ಕಿಚ್ಚ ಸುದೀಪ್ ಎರಡು ಚಿತ್ರಗಳು ಏಕಕಾಲಕ್ಕೆ ಬಿಡುಗಡೆ?

'ದಿ ವಿಲನ್' ನಂತರ ಎರಡು ಚಿತ್ರಗಳಲ್ಲಿ ಸುದೀಪ್ ಅಭಿನಯ

ಕಿಚ್ಚ ಸುದೀಪ್, ಸೆಂಚುರಿ ಸ್ಟಾರ್ ಶಿವಣ್ಣ ರೊಂದಿಗೆ ಅಭಿನಯಿಸುತ್ತಿರುವ 'ದಿ ವಿಲನ್' ಚಿತ್ರದ ನಂತರ ಒಟ್ಟಿಗೆ ಎರಡು ಸಿನಿಮಾಗಳಲ್ಲಿ ತೊಡಗಿಕೊಳ್ಳಲಿದ್ದಾರೆ. ಆ ಎರಡು ಚಿತ್ರಗಳೇ ಒಟ್ಟಿಗೆ ತೆರೆಕಾಣಲಿವೆ ಎಂದು ಈಗ ಗಾಂಧಿನಗರದ ಗಲ್ಲಿಯಲ್ಲಿ ಮಾತನಾಡಿಕೊಳ್ಳಲಾಗುತ್ತಿದೆ. ಆ ಚಿತ್ರಗಳೆಂದರೆ...

'ಹೆಬ್ಬುಲಿ' ನಿರ್ದೇಶಕನ ಚಿತ್ರ

ಸುದೀಪ್ ಗೆ 'ಹೆಬ್ಬುಲಿ'ಯಂತಹ ಸೂಪರ್ ಹಿಟ್ ಸಿನಿಮಾ ಡೈರೆಕ್ಟ್ ಮಾಡಿದ ನಿರ್ದೇಶಕ ಕೃಷ್ಣ ರವರು ಸುದೀಪ್ ಗೆ ಇನ್ನೊಂದು ಚಿತ್ರ ಮಾಡುತ್ತಿರುವ ಬಗ್ಗೆ ಫಿಲ್ಮಿಬೀಟ್ ನಲ್ಲಿ ಹೇಳಿದ್ವಿ. ಈ ಚಿತ್ರಕ್ಕಾಗಿ ಕೃಷ್ಣ ರವರು ಹೈದೆರಾಬಾದ್ ನಲ್ಲಿ ಸ್ಕ್ರಿಪ್ಟ್ ವರ್ಕಿಂಗ್ ನಲ್ಲಿ ತೊಡಗಿಕೊಂಡಿದ್ದಾರೆ. 'ದಿ ವಿಲನ್' ನಂತರ ಸುದೀಪ್ ರವರು ಕೃಷ್ಣ ರವರ ನಿರ್ದೇಶನದ ಚಿತ್ರದಲ್ಲಿ ತೊಡಗಿಕೊಳ್ಳಲಿದ್ದು, ಅದರ ಜೊತೆಗೆ ಇನ್ನೊಂದು ಚಿತ್ರದಲ್ಲಿ ನಟಿಸುವ ಬಗ್ಗೆ ಸುದೀಪ್ ಖಚಿತ ಪಡಿಸಿದ್ದಾರೆ.

'ಕೋಟಿಗೊಬ್ಬ 3' ಚಿತ್ರ

ಸುದೀಪ್ ರೊಂದಿಗೆ 'ಕೋಟಿಗೊಬ್ಬ 2' ಚಿತ್ರ ಮಾಡಿದ್ದ ಸೂರಪ್ಪ ಬಾಬು ಈಗ 'ಕೋಟಿಗೊಬ್ಬ 3' ನಿರ್ಮಾಣ ಮಾಡಲು ಮುಂದಾಗಿದ್ದಾರೆ. ಆದ್ದರಿಂದ ಕೃಷ್ಣ ನಿರ್ದೇಶನದ ಚಿತ್ರದ ಜೊತೆಗೆ ಸುದೀಪ್ ಈ ಚಿತ್ರದಲ್ಲೂ ತೊಡಗಿಕೊಳ್ಳುವುದಾಗಿ ಹೇಳಿರುವುದರಿಂದ ಈಗ ಗಾಂಧಿನಗರದಲ್ಲಿ ಈ ಎರಡು ಚಿತ್ರಗಳು ಒಟ್ಟಿಗೆ ತೆರೆಕಾಣಲಿವೆ ಎಂದು ಸುದ್ದಿ ಹಬ್ಬಿದೆ. ಆದರೆ 'ಕೋಟಿಗೊಬ್ಬ 3' ಚಿತ್ರಕ್ಕೆ ಇನ್ನು ನಿರ್ದೇಶಕರು ಯಾರು ಎಂಬುದು ತಿಳಿದುಬಂದಿಲ್ಲ.

ಹಾಲಿವುಡ್ ಚಿತ್ರವು ಶುರುವಾಗುವ ಸಾಧ್ಯತೆ?

ಅಂದಹಾಗೆ ಸುದೀಪ್ ಕನ್ನಡದ ಈ ಎರಡು ಚಿತ್ರಗಳ ಜೊತೆಗೆ ಆಸ್ಟ್ರೇಲಿಯಾ ಮೂಲದ ಎಡ್ಡಿ ಆರ್ಯ ಎಂಬ ನಿರ್ದೇಶಕರ ಹಾಲಿವುಡ್ ಸಿನಿಮಾ 'ರೈಸನ್' ಶೂಟಿಂಗ್ ನಲ್ಲೂ ಬಾಗಿಯಾಗುವ ಸಾಧ್ಯತೆ ಇದೆ ಎನ್ನುತ್ತಿವೆ ಮೂಲಗಳು. ಆದರೆ ಈ ಚಿತ್ರ ಯಾವಾಗ ಆರಂಭವಾಗಲಿದೆ ಎಂಬುದರ ಬಗ್ಗೆ ಖಚಿತ ಮಾಹಿತಿ ಇಲ್ಲ.