ಮುಖಪುಟ

ಗಾಸಿಪ್

ಕನ್ನಡದ 'ಡರ್ಟಿ ಪಿಕ್ಚರ್; ಸಿಲ್ಕ್ ಸಖತ್ ಹಾಟ್ ಮಗಾ' ಚಿತ್ರದಲ್ಲಿ ನಟಿಸಿರುವ ಪಾಕಿಸ್ತಾನ ಮೂಲದ ನಟಿ ವೀಣಾ ಮಲಿಕ್ ಈ ಚಿತ್ರದ ಐಟಂ ಸಾಂಗ್ ಒಂದನ್ನು ಹಾಡಲಿದ್ದಾರೆ. ಬರುವ ತಿಂಗಳು ಆಗಸ್ಟ್ ನಲ್ಲಿ ಐಟಂ ಸಾಂಗ್ ಹಾಡಲು ಬೆಂಗಳೂರಿಗೆ ಬರುವುದಾಗಿ ಸ್ವತಃ ವೀಣಾ ಮಲಿಕ್, ತಿಳಿಸಿದ್ದಾರೆ. ಅಷ್ಟೇ ಅಲ್ಲ, ಈ ಹಾಡು ಚಿತ್ರದಲ್ಲಿ ಭಾರೀ ಜನಮನ್ನಣೆ ಪಡೆಯಲಿದೆ ಎಂಬ ಭವಿಷ್ಯವನ್ನೂ ವೀಣಾ ಹೇಳಿದ್ದಾರೆ.

ಕನ್ನಡದ ಈ ಚಿತ್ರದ ಚಿತ್ರೀಕರಣವನ್ನು ಮುಗಿಸಿರುವ ವೀಣಾ, ಇತ್ತೀಚಿಗಷ್ಷೇ ತಮ್ಮ ಹುಟ್ಟೂರು ಪಾಕಿಸ್ತಾನಕ್ಕೆ ಮರಳಿದ್ದಾರೆ. ಮತ್ತೆ ಆಗಸ್ಟ್ ನಲ್ಲಿ ಬರಲಿರುವ ವೀಣಾ, ಈ ಚಿತ್ರದಲ್ಲಿ ಹಾಡುವುದು ಮಾತ್ರವಷ್ಟೇ ಅಲ್ಲ, ಇನ್ನೊಂದು ಕನ್ನಡ ಚಿತ್ರಕ್ಕೆ ಸಹಿಯನ್ನೂ ಹಾಕಲಿದ್ದಾರೆ ಎಂಬುದು ಗಾಂಧಿನಗರದಿಂದ ಬಂದಿರುವ ವರ್ತಮಾನ. ಆದರೆ ಆ ಬಗ್ಗೆ ಅಧಿಕೃತ ಮಾಹಿತಿ ಬರಬೇಕಾಗಿದೆ.

ಅಂದಹಾಗೆ, ವೀಣಾ ಈ ಚಿತ್ರಕ್ಕಾಗಿ ಐಟಂ ಸಾಂಗ್ ಹಾಡಲಿದ್ದಾರೆ ಅಷ್ಟೇ. ಬದಲು ಈ ಹಾಡಿಗೆ ಅವರು ಹೆಜ್ಜೆ ಹಾಕುತ್ತಿಲ್ಲ. ವೀಣಾ ಹಾಡಿದ ಮೇಲೆ ಕುಣಿಯದಿರುತ್ತಾರಾ ಎಂಬ ನಿಮ್ಮ ಎಣಿಕೆ ಈ ಬಾರಿ ತಪ್ಪಿದೆ. ಆದರೆ ನೀವೆಲ್ಲಾ ಕುಣಿಯುವಂತೆ ಆಕೆ ಹಾಡಿದರೆ ಸಾಲು ಎಂದು ನೀವು ನಂಬುವ ದೇವರಿಗೆ ಹರಕೆ ಹೊತ್ತುಕೊಳ್ಳಬಹುದು. ಏಕೆಂದರೆ ಕುಣಿಯಲು ಬೇರೆ ಒಬ್ಬರು ಬರಲಿದ್ದಾರೆ, ಕಾದು ನೋಡಿ...

ಸಿಕ್ಕ ಸುದ್ದಿಯ ಪ್ರಕಾರ, ಈ ಐಟಂ ಹಾಡಿನಲ್ಲಿ ಸಟಿಸಲು ಪೂನಂ ಪಾಂಡೆಗೆ ಗಾಳ ಹಾಕಲಾಗಿತ್ತು. ಆದರೆ ಆಕೆ ಗಾಳಕ್ಕೆ ಸಿಕ್ಕಿಲ್ಲ. ಈಗ ಚಿತ್ರತಂಡದ ಚಿತ್ತ ಝರಿನ್ ಖಾನ್, ಅಮೀಶಾ ಪಟೇಲ್ ಅಥವಾ ಜಿಯಾ ಖಾನ್ ಅವರುಗಳತ್ತ ಹರಿದಿದೆ. ಅಂದುಕೊಂಡಂತೆ ನಡೆದರೆ ಅವರಲ್ಲೊಬ್ಬರು ಈ ಹಾಡಿಗೆ ಕುಣಿಯಬಹುದು, ಇಲ್ಲದಿದ್ದರೆ ಯಾರು ಕಾಲು ಕುಣಿಯುತ್ತೆ ಎಂಬುದನ್ನು ಕಾದು ನೋಡಬೇಕಷ್ಟೇ. (ಒನ್ ಇಂಡಿಯಾ ಕನ್ನಡ)