ತಮಿಳಿಗೆ ಎಂಟ್ರಿ! ವಿಜಯ್ ಸಿನಿಮಾದಲ್ಲಿ ಧನ್ಯಾ ರಾಮ್‌ಕುಮಾರ್?

ವಿಜಯ್ ಜೊತೆಗೆ ಧನ್ಯಾ ತಮಿಳಿಗೆ ಎಂಟ್ರಿ!

ನಟಿ ಧನ್ಯಾ ರಾಮ್‌ಕುಮಾರ್ ಮೊದಲ ಸಿನಿಮಾದ ಮೂಲಕ ಗಮನ ಸೆಳೆದಿದ್ದಾರೆ. ಇನ್ನು ಈಕೆ ತಮಿಳು-ತೆಲುಗಿಗೆ ಎಂಟ್ರಿ ಕೊಡ್ತಾರೆ ಎನ್ನುವ ಸುದ್ದಿ ಹಬ್ಬಿದ ಮೇಲೆ, ಯಾವ ಸಿನಿಮಾ, ಪಾತ್ರ ಹೇಗಿರುತ್ತೆ ಎನ್ನುವ ಬಗ್ಗೆ ಕುತೂಹಲ ಮೂಡಿದೆ. ಇದರ ಜೊತೆಗೆ ಈಗ ಧನ್ಯ ತಮಿಳು ಸ್ಟಾರ್ ನಟ ವಿಜಯ್ ಜೊತೆಗೆ ತಮಿಳು ಮಾಡಲಿದ್ದಾರೆ ಎನ್ನುವ ಗುಸು ಗುಸು ಹಬ್ಬಿದೆ. ಇದಕ್ಕೆ ಕಾರಣ ನಟಿ ಧನ್ಯಾ ಹಂಚಿಕೊಂಡಿರುವ ಸಾಮಾಜಿಕ ಜಾಲತಾಣದ ಪೋಸ್ಟ್.

ವಿಜಯ್ ಹುಟ್ಟುಹಬ್ಬಕ್ಕೆ ಧನ್ಯಾ ಶುಭಾಷಯ!

ನಟ ವಿಜಯ್ ಹುಟ್ಟುಹಬ್ಬ ಜೂನ್ 22ಕ್ಕೆ ನೆರವೇರಿದೆ. ವಿಜಯ್ ಹುಟ್ಟುಹಬ್ಬಕ್ಕೆ ಸಾಕಷ್ಟು ಸಿನಿಮಾ ತಾರೆಯರು ಶುಭ ಕೋರಿದ್ದಾರೆ. ಆದರೆ ವಿಶೇಷವಾಗಿ ಗಮನ ಸೆಳೆದಿದ್ದು ಮಾತ್ರ ಕನ್ನಡದ ನಟಿ ಧನ್ಯಾ ರಾಮ್‌ಕುಮಾರ್. ವಿಜಯ್‌ಗೆ ವಿಶೇಷವಾದ ಸಂದೇಶದ ಮೂಲಕ ಧನ್ಯಾ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶುಭ ಕೋರಿದ್ದಾರೆ. "ನಿಮ್ಮ ಅಭಿನಯ ನನಗೆ ತುಂಬಾ ಇಷ್ಟ, ನಿಮ್ಮ 'ವಾರಿಸು' ಚಿತ್ರದ ಪೋಸ್ಟರ್ ತುಂಬಾ ಇಷ್ಟ ಆಯ್ತು. ನಿಮಗೆ ಹುಟ್ಟುಹಬ್ಬದ ಶುಭಾಷಯಗಳು." ಎಂದು ಬರೆದುದಕೊಂಡಿದ್ದಾರೆ. ಹಾಗಾಗಾಗಿ ಧನ್ಯಾ ರಾಮ್‌ಕುಮಾರ್ ವಿಜಯ್ ಜೊತೆಗೆ ಸಿನಿಮಾ ಮಾಡುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.

ತೆಲುಗಿನಲ್ಲೂ ಧನ್ಯಾ ಸಿನಿಮಾ!

ಇನ್ನು ತಮಿಳು ಮತ್ತು ತೆಲುಗು ಎರಡೂ ಭಾಷೆಗಳಲ್ಲಿ ಬೇರೆ ಬೇರೆ ಸಿನಿಮಾಗಳನ್ನು ಮಾಡುತ್ತಿದ್ದು ಕಥೆಯನ್ನು ಕೇಳಿ ಈಗಾಗಲೇ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಎಲ್ಲವೂ ಕೊನೆಯ ಹಂತಕ್ಕೆ ಬಂದಿದ್ದು ಇನ್ನೇನು ಕೆಲವೇ ದಿನದಲ್ಲಿ ಸಿನಿಮಾವನ್ನು ಪ್ರಕಟ ಮಾಡಲಾಗುತ್ತದೆ. ಈ ಮಾಹಿತಿಯನ್ನು ಆಯಾ ಸಿನಿಮಾ ತಂಡಗಳು ಅಧಿಕೃತವಾಗಿ ಪ್ರಕಟಗೊಳಿಸಲಿವೆ. ಇದಕ್ಕೆ ಸಕಲ ಸಿದ್ಧತೆ ಕೂಡ ನಡೆದಿವೆ.

ಕನ್ನಡದಲ್ಲೂ ಕೂಡ ಬ್ಯುಸಿಯಾಗಿರುವ ಧನ್ಯಾ!

ಧನ್ಯಾ ರಾಮ್‌ಕುಮಾರ್ ಕನ್ನಡದಲ್ಲಿ ಕೂಡ ಸಾಲು-ಸಾಲು ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತಿದ್ದಾರೆ. 'ನಿನ್ನ ಸನಿಹಕೆ' ಸಿನಿಮಾದ ಬಳಿಕ 'ಕಾಲಾಪತ್ಥರ್' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ನಟಿ ಧನ್ಯಾ. ಈ ವಿಚಾರವನ್ನು ಚಿತ್ರತಂಡ ಈಗಾಗಲೇ ಪ್ರಕಟ ಮಾಡಿದೆ. ಇದರ ಜೊತೆಗೆ ಮತ್ತೊಂದು ಕನ್ನಡ ಸಿನಿಮಾವನ್ನು ಒಪ್ಪಿಕೊಂಡಿದ್ದಾರಂತೆ ಧನ್ಯಾ. ಅದು ಕೊಡ ಸದ್ಯದಲ್ಲೇ ಪ್ರಕಟಗೊಳ್ಳಲಿದೆ.