Don't Miss!
- News Rain Alert: ಹಲವು ಜಿಲ್ಲೆಗಳಲ್ಲಿ ಭಾರಿ ಮಳೆ: ಈ ಜಿಲ್ಲೆಗಳಲ್ಲಿ ಭಾರಿ ಬಿಸಿಲು
- Sports DC vs GT IPL 2024: ಅಕ್ಷರ್, ಪಂತ್ ಭರ್ಜರಿ ಬ್ಯಾಟಿಂಗ್; ಗುಜರಾತ್ಗೆ ಸವಾಲಿನ ಗುರಿ ನೀಡಿದ ಡೆಲ್ಲಿ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Lifestyle 613 ದಿನ ಕೊರೊನಾ ವಿರುದ್ಧ ಹೋರಾಡಿ ವೃತಪಟ್ಟ ವ್ಯಕ್ತಿ..!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಪೈಲ್ವಾನ್' ಕೃಷ್ಣ ಮುಂದಿನ ಸಿನಿಮಾಗೆ ನಿಖಿಲ್ ನಾಯಕ
Recommended Video
'ಪೈಲ್ವಾನ್' ಸಿನಿಮಾದ ಮೂಲಕ ನಿರ್ದೇಶಕ ಕೃಷ್ಣ ಹ್ಯಾಟ್ರಿಕ್ ಗೆಲುವು ಸಾಧಿಸಿದ್ದಾರೆ. 'ಗಜ ಕೇಸರಿ', 'ಹೆಬ್ಬುಲಿ'ಯ ನಂತರ ಮತ್ತೆ ಕೃಷ್ಣ ವಿಜಯಯಾತ್ರೆ ಮುಂದುವರೆಸಿದ್ದಾರೆ.
ಒಂದು ಕಡೆ ಪೈರಸಿ ವಿರುದ್ಧ ಹೋರಾಟ ನಡೆಸುತ್ತಿದ್ದ ಕೃಷ್ಣ ಅದರ ಜೊತೆ ಜೊತೆಗೆ ತಮ್ಮ ಮುಂದಿನ ಸಿನಿಮಾದ ತಯಾರಿ ಮಾಡಿಕೊಳ್ಳುತ್ತಿದ್ದಾರೆ. ಇದು ಅವರ ನಾಲ್ಕನೇ ಸಿನಿಮಾವಾಗಿದ್ದು, ದೊಡ್ಡ ಪ್ರೊಡಕ್ಷನ್ಸ್ ಕಂಪನಿ ಕೃಷ್ಣ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದೆ.
ಬೆಂಕಿಯಂತೆ ಬಂದ ಅಭಿಷೇಕ್: ಅಂಬಿ ಪುತ್ರನ ಲುಕ್ ಕಂಡ ನಿಖಿಲ್ ಹೇಳಿದ್ದೇನು?
ರಾಕಿಂಗ್ ಸ್ಟಾರ್ ಯಶ್, ಕಿಚ್ಚ ಸುದೀಪ್ ರಿಗೆ ಆಕ್ಷನ್ ಕಟ್ ಹೇಳಿದ್ದ ಕೃಷ್ಣ ತಮ್ಮ ಮುಂದಿನ ಸಿನಿಮಾವನ್ನು ನಿಖಿಲ್ ಕುಮಾರ್ ಜೊತೆಗೆ ಮಾಡುವ ನಿರ್ಧಾರ ಮಾಡಿದ್ದಾರೆ. 'ಪೈಲ್ವಾನ್' ನಂತರ ಮತ್ತೊಂದು ದೊಡ್ಡ ಸಿನಿಮಾವನ್ನು ಕೃಷ್ಣ ನಿರ್ದೇಶನ ಮಾಡುತ್ತಿದ್ದಾರೆ.
ನಿಖಿಲ್ ನಾಲ್ಕನೇ ಸಿನಿಮಾಗೆ ಕೃಷ್ಣ ನಿರ್ದೇಶಕ
'ಜಾಗ್ವರ್', 'ಸೀತಾರಾಮ ಕಲ್ಯಾಣ' ಹಾಗು 'ಕುರುಕ್ಷೇತ್ರ' ಸಿನಿಮಾದ ನಂತರ ನಿಖಿಲ್ ಕುಮಾರ್ ತಮ್ಮ ನಾಲ್ಕನೇ ಸಿನಿಮಾದಲ್ಲಿ ತೊಡಗಿದ್ದಾರೆ. ಈ ಸಿನಿಮಾವನ್ನು ಕೃಷ್ಣ ನಿರ್ದೇಶನ ಮಾಡುತ್ತಿದ್ದಾರೆ. ಇದು ಕೃಷ್ಣ ಹಾಗೂ ನಿಖಿಲ್ ಇಬ್ಬರಿಗೂ ನಾಲ್ಕನೇ ಸಿನಿಮಾವಾಗಿದೆ. ಮೊದಲ ಬಾರಿಗೆ ಈ ಜೋಡಿ ಒಟ್ಟಿಗೆ ಸಿನಿಮಾ ಮಾಡುತ್ತಿದೆ.
