Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇಂಡಿಯಾ ಟ್ರಿಪ್ ಕ್ಯಾನ್ಸಲ್! ಏನ್ ಮಾಡೋನ?
ಈ ಸೆಲೆಬ್ರಿಟಿಗಳು ಯಾವ ಪರಿ ಸೆಕ್ರೆಟ್ಗಳನ್ನು ಕಾಯ್ದುಕೋತಾರಂದ್ರೆ ಮಾಧ್ಯಮದ ಹದ್ದಿನ ಕಣ್ಣಿಗೆ ಬಿದ್ದು ಗುಟ್ಟು ರಟ್ಟಾದದ್ದೇ ತಡ ಇದ್ದಲ್ಲಿಂದಲೇ ಮಾಯ. ಖಾಸಗಿಯಾಗಿ ವರ್ಷದ ಕೊನೆಯನ್ನು ಹಾಯಾಗಿ ಕಳೆಯೋಣವೆಂದರೆ ಪಾಪರಾಜ್ಜಿಗಳು ಬಿಡಬೇಕಲ್ಲ. ಮಾಧ್ಯಮದವರಿಗೋ ಸುದ್ದಿ ಬೇಕು. ಎಂಥವರನ್ನೂ ಬಿಡುವುದಿಲ್ಲ ಇನ್ನು ಮಾಡೋನಾಳನ್ನು ಬಿಡ್ತಾರೆಯೇ?
ಅಂತೂ ಇಂತೂ ಗುಟ್ಟು ಗುಟ್ಟಾಗಿ ವರ್ಷದ ಕೊನೆಯ ರಜಾ ಕಳೆಯೋಣವೆಂದು ಭಾರತಕ್ಕೆ ಬಂದಿದ್ದ ಅಂತಾರಾಷ್ಟ್ರೀಯ ಪಾಪ್ ತಾರೆ ಮಾಡೋನಾ, ಮಾಧ್ಯಮದವರಿಗೆ ಈ ವಿಷಯ ಗೊತ್ತಾಗುತ್ತಿದ್ದಂತೆಯೇ ವಿಪರೀತ ಬೇಜಾರು ಮಾಡಿಕೊಂಡು ಗಂಟುಮೂಟೆ ಕಟ್ಟಿದ್ದಾರೆ ಪಾಪ, ಏನ್ ಮಾಡೋಣ.
49ರ ಹರೆಯದ ಮಾಡೋನಾ ತನ್ನ ಗಂಡ ಗೈ ರಿಚೀ, ಮೂರು ಮಕ್ಕಳು ಲೋರ್ಡೆಸ್, ರೊಕ್ಕೊ ಮತ್ತು ಡೆವಿಡ್ ಬಂಡಾ ಹಾಗು ಕೆಲ ಗೆಳೆಯರೊಂದಿಗೆ ರಾಜಸ್ತಾನಕ್ಕೆ ಬಂದಿದ್ದಳು. ಮಾಡೋನಾಗೋ ಕುದುರೆಗಳೆಂದರೆ ವಿಪರೀತ ಹುಚ್ಚು. ಹಾಗೆಯೇ ಗಂಡ ಮಕ್ಕಳೊಂದಿಗೆ ಕುದುರೆಯ ಮೇಲೆ ಸುತ್ತಾಡಿಯೂ ಬಂದಳು. ಆದರೆ ಕುದುರೆಯ ಖರಪುಟ ಸದ್ದು ಸುಮ್ಮನಿರಲು ಸಾಧ್ಯವೇ? ಕೊನೆಗೂ ಮಾಧ್ಯಮದವರ ಕಣ್ಣಿಗೆ ಬಿದ್ದೇ ಬಿಟ್ಟಿದ್ದಾಳೆ. ಮುಂದಿನ ಯೋಜನೆಯ ಪ್ರಕಾರ ಜೈಸಲ್ಮೇರ್ಗೆ ಹೋಗಬೇಕಾಗಿತ್ತು. ಆದರೆ ಇದ್ದಕ್ಕಿದ್ದಂತೆ ಎಲ್ಲ ಕಾರ್ಯಕ್ರಮಗಳನ್ನು ರದ್ದು ಮಾಡಿ ವಾಪಸಾಗುತ್ತಿದ್ದಾಳೆ. ಈ ಕಾರಣದಿಂದಲೇ ವಾಹನ ಮತ್ತು ಅದರ ಚಾಲಕರನ್ನೂ ಬದಲಾಯಿಸಿದ್ದಾಳೆ, ಏನ್ ಮಾಡೋಣ ಹೇಳಿ.
ಭಾರತದ ಕುದುರೆಗಳಿಗೆ, ಆತಿಥ್ಯಕ್ಕೆ ಮತ್ತು ಇಲ್ಲಿನ ಸಂಗೀತಕ್ಕೆ ಮಾರುಹೋಗಿರುವ 'ಮಟೀರಿಯಲ್ ಗರ್ಲ್' ಗಾಯಕಿ ಮುಂದೊಂದು ದಿನ ಪಾಶ್ಚಿಮಾತ್ಯ ಮತ್ತು ಭಾರತೀಯ ಸಂಗೀತ ಮಿಲಾಕತ್ ಮಾಡಿದ ಫ್ಯೂಷನ್ ಟ್ರಾಕ್ ತರುವುದಾಗಿ ಹೇಳಿದ್ದರು. ಈಗ ನೋಡಿದರೆ ಕಣ್ಣಾಮುಚ್ಚಾಲೆ ಆಡುತ್ತಲೇ ಸಿಗ್ಹಾಕ್ಕೊಂಡುಬಿಟ್ಟಿದ್ದಾಳೆ. ಹೀಗಾಗಬಾರದಿತ್ತು ಪಾಪ. ಏನ್ ಮಾಡೋಣ, ಇದೆಲ್ಲಾ ಇದ್ದದ್ದೇ!
(ಏಜೆನ್ಸಿ)