'ಅವೇಂಜರ್ಸ್' ನಾಯಕನ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ ದಕ್ಷಿಣದ ಸ್ಟಾರ್ ನಟ!

ಅವೇಂಜರ್ಸ್, ಕ್ಯಾಪ್ಟನ್ ಅಮೆರಿಕಾ ಖ್ಯಾತಿಯ ನಿರ್ದೇಶಕರು

'ಅವೇಂಜರ್ಸ್‌;ಎಂಡ್ ಗೇಮ್', 'ಅವೇಂಜರ್ಸ್‌; ಇನ್‌ಫಿನಿಟಿ ವಾರ್', ಕ್ಯಾಪ್ಟನ್ ಅಮೆರಿಕಾ; ಸಿವಿಲ್ ವಾರ್, ಕ್ಯಾಪ್ಟನ್ ಅಮೆರಿಕಾ; ವಿಂಟರ್ ಸೋಲ್ಜರ್, 'ಎಕ್ಸ್‌ಟ್ರಾಕ್ಷನ್' ಸಿನಿಮಾಗಳನ್ನು ನಿರ್ದೇಶಿಸಿರುವ ಅಂಟೋನಿ ರೊಸ್ಸೊ ಹಾಗೂ ಜೋ ರೊಸ್ಸೊ ನಿರ್ದೇಶಿಸುತ್ತಿರುವ ಹೊಸ ಥ್ರಿಲ್ಲರ್ ಸಿನಿಮಾ 'ದಿ ಗ್ರೇ ಮ್ಯಾನ್' ಸಿನಿಮಾದಲ್ಲಿ ನಟ ಧನುಷ್ ನಟಿಸಲಿದ್ದಾರೆ.

ಕ್ಯಾಪ್ಟನ್ ಅಮೆರಿಕಾ ನಾಯಕ

'ದಿ ಗ್ರೇ ಮ್ಯಾನ್' ಸಿನಿಮಾದಲ್ಲಿ, ಕ್ಯಾಪ್ಟನ್ ಅಮೆರಿಕಾ ಖ್ಯಾತಿಯ ಸೂಪರ್ ಹೀರೊ ನಟ ಕ್ರಿಸ್ ಇವಾನ್ಸ್‌ ಹಾಗೂ 'ಲಾಲಾ ಲ್ಯಾಂಡ್', ದಿ ಬಿಗ್ ಶಾರ್ಟ್‌ ಸಿನಿಮಾಗಳಲ್ಲಿ ನಟಿಸಿರುವ ರ್ಯಾನ್ ಗೋಸ್ಲಿಂಗ್‌ ಅವರುಗಳು ಇರಲಿದ್ದಾರೆ. ಈ ಇಬ್ಬರು ಸ್ಟಾರ್ ನಟರೊಂದಿಗೆ ತೆರೆ ಹಂಚಿಕೊಳ್ಳಲಿದ್ದಾರೆ ನಟ ಧನುಷ್.

Recommended Video

ಮತ್ತೆ ತನ್ನ ಸಂಭಾವನೆಯನ್ನು ಹೆಚ್ಚಿಸಿಕೊಂಡ ಅಕ್ಷಯ್ ಕುಮಾರ್ | Filmibeat Kannada

ಕಾದಂಬರಿ ಆಧರಿಸಿದ ಸಿನಿಮಾ

'ದಿ ಗ್ರೇ ಮ್ಯಾನ್' ಸಿನಿಮಾ ಅದೇ ಹೆಸರಿನ ಕಾದಂಬರಿ ಆಧರಿಸಿದ್ದಾಗಿದೆ. ಮಾರ್ಕ್ ಗ್ರೀನೆ ಬರೆದಿರುವ ಈ ಕಾದಂಬರಿಯನ್ನು ಸಿನಿಮಾ ಮಾಡಲಿದ್ದಾರೆ ರೊಸ್ಸೊ ಸಹೋದರರು. ಸಿನಿಮಾಕ್ಕೆ ನೆಟ್‌ಫ್ಲಿಕ್ಸ್‌ ಬಂಡವಾಳ ಹೂಡುತ್ತಿದ್ದು, ನೆಟ್‌ಫ್ಲಿಕ್ಸ್‌ನಲ್ಲಿಯೇ ಬಿಡುಗಡೆ ಕಾಣಲಿದೆ.

ಧನುಷ್ ಹೊರತಾಗಿ ಇನ್ನೂ ಕೆಲವು ನಟರು

ಧನುಷ್, ಕ್ರಿಸ್ ಇವಾನ್ಸ್, ರ್ಯಾನ್ ಗೋಸ್ಲಿಂಗ್ ಅವರುಗಳನ್ನು ಹೊರತುಪಡಿಸಿ ವಿಶ್ವದ ಇನ್ನೂ ಕೆಲವು ಖ್ಯಾತ ನಟ-ನಟಿಯರು ಸಿನಿಮಾದಲ್ಲಿರಲಿದ್ದಾರೆ. ಕ್ಯೂಬಾದ ಆನಾ ಡಿ ಅರ್ಮಾಸ್, ಜೆಸ್ಸಿಕಾ ಹೆನ್‌ವಿಕ್, ವಾಗ್ನರ್ ಮೌರಾ, ಜೂಲಿಯಾ ಬಟರ್ಸ್‌ ಅವರುಗಳು ಸಿನಿಮಾದಲ್ಲಿ ನಟಿಸಲಿದ್ದಾರೆ. ಚಿತ್ರೀಕರಣ ಶೀಘ್ರದಲ್ಲಿಯೇ ಪ್ರಾರಂಭವಾಗಲಿದೆ.