twitter
    For Quick Alerts
    ALLOW NOTIFICATIONS  
    For Daily Alerts

    'ಟೈಟಾನಿಕ್' ನಟಿ ಗ್ಲೋರಿಯಾ ಸ್ಟುವರ್ಟ್ ನಿಧನ

    By Mahesh
    |

    ಹಾಲಿವುಡ್ ನ ಆ ಕಾಲದ ಸುಂದರಿ, ಐತಿಹಾಸಿಕ ಟೈಟಾನಿಕ್ ಚಲನಚಿತ್ರದಲ್ಲಿ ಪೋಷಕ ನಟಿಯಾಗಿ ಪಾತ್ರ ವಹಿಸಿದ್ದ ಗ್ಲೋರಿಯಾ ಸ್ಟುವರ್ಟ್ ನೂರನೆ ವಯಸ್ಸಿನಲ್ಲಿ ಲಾಸ್ ಏಂಜೆಲ್ಸ್‌ನ ತಮ್ಮ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ ಎಂಬ ಸುದ್ದಿ ತಡವಾಗಿ ಬೆಳಕಿಗೆ ಬಂದಿದೆ.

    1930ರ ದಶಕದ ಹಾಲಿವುಡ್ ಸುಂದರಿ ಎಂದು ಹೆಸರಾಗಿದ್ದ ಗ್ಲೋರಿಯಾ ಕಳೆದ ಮೂವತ್ತು ವರ್ಷಗಳಿಂದ ಚಿತ್ರರಂಗದಿಂದ ದೂರವುಳಿದಿದ್ದರು. ಅವರ ಹೆಸರನ್ನು ಅಕಾಡಮಿ ಪುರಸ್ಕಾರಕ್ಕೂ ಸೂಚಿಸಲಾಗಿದ್ದು, ಇದುವರೆಗೆ ನಾಮ ನಿರ್ದೇಶನಗೊಂಡವರಲ್ಲಿ ಅತ್ಯಂತ ಹಿರಿಯ ವ್ಯಕ್ತಿಯೆಂದು ಪರಿಗಣಿಸಲಾಗಿತ್ತು. ಗ್ಲೋರಿಯಾ ಉಸಿರಾಟದ ತೊಂದರೆಯಿಂದಾಗಿ ತಮ್ಮ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ ಎಂದು ಅವರ ಪುತ್ರಿ ಸಿಲ್ವಿಯಾ ಥಾಂಪ್ಸನ್ ತಿಳಿಸಿದ್ದಾರೆ.

    ಗ್ಲೋರಿಯಾ ಕಳೆದ ಐದು ವರ್ಷಗಳಿಂದ ಗಂಟಲು ಕ್ಯಾನ್ಸರ್‌ನಿಂದ ಬಳಲುತ್ತಿದ್ದು, ಚಿಕಿತ್ಸೆ ಪಡೆಯುತ್ತಿದ್ದರು ಎಂದು ಥಾಂಪ್ಸನ್ ವಿವರಿಸಿದ್ದಾರೆ. ತಮ್ಮ ಯೌವ್ವನದಲ್ಲಿ ಹೊಂಬಣ್ಣದ ಕೂದಲಿನ ಚೆಲುವೆಯಾಗಿದ್ದ ಗ್ಲೋರಿಯಾ ಸ್ಟುವರ್ಟ್ 'ದಿ ಇನ್‌ವಿಸಿಬಲ್ ಮ್ಯಾನ್', 'ಗೋಲ್ಡ್ ಡಿಗ್ಗರ್ಸ್‌ ಆಫ್ 1935', 'ಪೂವರ್ ಲಿಟ್ಲ್ ರಿಚ್ ಗರ್ಲ್', 'ರೆಬೆಕ್ಕಾ ಆಫ್ ಸನ್ನಿಬ್ರೂಕ್ ಫಾರ್ಮ್' ಮೊದಲಾದ ಚಿತ್ರಗಳಲ್ಲಿ ತಾರೆಯಾಗಿ ಪ್ರೇಕ್ಷಕರ ಗಮನ ಸೆಳೆದಿದ್ದರು.

    ಟೈಟಾನಿಕ್ ಅಜ್ಜಿಗೆ ನಾಲ್ಕು ಮೊಮ್ಮಕ್ಕಳು, 12 ಜನ ಮರಿಮೊಮ್ಮಕ್ಕಳಿದ್ದಾರೆ. ಹಾಲಿವುಡ್ ನಟ ಟೈಟಾನಿಕ್ ಚಿತ್ರದ ಹೀರೋ ಲಿಯಾನಾರ್ಡೊ ಡಿ ಕಾರ್ಪಿಯೋ ಸೇರಿದಂತೆ ಹಲವಾರು ಪ್ರಮುಖರು ಗ್ಲೋರಿಯಾ ಅವರ ನಿಧನಕ್ಕೆ ಕಂಬನಿ ಮಿಡಿದಿದ್ದಾರೆ. ಹಾಲಿವುಡ್ ನ ಶತಮಾನದ ಸೌಂದರ್ಯವತಿ ನಟಿ ಕಳೆದುಕೊಂಡ ದುಃಖ ಆವರಿಸಿದೆ ಎಂದು ಲಿಯನಾರ್ಡೊ ಪ್ರತಿಕ್ರಿಯಿಸಿದ್ದಾರೆ.

    Wednesday, September 29, 2010, 14:24
    IIFA

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X