಂಡಿರುವುದು ಗೊತ್ತೇ ಇದೆ. ಬಾಲಿವುಡ್‌ನ ಒರಿಜಿನಲ್ ಐಟಂ ಗರ್ಲ್ ನಾನು. ಹಾಗಾಗಿ ಈ ಚಿತ್ರದ ಪಾತ್ರದಕ್ಕೆ ಸಂಪೂರ್ಣ ನ್ಯಾಯ ಒದಗಿಸುತ್ತೇನೆ. ಪಾತ್ರ ಅದ್ಭುತವಾಗಿ ಮೂಡಿಬರುತ್ತದೆ ಎಂಬ ವಿಶ್ವಾಸವನ್ನು ವ್ಯಕ್ತಪಡಿಸಿದ್ದಾರೆ ರಾಖಿ.

ಈ ಚಿತ್ರದ ಬಳಿಕ ಎಲ್ಲರೂ ನನ್ನ ಹೆಸರನ್ನೇ ಜಪಿಸುತ್ತಾರೆ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಈ ಹಿಂದೆ ನಾನು ಅತಿಥಿ ಪಾತ್ರ, ಐಟಂ ಡಾನ್ಸ್ ಮಾಡಿದ್ದೇನೆ. ಆದರೆ ಈ ರೀತಿ ಪೂರ್ಣ ಪ್ರಮಾಣದಲ್ಲಿ ಯಾವುದೇ ಚಿತ್ರದಲ್ಲಿ ತೊಡಗಿಕೊಂಡಿಲ್ಲ. ಅದೂ ಬಂಗಾಳಿ ಚಿತ್ರದಲ್ಲಿ ಎಂದಿದ್ದಾರೆ ಮೈ ಡೊಂಕಿನ ವೈಯ್ಯಾರಿ. (ಪಿಟಿಐ)