ಸದ್ದೇ ಇಲ್ಲದೆ ಎಂಗೇಜ್ ಆದರು ಕಾಜಲ್ ಅಗರ್ವಾಲ್

ಮುಂಬೈ ಮೂಲದ ಗೌತಮ್ ಜೊತೆ ವಿವಾಹ?

ಕಾಜಲ್ ಅಗರ್ವಾಲ್ ಪೋಷಕರೇ ಹುಡುಕಿದ ಹುಡುಗನೊಂದಿಗೆ ಕೆಲವೇ ಆಪ್ತರ ಸಮ್ಮುಖದಲ್ಲಿ ಕಾಜಲ್ ಅಗರ್ವಾಲ್ ಮದುವೆ ನಿಶ್ಚಿತಾರ್ಥ ಆಗಿದೆ ಎನ್ನಲಾಗುತ್ತಿದೆ. ಹುಡುಗನ ಹೆಸರು ಗೌತಮ್ ಎಂದಿದ್ದು, ಆತ ಮುಂಬೈ ಮೂಲದವನು ಎನ್ನುವ ಸುದ್ದಿ ಇದೆ.

ಗುಟ್ಟಾಗಿ ಮುಗಿದಿದೆ ನಿಶ್ಚಿತಾರ್ಥ ಕಾರ್ಯ?

ಕಾಜಲ್ ಅಗರ್ವಾಲ್ ಮದುವೆಗೆಂದು ಅವರ ಪೋಷಕರು ಗಂಡು ಹುಡುಕುತ್ತಿರುವ ಸುದ್ದಿ ಈ ಹಿಂದೆ ವರದಿಯಾಗಿತ್ತು. ಕೆಲವು ದಿನಗಳ ಹಿಂದಷ್ಟೆ ಕಾಜಲ್ ನಿವಾಸದಲ್ಲಿಯೇ ನಿಶ್ಚಿತಾರ್ಥ ಕಾರ್ಯ ಮುಗಿದಿದ್ದು, ಸಿನಿಮಾ ಉದ್ಯಮದ ಬಹುತೇಕರನ್ನು ದೂರವಿಟ್ಟು ನಿಶ್ಚಿತಾರ್ಥ ಮುಗಿಸಲಾಗಿದೆ.

ಬೆಲ್ಲಂಕೊಂಡ ಶ್ರೀನಿವಾಸ್ ಭಾಗವಹಿಸಿದ್ದರು

ಕಾಜಲ್ ಆಪ್ತ ಸ್ನೇಹಿತರಿಗೆ ಮಾತ್ರವೇ ಕಾರ್ಯಕ್ರಮಕ್ಕೆ ಆಹ್ವಾನ ಇತ್ತು ಎನ್ನಲಾಗಿದ್ದು. ಕಾರ್ಯಕ್ರಮದಲ್ಲಿ ಬೆಲ್ಲಂಕೊಂಡ ಶ್ರೀನಿವಾಸ್ ಸಹ ಭಾಗವಹಿಸಿದ್ದರಂತೆ. ಈ ಹಿಂದೆ ಕಾಜಲ್ ಹೆಸರು ಬೆಲ್ಲಂಕೊಂಡ ಶ್ರೀನಿವಾಸ್ ಜೊತೆ ಕೇಳಿಬಂದಿತ್ತು.

ಎರಡು ಪ್ರಮುಖ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ

ಸಿನಿಮಾ ವಿಷಯಕ್ಕೆ ಬರುವುದಾದರೆ ಕಾಜಲ್ ಅಗರ್ವಾಲ್ ಎರಡು ದೊಡ್ಡ ಪ್ರಾಜೆಕ್ಟ್‌ಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಕಮಲ್ ಹಾಸನ್ ಅಭಿನಯಿಸಿ ಶಂಕರ್ ನಿರ್ದೇಶಿಸುತ್ತಿರುವ ಇಂಡಿಯನ್ 2 ಹಾಗೂ ಬಾಲಿವುಡ್‌ನ ಮುಂಬೈ ಸಗಾ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.