ನಭಾ ನಟೇಶ್ ಸಂಭಾವನೆ ಕೇಳಿ ನಿರ್ಮಾಪಕರು ಶಾಕ್: 'ಪಟಾಕ' ಬಗ್ಗೆ ಟಾಲಿವುಡ್ ನಲ್ಲಿ ಟೀಕೆ.!

ನಭಾ ನಟೇಶ್ ಡಿಮ್ಯಾಂಡ್ ಮಾಡುತ್ತಿರುವ ಸಂಭಾವನೆ ಎಷ್ಟು.?

ಚಿತ್ರವೊಂದರಲ್ಲಿ ನಟಿಸಲು ನಟಿ ನಭಾ ನಟೇಶ್ ನಿರ್ಮಾಪಕರ ಮುಂದೆ ಬರೋಬ್ಬರಿ 80 ಲಕ್ಷ ರೂಪಾಯಿ ಬೇಡಿಕೆ ಇಟ್ಟಿದ್ದಾರಂತೆ. ಹಾಗಂತ ತೆಲುಗು ಸಿನಿ ಅಂಗಳದಲ್ಲಿ ಗುಲ್ಲೋ ಗುಲ್ಲು.!

ನಿರ್ಮಾಪಕರು ಶಾಕ್.!

ಟಾಲಿವುಡ್ ನಲ್ಲಿ ನಭಾ ನಟೇಶ್ ನಟಿಸಿರುವುದು ಕೇವಲ ಎರಡ್ಮೂರು ಚಿತ್ರಗಳು. ಒಂದೆರಡು ಹಿಟ್ ಕೊಡುತ್ತಿದ್ದಂತೆಯೇ ನಭಾ ನಟೇಶ್ ತಮ್ಮ ಸಂಭಾವನೆಯನ್ನ ಹೈಕ್ ಮಾಡಿಕೊಂಡುಬಿಟ್ಟಿದ್ದಾರೆ. ನಭಾ ನಟೇಶ್ ಡಿಮ್ಯಾಂಡ್ ಮಾಡ್ತಿರೋ ಸಂಭಾವನೆಯನ್ನ ಕೇಳಿದ ಕೂಡಲೆ ನಿರ್ಮಾಪಕರು ಶಾಕ್ ಆಗಿದ್ದಾರಂತೆ.

ಯುವ ನಟರೊಂದಿಗೆ ಅಭಿನಯಿಸಲ್ಲ.!

ಹೆಚ್ಚು ಸಂಭಾವನೆ ಕೇಳ್ತಿರೋ ನಭಾ ನಟೇಶ್ ಇನ್ಮುಂದೆ ಯುವ ನಟ ಜೊತೆಗೆ ತೆರೆಹಂಚಿಕೊಳ್ಳುವುದಿಲ್ಲವಂತೆ. ಯುವ ನಟರ ಸಿನಿಮಾಗಳಿಗಾಗಿ ಬುಲಾವ್ ನೀಡಿದರೆ 'ಒಲ್ಲೆ' ಅಂತಿದ್ದಾರಂತೆ ನಭಾ ನಟೇಶ್. ಸ್ಟಾರ್ ನಟ ಚಿತ್ರಗಳಿಗೆ ಮಾತ್ರ ಕಾಲ್ ಶೀಟ್ ಕೊಡ್ತಾರಂತೆ ನಭಾ ನಟೇಶ್.

ಟಾಲಿವುಡ್ ನಲ್ಲಿ ಟೀಕೆ.!

ಈ ಡಿಮ್ಯಾಂಡ್ ಗಳಿಂದಾಗಿ ಟಾಲಿವುಡ್ ನಲ್ಲಿ ನಭಾ ನಟೇಶ್ ಟೀಕೆಗೆ ಗುರಿಯಾಗಿದ್ದಾರೆ. ಯಾರು ಏನೇ ಟೀಕಿಸಿದರೂ, 'ಡಿಸ್ಕೋ ರಾಜಾ' ಚಿತ್ರದ ಬಗ್ಗೆ ನಭಾ ನಟೇಶ್ ಗೆ ನಂಬಿಕೆ ಇದೆ. 'ಡಿಸ್ಕೋ ರಾಜಾ' ಹಿಟ್ ಆದರೆ ನಭಾ ನಟೇಶ್ ಗೆ ಹೆಚ್ಚು ಸಂಭಾವನೆ ಮತ್ತು ಸ್ಟಾರ್ ಹೀರೋ ಚಿತ್ರಗಳ ಆಫರ್ ಗಳೇ ಸಿಕ್ಕರೂ ಆಶ್ಚರ್ಯ ಇಲ್ಲ.!