ಇನಿಯನ ಜೊತೆ ರೆಡ್ ಹ್ಯಾಂಡಾಗಿ ಸಿಕ್ಕ ವೀಣಾ

ಕಥಾ ನಾಯಕಿ ವೀಣಾ, ನಾಯಕ ಹೇಮಂತ್

ಬಾಲಿವುಡ್ ಬಿಂದಾಸ್ ಬೇಡಿ, ಸ್ಯಾಂಡಲ್‌ವುಡ್ 'ಡರ್ಟಿ' ಗರ್ಲ್, ಪಾಕಿಸ್ತಾನದಿಂದ ಆಮದು ಮಾಡಿಕೊಂಡ ನಟಿ ವೀಣಾ ಮಲಿಕ್ ವಿಷಯದಲ್ಲಿ ಆಗಿದ್ದುದೂ ಅದೇ. ಹೇಮಂತ್ ಮಧುಕರ್ ಎಂಬ ನಿರ್ದೇಶಕ ಹಠಾತ್ತಾಗಿ ವೇದಿಕೆ ಮೇಲೆ ಬಂದು ವೀಣಾ ಮಲಿಕ್‌ಳನ್ನು ಮಾತ್ರವಲ್ಲ ಅಲ್ಲಿ ನೆರೆದಿದ್ದ ಎಲ್ಲರನ್ನೂ ನಿಬ್ಬೆರಗಾಗಿಸಿದ್ದಾರೆ.

ಅಷ್ಟರಲ್ಲಿ ಎಂಟ್ರಿ ಆಯ್ತಲ್ಲ...

ಅದು ತೆಲುಗು ಚಿತ್ರವೊಂದರ ಆಡಿಯೋ ಬಿಡುಗಡೆಯ ಕಾರ್ಯಕ್ರಮ. ವೇದಿಕೆಯ ಮೇಲೆ ಎಸ್ ಪಿ ಬಾಲಸುಬ್ರಮಣ್ಯಂ ಸೇರಿದಂತೆ ಚಿತ್ರದ ನಿರ್ಮಾಪಕ, ನಿರ್ದೇಶಕರೆಲ್ಲ ಕುಳಿತಿದ್ದರು. ಬೆಳ್ಳಿಯಿಂದಲೇ ಅಲಂಕರಿಸಿದ್ದಂತಹ ಸೀರೆ ತೊಟ್ಟಿದ್ದ, ತೋಳಿಲ್ಲದ ರವಿಕೆ ಧರಿಸಿದ್ದ, ಕೃತಕ ಹೂ ಮುಡಿದಿದ್ದ ವೀಣಾ ಮಲಿಕ್ ಕುರ್ಚಿಯನ್ನು ಕುಳಿತಿದ್ದರು. ಅಷ್ಟರಲ್ಲಿ ಎಂಟ್ರಿ ಆಯ್ತಲ್ಲ...

ಮಲ್ಲಿಗೆಯಂತೆ ಅರಳಿದ ವೀಣಾ ಮಲಿಕ್

ಇದೊಂದು ಪೂರ್ವನಿಯೋಜಿತ ತಂತ್ರವಾಗಿತ್ತೋ ಇಲ್ಲವೋ ಬಲ್ಲವರಾರು? ಆದರೆ, ಹೇಮಂತ್ ಉಪಸ್ಥಿತಿ ವೀಣಾಳ ಮುಖವನ್ನಂತೂ ಮಲ್ಲಿಗೆಯಂತೆ ಅರಳಿಸಿತ್ತು. ಎರಡೂ ಕಿವಿಯವರೆಗೆ ಹಿಗ್ಗಿದ ತುಟಿಗಳು ಅವರಿಬ್ಬರು ಗುಸುಗುಸು ಮಾತುಗಳು ಮುಗಿಯುವವರೆಗೆ ಮೊದಲಿನ ಸ್ಥಿತಿಗೆ ಮರಳಿರಲಿಲ್ಲ. ಪಿಸುಪಿಸು ಮಾತುಗಳ ನಡುವೆ ನಗು, ನಗುನಗುತಲೇ ಪ್ರೇಮದ ಸಲ್ಲಾಪ...

