ಅವತಾರ್ 2 ಮೊದಲ ದಿನ ಭಾರತದ ಯಾವ ರಾಜ್ಯದಲ್ಲಿ ಹೆಚ್ಚು ಕಲೆಕ್ಷನ್ ಮಾಡಿದೆ?

ಯಾವ ರಾಜ್ಯದಲ್ಲಿ ಹೆಚ್ಚು ಕಲೆಕ್ಷನ್?

ಅವತಾರ್ ದ ವೇ ಆಫರ್ ಚಿತ್ರ ಭಾರತದಲ್ಲಿ ಇಂಗ್ಲಿಷ್ ಮಾತ್ರವಲ್ಲದೆ ಕನ್ನಡ, ತೆಲುಗು, ತಮಿಳು, ಮಲಯಾಳಂ ಹಾಗೂ ಹಿಂದಿ ಭಾಷೆಗಳಲ್ಲಿಯೂ ದೊಡ್ಡ ಮಟ್ಟದಲ್ಲಿ ಬಿಡುಗಡೆಯಾಗಿತ್ತು. ಹೀಗಾಗಿ ಅವತಾರ್ ದೇಶದಲ್ಲಿ ಒಳ್ಳೆಯ ಕಲೆಕ್ಷನ್ ಅನ್ನೇ ಮಾಡಿದ್ದು, ತೆಲಂಗಾಣ ಹಾಗೂ ಆಂಧ್ರ ಪ್ರದೇಶ ರಾಜ್ಯಗಳಲ್ಲಿ ಅತಿಹೆಚ್ಚು ಗಳಿಸಿದೆ. ಭಾರತದಲ್ಲಿ ಅವತಾರ್ 2 ಗಳಿಸಿದ ಹಣದಲ್ಲಿ ಶೇಕಡಾ 20%ಗೂ ಹೆಚ್ಚು ಕಲೆಕ್ಷನ್ ಈ ರಾಜ್ಯಗಳಿಂದಲೇ ಬಂದಿದೆ. ಈ ರಾಜ್ಯಗಳಲ್ಲಿ ಅವತಾರ್ ದ ವೇ ಆಫ್ ವಾಟರ್ ಮೊದಲ ದಿನ 15.36 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡಿದೆ. ಈ ಮೂಲಕ ತೆಲುಗು ಜನತೆ ಮತ್ತೊಮ್ಮೆ ತಮ್ಮ ಸಿನಿಮಾ ಪ್ರೇಮವನ್ನು ತೋರಿಸಿದ್ದಾರೆ. ಚಿತ್ರ ಈ ರಾಜ್ಯಗಳಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದ ಹಾಲಿವುಡ್ ಸಿನಿಮಾ ಎನಿಸಿಕೊಂಡಿತು.

ಕರ್ನಾಟಕ ಹಾಗೂ ಉಳಿದೆಡೆ ಎಷ್ಟು?

ಅವತಾರ್ ದ ವೇ ಆಫ್ ವಾಟರ್ ದೇಶದ ಯಾವ ಭಾಗದಲ್ಲಿ ಎಷ್ಟು ಕಲೆಕ್ಷನ್ ಮಾಡಿದೆ ಹಾಗೂ ಅಲ್ಲಿ ಯಾವ ಸಾಧನೆಗಳನ್ನು ಮಾಡಿದೆ ಎಂಬ ಮಾಹಿತಿ ಈ ಕೆಳಕಂಡಂತಿದೆ..

ಆಂಧ್ರ ಪ್ರದೇಶ ಹಾಗೂ ತೆಲಂಗಾಣ ರಾಜ್ಯ: 15.36 ಕೋಟಿ ಗ್ರಾಸ್ - ರಾಜ್ಯದಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದ ಹಾಲಿವುಡ್ ಚಿತ್ರ ಎಂಬ ದಾಖಲೆ

ಕರ್ನಾಟಕ: 7.38 ಕೋಟಿ ಗ್ರಾಸ್ - ರಾಜ್ಯದಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದ ಹಾಲಿವುಡ್‌ನ ಎರಡನೇ ಚಿತ್ರ ಎಂಬ ಸಾಧನೆ, ಮೊದಲ ಸ್ಥಾನದಲ್ಲಿ ಅವೆಂಜರ್ಸ್ ಎಂಡ್‌ಗೇಮ್ ಇದೆ.

ತಮಿಳುನಾಡಿನಲ್ಲಿ: 5.26 ಕೋಟಿ ಗ್ರಾಸ್ - ರಾಜ್ಯದಲ್ಲಿ ಅತಿಹೆಚ್ಚು ಗಳಿಸಿದ ಹಾಲಿವುಡ್‌ನ ಎರಡನೇ ಚಿತ್ರ ಎಂಬ ಸಾಧನೆ, ಮೊದಲ ಸ್ಥಾನದಲ್ಲಿ ಅವೆಂಜರ್ಸ್ ಎಂಡ್‌ಗೇಮ್ ಇದೆ

ಕೇರಳದಲ್ಲಿ: 3.41 ಕೋಟಿ ಗ್ರಾಸ್ - ರಾಜ್ಯದಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿದ ಹಾಲಿವುಡ್ ಚಿತ್ರ ಎಂಬ ದಾಖಲೆ

ದೇಶದ ಉಳಿದ ರಾಜ್ಯಗಳೆಲ್ಲಾ ಸೇರಿ - 26.70 ಕೋಟಿ ಗ್ರಾಸ್

ಒಟ್ಟಾರೆ ಭಾರತದಲ್ಲಿ 58.11 ಕೋಟಿ ಗ್ರಾಸ್ ಕಲೆಕ್ಷನ್

ಅವೆಂಜರ್ಸ್ ಎಂಡ್‌ಗೇಮ್ ದಾಖಲೆ ಮುರಿಯುವಲ್ಲಿ ವಿಫಲ

ಇನ್ನು ಭಾರತದಲ್ಲಿ ಅತಿಹೆಚ್ಚು ಕಲೆಕ್ಷನ್ ಮಾಡಿರುವ ಹಾಲಿವುಡ್ ಚಿತ್ರಗಳ ಪಟ್ಟಿಯಲ್ಲಿ 63 ಕೋಟಿ ಗಳಿಸಿ ಅಗ್ರಸ್ಥಾನದಲ್ಲಿರುವ ಅವೆಂಜರ್ಸ್ ದ ಎಂಡ್ ಗೇಮ್ ದಾಖಲೆಯನ್ನು ಮುರಿಯುವಲ್ಲಿ ಅವತಾರ್ ದ ವೇ ಆಫ್ ವಾಟರ್ ವಿಫಲವಾಗಿದ್ದು, 58.11 ಕೋಟಿ ಗ್ರಾಸ್ ಕಲೆಕ್ಷನ್ ಮಾಡುವ ಮೂಲಕ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿದೆ.