ಗೋವಾದಲ್ಲಿ ಮಿಲ್ಕಿ ಬ್ಯೂಟಿ ತಮನ್ನಾ ವಿಡಿಯೋ ವೈರಲ್: ಇಲ್ಲಿದೆ ಡಿಟೈಲ್ಸ್

ಗೋವಾದಲ್ಲಿ ಹೊಸ ವರ್ಷಾಚರಣೆ

ತಮನ್ನಾ ಗೋವಾದಲ್ಲಿ ಹೊಸ ವರ್ಷ ಸ್ವಾಗತಿಸಿದ್ದಾರೆ. ಪಾರ್ಟಿಯಲ್ಲಿ ರೆಡ್ ಕಲರ್ ಡ್ರೆಸ್‌ನಲ್ಲಿ ಮಿಲ್ಕಿ ಬ್ಯೂಟಿ ಮಿಂಚಿದ್ದಾರೆ. ಎಲ್ಲರೂ ಪಾರ್ಟಿ ಮೂಡ್‌ನಲ್ಲಿ ಇದ್ದಾಗ ತಮನ್ನಾ ಒಬ್ಬ ವ್ಯಕ್ತಿ ಜೊತೆ ಬಹಳ ಆತ್ಮೀಯವಾಗಿ ಕಾಣಿಸಿಕೊಂಡಿದ್ದಾರೆ. ಆತನನ್ನು ತಬ್ಬಿಕೊಂಡು ಮುದ್ದಾಡಿರುವ ಫೋಟೊಗಳು, ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ. ಆತ ಯಾರು ಎಂದು ನೆಟ್ಟಿಗರು ಹುಡುಕಾಟ ಶುರು ಮಾಡಿದ್ದಾರೆ.

ವಿಜಯ್ ವರ್ಮಾ ಜೊತೆ ಡೇಟಿಂಗ್?

ನಟಿ ತಮನ್ನಾ ಹೀಗೆ ಬಹಳ ಆತ್ಮೀಯವಾಗಿ ಕಾಣಿಸಿಕೊಂಡಿರುವುದು ಖಳ ನಟ ವಿಜಯ್ ವರ್ಮಾ ಜೊತೆ ಎನ್ನಲಾಗ್ತಿದೆ. ಇವರಿಬ್ಬರು ಪ್ರೇಮಪಾಶಕ್ಕೆ ಸಿಲುಕಿದ್ದಾರೆ ಎಂದು ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆ ನಡೀತಿದೆ. ಸದ್ಯಕ್ಕೆ ಇಬ್ಬರೂ ಕದ್ದುಮುಚ್ಚಿ ಡೇಟಿಂಗ್ ಮುಂದುವರೆಸಿದ್ದಾರೆ ಎನ್ನಲಾಗ್ತಿದೆ. 'ಸೂಪರ್ 30', 'ಗಲ್ಲಿ ಬಾಯ್', 'ಭಾಗಿ- 3' ಸೇರಿದಂತೆ ಒಂದಷ್ಟು ಹಿಂದಿ ಸಿನಿಮಾಗಳಲ್ಲಿ ವಿಜಯ್ ವರ್ಮಾ ನಟಿಸಿದ್ದಾರೆ. ಒಂದು ತೆಲುಗು ಚಿತ್ರದಲ್ಲೂ ಬಣ್ಣ ಹಚ್ಚಿದ್ದಾರೆ.

'ಲಸ್ಟ್ ಸ್ಟೋರಿಸ್-2'ನಲ್ಲಿ ನಟನೆ

4 ವರ್ಷಗಳ ಹಿಂದೆ 'ಲಸ್ಟ್ ಸ್ಟೋರಿಸ್' ಆಂಥಾಲಜಿ ಸಿನಿಮಾ ಹಿಟ್ ಆಗಿತ್ತು. ಇದರ ಮುಂದುವರೆದ ಭಾಗ ಶೂಟಿಂಗ್ ನಡೀತಿದೆ. ತಮನ್ನಾ ಹಾಗೂ ವಿಜಯ್ ವರ್ಮಾ ಈ ವೆಬ್‌ ಸೀರಿಸ್‌ನಲ್ಲಿ ನಟಿಸ್ತಿದ್ದಾರೆ. ಶೂಟಿಂಗ್ ಸೆಟ್‌ನಲ್ಲಿ ಮೊದಲಿಗೆ ಇಬ್ಬರ ಭೇಟಿ ಮಾಡಿದ್ದರಂತೆ. ಅದೇ ಪರಿಚಯ ಮುಂದೆ ಸ್ನೇಹಕ್ಕೆ ತಿರುಗಿ ಈಗ ಪ್ರೀತಿ ಆಗಿ ಬದಲಾಗಿದೆ ಎನ್ನಲಾಗ್ತಿದೆ.

3 ಸಿನಿಮಾಗಳಲ್ಲಿ ತಮನ್ನಾ

ಸದ್ಯಕ್ಕೆ ದೊಡ್ಡ ಪ್ರಾಜೆಕ್ಟ್‌ಗಳು ತಮನ್ನಾ ಕೈಯಲ್ಲಿ ಇಲ್ಲ. ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲೂ ಚೆಲುವೆ ನಟಿಸುತ್ತಿಲ್ಲ. 'ಭೋಳಾ ಶಂಕರ್' ಚಿತ್ರದಲ್ಲಿ ಮೆಗಾಸ್ಟಾರ್ ಚಿರಂಜೀವಿ ಜೋಡಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ಬಾಲಿವುಡ್‌ನ 'ಬೊಲೆ ಚುಡಿಯಾ', 'ಬಂದ್ರಾ' ಸಿನಿಮಾಗಳಲ್ಲೂ ಮಿಲ್ಕಿ ಬ್ಯೂಟಿ ನಟಿಸುತ್ತಿದ್ದಾರೆ.