ಪಬ್ಲಿಕ್ ಆಗಿ ಕಂಡಿದ್ದು ಇದೇ ಮೊದಲಂತೆ

ಇವರಿಬ್ಬರ ನಡುವೆ ಏನೋ ನಡೀತಿದೆ ಎಂದು ಎಲ್ಲರಿಗೂ ಗುಮಾನಿಯಿತ್ತು. ಇತ್ತೀಚೆಗೆ ಚೋರಿಚೋರಿ ಚುಪ್ಕೆಚುಪ್ಕೆ ವಿದೇಶಕ್ಕೆ ಹಾರಿ ಮಜಾ ಮಾಡಿ ಬಂದಿತ್ತು ಗುಟ್ಟಾಗೇನೂ ಉಳಿದಿಲ್ಲ. ಆದರೆ, ಇಬ್ಬರು ಇಷ್ಟು ಆತ್ಮೀಯವಾಗಿದ್ದ ಸ್ಥಿತಿಯಲ್ಲಿ ಒಟ್ಟಿಗೆ ಎಲ್ಲೂ ಕಾಣಿಸಿಕೊಂಡಿರಲಿಲ್ಲ. ಇನ್ನು ಕಾಣಿಸಿಕೊಂಡ ಮೇಲೆ ಛಾಯಾಗ್ರಾಹಕರಿಗೆ ಇನ್ನೇನು ಕೆಲಸ? ಕ್ಲಿಕ್ಕಿಸಿದ್ದೇ ಕ್ಲಿಕ್ಕಿಸಿದ್ದು.

ಮುಂದಿನ ಭವಿಷ್ಯಕ್ಕೆ ಈಗಿಂದಲೇ ಪ್ಲಾನಿಂಗ್?

'ದಿ ಸಿಟಿ ದಟ್ ನೆವರ್ ಸ್ಲೀಪ್ಸ್' ಚಿತ್ರದಲ್ಲಿ ವೀಣಾ ಮಲಿಕ್ ಅತಿ ಹೆಚ್ಚು ಮುತ್ತುಗಳನ್ನು ನೀಡಿ ಗಿನ್ನೆಸ್ ದಾಖಲೆ ನಿರ್ಮಿಸಲಿದ್ದಾರಂತೆ. ಅದರ ರಿಹರ್ಸಲ್ ಮಾಡಲೆಂದೇ ವೀಣಾ ಅವರು ಹೇಮತ್ ಜೊತೆ ಫಾರಿನ್ನಿಗೆ ಹೋಗಿದ್ದರಾ ಎಂದು ಪಡ್ಡೆಗಳು ಮಾತನಾಡಿಕೊಳ್ಳುತ್ತಿವೆ. ಏನೇ ಆಗಲಿ ಈ ಬಂಧವನ್ನು ಇಲ್ಲಿಗೇ ಬಿಡದೆ, ಸಂಬಂಧ ಕುದುರಿಸಿ ಇಬ್ಬರು ಮದುವೆ ಮಾಡಿಕೊಂಡು ನೂರುಕಾಲ ಬಾಳಲಿ.

ವೀಣಾಳ ಡರ್ಟಿ ಪಿಕ್ಚರ್ ಯಾವಾಗ ಬಿಡುಗಡೆ?

ವೀಣಾ ಮಲಿಕ್ ನಟಿಸುತ್ತಿರುವ 'ಡರ್ಟಿ ಪಿಕ್ಚರ್ - ಸಿಲ್ಕ್ ಸಖತ್ ಹಾಟ್ ಮಗಾ' ಕನ್ನಡ ಚಿತ್ರ ಈಗ ವಿವಾದದ ಸುಳಿಯಲ್ಲಿ ಸಿಲುಕಿದೆ. ವಿದ್ಯಾ ಬಾಲನ್ ನಟಿಸಿದ್ದ 'ದಿ ಡರ್ಟಿ ಪಿಕ್ಚರ್' ಚಿತ್ರದ ನಕಲು ಎಂಬ ಕಾರಣಕ್ಕೆ ಕನ್ನಡ ಚಿತ್ರ ಈಗ ಮುಂಬೈ ಹೈಕೋರ್ಟ್ ಮೆಟ್ಟಿಲೇರಿದೆ. ಈ ಪಾತ್ರಕ್ಕಾಗಿ ವೀಣಾ ಸಾಕಷ್ಟು ಮೈತುಂಬಿಕೊಂಡಿದ್ದರು. [ಕಪ್ಪು ಸೀರೆಯಲ್ಲಿ ಮಿಂಚಿದ ವೀಣಾ]