Lyca ಪ್ರೊಡಕ್ಷನ್ ಹೌಸ್ ನಿರ್ಮಾಣ
Lyca ಪ್ರೊಡಕ್ಷನ್ ಹೌಸ್ ನಟ ನಿಖಿಲ್ ಕುಮಾರ್ ಗೆ ಒಂದು ಸಿನಿಮಾ ನಿರ್ಮಾಣ ಮಾಡುತ್ತಿದೆ ಎನ್ನುವ ಸುದ್ದಿ ಅನೇಕ ದಿನಗಳಿಂದ ಇತ್ತು. ಈಗ ಈ ಸಿನಿಮಾ ಪ್ರಾರಂಭ ಆಗುತ್ತಿದ್ದು, ನಿರ್ಮಾಣ ಸಂಸ್ಥೆ ಜೊತೆಗೆ ಕೃಷ್ಣ ಕೈ ಜೋಡಿಸಿದ್ದಾರೆ. Lyca ಪ್ರೊಡಕ್ಷನ್ ಹೌಸ್ '2.0' ಚಿತ್ರ ಬಂಡವಾಳ ಹಾಕಿದ್ದು, 'ಇಂಡಿಯಾನ್ 2' ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದೆ.
'ನಿಖಿಲ್ ಸೂಪರ್ ಆಗಿ ಆಕ್ಟ್ ಮಾಡಿದ್ದಾನೆ' ಅಂದ್ರು ಸುಮಲತಾ
ವಿಶೇಷವಾಗಿರುತ್ತೆ ನಿಖಿಲ್ ಪಾತ್ರ
ಈ ಸಿನಿಮಾ ಬೇರೆಯದ್ದೆ ಜಾನರ್ ನಲ್ಲಿ ಇರಲಿದೆಯಂತೆ. ಹಾಗೆಯೇ ನಾಯಕ ನಟ ನಿಖಿಲ್ ಕುಮಾರ್ ಪಾತ್ರ ಕೂಡ ವಿಶೇಷವಾಗಿ ಇರಲಿದೆಯಂತೆ. ನಿಖಿಲ್ ತಮ್ಮ ಹಿಂದಿನ ಸಿನಿಮಾಗಳಲ್ಲಿ ಪಾತ್ರಕ್ಕೆ ಮಾಡಿದ ತಯಾರಿಗಳನ್ನು ನೋಡಿದ್ದ ನಿರ್ಮಾಣ ಸಂಸ್ಥೆ ಅವರಿಗಾಗಿ ಈ ಸಿನಿಮಾ ಮಾಡಲು ಮುಂದೆ ಬಂದಿದೆ. ಈ ಹೊಸ ಸಿನಿಮಾದ ಶೀರ್ಷಿಕೆ ಇನ್ನು ನಿರ್ಧಾರ ಆಗಿಲ್ಲ.
2020ಕ್ಕೆ ಶುರು ಆಗಬಹುದು
ನಿರ್ದೇಶಕ ಕೃಷ್ಣ ಹಾಗೂ Lyca ಪ್ರೊಡಕ್ಷನ್ ಹೌಸ್ ನಡುವೆ ಈ ಹೊಸ ಸಿನಿಮಾದ ಬಗ್ಗೆ ಮಾತುಕತೆ ನಡೆಯುತ್ತಿದೆ. ಈ ಸಿನಿಮಾ ಮುಂದಿನ ವರ್ಷ 2020 ವೇಳೆಗೆ ಶುರು ಆಗಬಹುದು. Lyca ಪ್ರೊಡಕ್ಷನ್ ಹೌಸ್ ನಿರ್ಮಾಣ ಮಾಡುತ್ತಿರುವ ಮೊದಲ ಕನ್ನಡ ಸಿನಿಮಾ ಇದಾಗಿದೆ. ಈಗಾಗಲೇ ಅದ್ದೂರಿ ಸಿನಿಮಾಗಳ ನಿರ್ಮಾಣದಿಂದ ಗುರುತಿಸಿಕೊಂಡಿರುವ ಈ ಕಂಪನಿ ಈಗ ಮತ್ತೊಂದು ದೊಡ್ಡ ಪ್ರಾಜೆಕ್ಟ್ ಸಿದ್ಧ ಮಾಡುತ್ತಿದೆ.